Duteronomi 16:11 - ICIGHAN BIBILO

¹¹ ember sha ishigh ki TER, Aôndo wou, we man wan wou u nomso man wan wou u kwase man kpan wou u nomso man kpan wou u kwase man Orlevi u nan nyer u a nyôr, man shiror man ancôghol kua kwasecôghol mba ve lu a we, hen ijiir i TER, Aôndo wou, Una tsuwa sha u Una ver iti Na i̱ lu ker la.

Duteronomi 16:11 Iomraidhean Croise

Ekesodu 20:24

Tam atse a inyaagh; ka sha a, ú naan iniav mbi nanden man iniav mbi bem, iyôngo you kua abua ou ye; sha hanma ijiir i M ver Mer, i̱ umbur iti Yam ker yô, Me va kohol we her, Me ver u doo doo.

Yesaia 64:5

Or u nan eren perapera saan saan la yô, U kegh nan gbenda, ka mba ve umbur We sha igbenda You. Nenge, U yuwe, se kpaa se er asorabo, se lu ken a ica i gba, nahan sé war je kpa?

Yoel 1:16

Kera ka sha ashe ase je, i kar a kwaghyan man iember man msaanyol ken iyou i Aôndo wase kera gaa?

Habaku 3:18

nahan kpaa, mo me ember ken TER, me ember ken Aôndo u myom wam.

Mbaromanu 5:11

Ka nahan tseegh kpaa ga, shi se mba wuese ser, se mba a Aôndo, sha Ter wase Yesu Kristu u se zough a mhim sha a Na hegen yô.

2 Mbakorinte 1:24

Ka er se mba yan tor sha kwagh u jighjigh wen u nan ga, kpa se mba eren tom a ven imôngo sha ci u né ember yô, gadia ka sha jighjigh u nan man ne til taveraa ye.

Duteronomi 12:12

né ember sha ishigh ki TER, Aôndo wen, ne a ônov enev mba nomso man mba kasev man ikpan yen i nomso man i ukase man Orlevi u nan va nyer u a nyôr, sha ci u nan lu a kwar shin dyako a ven imôngo ga yô.

Duteronomi 12:18

kpa ka sha ishigh ki TER Aôndo wou ú yaan akaa ne ye, hen ijiir i TER, Aôndo wou, Una tsuwa yô, we, man wan wou u nomso man wan wou u kwase man kpan wou u nomso man kpan wou u kwase man Orlevi u nan va nyer u a nyôr; ember sha ishigh ki TER, Aôndo wou, sha akaa a u ker ave sha mi cii.

Duteronomi 12:5

Kpa ijiir i TER, Aôndo wen, Una tsuwa ken ikwe yen cii, sha u Una ver iti Na ker, er i̱ lu ijiir Na i teman yô, ker nen i, vaan nen her;

Duteronomi 12:7

Shi ka her né yaan kwagh sha ishigh ki TER, Aôndo wen, ne a ior enev, né ember sha hanma kwagh u ne ker ave sha mi, u TER, Aôndo wou, A ne u iveren sha mi yô.

Duteronomi 14:29

Orlevi (sha er nan lu a kwar shin dyako a we imôngo ga yô) man shiror man ancôghol man kwasecôghol mba ve nyer u a nyôr yô, ve̱ va ya, i̱ kuma ve; sha er TER, Aôndo wou A̱ ver u dedoo ken tom u u eren sha ave ou cii yô.

Duteronomi 16:10

Er TER, Aôndo wou, iniongo i ulahadi sha nagh ku sha ishima i dedoo ku sha uwegh ough ku ú na sha iveren i TER, Aôndo wou, A ver u yô;

Duteronomi 16:14

Ember sha iniongo you, we man wan wou u nomso man wan wou u kwase man kpan wou u nomso man kpan wou u kwase man Orlevi man shiror man ancôghol kua kwasecôghol mba ve nyer u a nyôr yô.

Duteronomi 26:11

Ember sha akaa a dedoo a TER, Aôndo wou, A ne u a ya wou cii yô, we man Orlevi kua shiror u a nyer u a nyôr la kpaa.

Mbafilipi 4:4

Ember nen ken Ter gbem, shi me kaa mer, ember nen.