Duteronomi 15:7 - ICIGHAN BIBILO

⁷ Aluer ma icanor á lu hen a we, á lu mô anngôu, ken ma gar ken tar wou u TER, Aôndo wou, A lu nan we la, yô, de cighir ishima you ga, de kusun uwegh ough a anngôu u a gbe ican la ga;

Duteronomi 15:7 Iomraidhean Croise

Nehemia 5:1

Tsô ior ger mliam kpishi a kasev vev sha ci u anmgbianev vev Mbayuda.

Eseter 9:19

Mbayuda mba ken angarev mba ve tema ken agar a lun a ugir ga la, ve gema ve ver uwer u Adar ayange a u pue kar anyiin la, hingir iyange i iember man i iniongo, man iyange i lun saan saan, man i tindin a iwua hen ayol a ve.

Eseter 9:22

er ka ayange a Mbayuda zua a mmem sha mbaihomov vev la, man uwer u i gema ishimavihin ve, hingir iember la, man ijungwen hingir iyange i msaanyol; sha er ve̱ gema a, a̱ hingir ayange a iniongo kua a iember, man a tindin iwua hen ayol a ve, kua hen mbaatsanev kpaa.

Ekesodu 22:25

Aluer wea pwar inyaregh wea na icanor u ken ior Av, u nan lu a we imôngo yô, de eren a nan er or u cirin or injô nahan ga, shi de kera we nan mngerem kpaa ga.

Anzaakaa 19:17

Or u nan zungu mbaatsanev mhôônom yô, nan pwar TER kwagh je, nahan Un kpaa Una na nan sha ieren i nan i dedoo la.

Anzaakaa 21:13

Or u nan cir ato a nan sha u nana ungwan mliam ma icanor ga yô, nan kpaa nana vaa, kpa á ungwa nan her ga.

Yesaia 58:10

aluer ú na mbagenev kwagh u we kpaa a doo u la, man ú na icanor nan ide, nahan iwanger you ia wanger ken ime, ime You kpaa ia hingir er ka atetan nahan;

Levitiku 25:35

Aluer anngôu u a lu a we una gba ican je kwagh a hemba un yô, wase un, a̱ lu a we er orvannya man shiror nahan.

Mateu 18:30

Kpa a venda, a za, a za wa un ken gaadi je, er saa una vande kimbin injô i lu ya un la ve.

Mateu 5:42

Or a sôn u kwagh yô, na nan, man a sar or ka pwaren kwagh her a we kpaa, de geman nan ijime ga.

Duteronomi 15:11

Gadia mayange mbaatsanev vea bee sha tar ga, ka nahan man m kaa Mer, bugh uwegh ough, wase anngôu man or u kwagh a gbe nan man icanor ken tar wou ye.

Duteronomi 15:9

kura iyol you, mhen u dang, a̱ de lu ken ishima you, er ú kaa wer; inyom i sha utaankaruhar, inyom i den injô la mgbôghom ve, ga, man ú gba kenger anngôu u a gbe ican la dang, ú nyume un kwagh man una gema á vaa ieren you la a TER; nahan yô, hingir isholibo je u er ye.

Duteronomi 24:14

Ortom u sha tôndo u a lu icanor, or u ibanave yô, de eren nan ican ga, shin nana lu or u ken anmgbianev ou, shin nana lu or u ken ushirmbaiorov mba ken tar wou mba ve nyer u a nyôr la kpaa.