Duteronomi 15:11 - ICIGHAN BIBILO

¹¹ Gadia mayange mbaatsanev vea bee sha tar ga, ka nahan man m kaa Mer, bugh uwegh ough, wase anngôu man or u kwagh a gbe nan man icanor ken tar wou ye.

Duteronomi 15:11 Iomraidhean Croise

Ekesodu 23:11

kpa sha inyom i sha utaankaruhar la yô, de u, u̱ gba lun tsô, sha er atsanaior a ior ou vea ya yô; kwagh u una shi yô, inyamtoho i̱ mase yan. Ka ape ú eren a sule wou u wain kua u olev kpaa la.

Anzaakaa 19:17

Or u nan zungu mbaatsanev mhôônom yô, nan pwar TER kwagh je, nahan Un kpaa Una na nan sha ieren i nan i dedoo la.

Anzaakaa 22:2

Ornyar kua icanor ka ve zua, ka TER A gbe ve cii ye.

Anzaakaa 31:20

Ka nan naregh uwegh ku nan hen mbaatsanev, nan naregh ave a nan hen mbaibanave.

Esekiel 18:7

man nan kighir orgen sha apera ga, kpa nan hidi a ityungu hen or u yan nan injô, man nan ngohol ma or kwagh sha agee ga, kpa nan ne mba ijen i ker ve kwaghyan, man nan cirin mbalun idyelegh akondo iyol,

Mateu 26:11

Gadia ne mba a mbaatsanev a ven imôngo gbem; kpa Mo yô, né lu a Mo gbem ga.

Mateu 5:42

Or a sôn u kwagh yô, na nan, man a sar or ka pwaren kwagh her a we kpaa, de geman nan ijime ga.

Marku 14:7

Gadia ne mba a mbaatsanev a ven imôngo gbem, hanma shighe u i sar ne cii kpaa ne fatyô u eren a ve dedoo; kpa Mo yô, né lu a Mo gbem ga.

Luka 12:33

Gema nen inyaregh yenegh tee nen, na nen iwua. Kor nen akpa a inyar a a bee iyol ga la sha ci wen, ka kwagh u injaa u a lu Sha u una bee ga, ape ormbaiv nana mgbôghom a min ga, ivina kpaa ia vihi ga yô;

YOHANE 12:8

Gadia ne mba a mbaatsanev gbem, kpa Mo yô, né kera lu a Mo her a ven gbem ga.

Aerenakaa A Mbaapostoli 2:45

Ve tee akaa a ve man inyarev vev, ve kar ayol a ve sha gbayol u hanma or.

Duteronomi 15:7

Aluer ma icanor á lu hen a we, á lu mô anngôu, ken ma gar ken tar wou u TER, Aôndo wou, A lu nan we la, yô, de cighir ishima you ga, de kusun uwegh ough a anngôu u a gbe ican la ga;

Duteronomi 15:8

kpa bugh uwegh ough kpee je, pwar un kwagh a̱ kuma sha kwagh u a gbe un la;