Duteronomi 14:8 - ICIGHAN BIBILO

⁸ igo kpaa, gadia i pav apande kpa i kengese kwaghyan ga, nahan i kpaa i̱ lu ne kwagh u a lu wang ga yô, de ye nen inyam i i ga, gundu u i tsô kpaa, de benden nen a min ga.

Duteronomi 14:8 Iomraidhean Croise

Yesaia 65:4

mba ve tem her atô u iwaregh man ve tse ken ajiir a myer; mba ve ye inyamigo, man kwaghyan u nungwa nungwa u ndôhôrshima ngu ken ugbande vev;

Yesaia 66:17

Ve mba ve tsegh ayol a ve man ve wanger ayol a ve, ve dondo sha ugen u a lu ve her atô la sha u vea nyôr ken ishule yô, mba ve ye inyamigo man kwagh u hôngorough man ihyev la, vea saa nongo, kape TER A kaa la.

Yesaia 66:3

Or u nan woo bua yô, nan ngu er or u nan woo or nahan; or u nan ne nagh ku sôngon sha tuleiyôngo yô, nan ngu er or u nan sombo aniwa mon yô; u nan ve a nagh ku sha samuyia yô, nan ngu er or u nan ve a nagh ku awambe a igogh nahan; man or u nan ve a kwaghhumandoon sha ci u nagh ku umbur yô, nan ngu er or u wuese akombo nahan. Er ve tsough igbenda i sha asema a ve, uma ve kpaa a ember sha akaa a ve a hôngorough nahan,

Levitiku 11:3

Hanma swase u u pav apande ahar dedoo, shi u kengese kwaghyan kpaa yô, ka u, yaan nen ye.

Levitiku 5:2

Shin aluer hanma or nana bende a ma kwagh u a lu wang ga, shin a lu gundu u ma swase u u lu wang ga, shin gundu u ma ilegh ki ki lu wang ga, shin gundu u ma kwagh u a kper a kpera inya, u a lu wang ga, man nana fa ga yô, nan kera ngu wang ga, nan hingir u lun a ibo iyol ve.

Duteronomi 14:7

Nahan igen i i kengese kwaghyan man i pav apande i né yaan i ga yô, ka rakumi man alôm man ikuwa, gadia ve mba kengese kpa ve pav apande ga, nahan ve̱ lu ne kwagh u a lu wang ga yô;

Duteronomi 14:9

Akaa a shin mnger a né yaan di yô, ka a ne: Hanma kwagh u a lu a atsaase man avuu yô, ka ve né yaan ye;

2 Peteru 2:22

Injakwaghôron i mimi ne kuma sha a ve vough er: Iwa suwa, shi hide ya, man shi: Ngôigo ôô iyol kpa shi hide vingir shin angbiôr.