Hanma inyam i wang yô, tsuwa itiankarihiar itiankarihiar, nom man mgbian, nom man mgbian. Inyam i wang ga yô, i̱ lu ihiar ihiar, nom man mgbian, nom man mgbian;
Tsô m kaa mer: Uwu, Tere, AÔNDO! Nenge, m ngu a vande hôngor ga; gadia hii er m lu iyev la je zan zan hegen m ngu a vande yan kwagh u a gbe kpen ga, shin u inyam i kume i ande un kpaa ga, man inyam i ndôhôr ishima kpaa ngi a nyôrom ken zwa ga.
De gem nen ayol a en hingir nen kwagh u ndôhôrshima sha hanma inyarev mbi zenden hen inya iuu la ga; man shi de hôngor nen ayol a en sha mbi ga, sha er de kera hingir nen wang ga, sha mbi ga.
Nahan yô, pav nen zendenya u wang kposo a u a lu wang ga yô, man inyon i wang ga, a i lu wang yô; de hôngor nen a uuma enev sha uzendenya ga shin sha inyon shin hanma injakwagh i kper a kpela inya kpaa ga, mba M tswer ne ve Mer, ve mba wang ga yô.
Wanger mo, m fa dedoo ken Ter Yesu mer, ma kwagh gbe lun wang ga iyol na tsô ga, saa or u nan nenge er kwagh a lu wang ga la a lu nan kwagh u wang ga ye.
Kpa aluer orgen nana kaa a ven er: Ngin ka inyamakombo yô, de kera ye nen ga, sha ci u or u nan pase ne kwagh la yô, man sha ci u imo i ken ishima la kpaa.
Mba ve lu wang yô, akaa cii nga ve wang je, kpa mbahôngorough man mbanan jighjigh ga yô, ma kwagh ngu ve wang ga, kpa mhen ve kua imo i ken ishima cii hôngor.
