Duteronomi 14:2 - ICIGHAN BIBILO

² Gadia u ngu TER, Aôndo Wou, icighanikurior je; ken akuraior sha won cii, ka we, TER A tsough u, u hingir ikurior Na jim ye.

Duteronomi 14:2 Iomraidhean Croise

Esera 9:2

Gadia ve er ônov vev mba kasev sha ci ve ayol a ve man sha ci u ônov vev kpaa; nahan icighantsombor nungwa a atôatyev a hen ityar ne; ka atiator man mbatarev je, ve hemen sha kwaghbo ne ye.

Yesaia 41:9

uwe, u M kôr u, M tôô u sha akighir a tar je, M yila u sha azongo a u, M kaa a we Mer: We, u ngu wanakiriki Wam, M tsuwa u, M ta u kera ga,

Yesaia 6:13

Man aluer nahan kpaa shi môm-ken-upue una shi ker yô, shi á kar a ve ken usu; er kon u terebin man u ouki mba ka a gber ve man akpughur a ve a shi her la, kape icighantsombor una lu ikpughur her la.

Yesaia 62:12

Á yila ve er, uicighanmbaiorov, Mbaipaave mba TER; man á yila u kpaa er, Asarior man Gar u i te un kera ga yô.

Yeremia 2:3

Iserael lu TER icighankwagh je, atam a tsutswa a iyiav Nav; mba ve ye un cii, á na ve ibo, kwaghbo una tser ve, kape TER A kaa ne.

Esekiel 21:2

Wan u or, ver ishigh sha Yerusalem, ôr kwagh sha ajiir a tseghan, man ôr kwaghôron u profeti sha tar u Iserael;

Daniel 12:7

Tsô m ungwa or u haan ikondo i pupuu i kôngor u a lu sha sha mngerem ma ifim la, zum u a kende uwegh nagh ku yanegh man uwegh nagh ku imesegh sha yô, a bum Un u A lu uma gbem la, er: á lu shighe man ashighe man veghershighe; zum u vea vihi agee a icighanikurior kera ci ca yô, akaa ne cii aa kure sha min.

Daniel 8:24

Tahav nav mbua vese, kpa á lu sha tahav nav iyol na ga; una tim kwagh kera je á cier iyol, ikôr ia lagh un; una tim mbaageev kera, kua uicighanmbaiorov kpaa.

Levitiku 11:45

Gadia ka Mo TER u M dugh a ven ken tar u Igipiti sha u Me lu Aôndo wen yô; lu nen uicighanmbaiorov, gadia Mo kpaa M ngu icighan je.

Levitiku 19:2

Ôr kwagh a mkohol u Mbaiserael cii, kaa a ve wer: Lu nen uicighanmbaiorov, gadia Mo TER, Aôndo wen, M ngu icighan je.

Levitiku 20:24

Kpa ne yô, M kaa ne Mer, ka ne né ya dyako u tar ve ye, Mo Me na ne u, u̱ hingir kwagh wen jim, ka tar u atumbabua a dumbur ken u kua iyough kpaa; ka Mo TER M lu Aôndo wen u M ver ne kposo a akuraior yô.

Levitiku 20:26

Lum nen uicighanmbaiorov, gadia Mo TER M ngu icighan je, M pav ne a akuraior, M ver ne kposo, sha u lu nen ior Av yô.

Mbaromanu 12:1

Anmgbianev av, m ngu zamber a ven sha mhôônom ma kôron ma Aôndo mer, gema nen ayol a en na nen nagh ku uma a mi, icighannagh ku doon Aôndo, ka mciviraôndo wen u ken jijingi je la.

Duteronomi 14:21

De ye nen ma kwagh u a gbe kpen tsô la ga; kpa i rumun er u̱ na shiror u nan va nyer u a nyôr la, nana̱ ya; gayô, tee, or u ken nongo ugen nana̱ yam, gadia u ngu TER, Aôndo wou, icighanikurior je. De jiir wanivo sha atumba a ngô na ga.

Duteronomi 28:9

TER Una ver u, ú lu Un icighanikurior er A bum a we nahan; aluer ú waan atindi a TER, Aôndo wou, iko, ú zenden sha igbenda Na yô.

Duteronomi 33:3

Mimi je, ikwe la doo Un ishima; uicighanmbaiorov Nav cii ve mba sha ikev You, ve haa hen angahar a Ou; hanmô ve nan ngohol kwagh sha akaaôron a Ou.

Duteronomi 4:20

Ne yô, TER kua a ven due a ven ken usu u ken adum kera, ka ken Igipiti je la, sha u ne̱ hingir Un ikurior i dyako, er i lu nyian nahan.

Duteronomi 7:6

Gadia we u ngu TER, Aôndo wou, icighannongo je; TER, Aôndo wou, tsuwa u ken akuraior a a lu sha won cii, er u̱ lu nongo Na jim.

Duteronomi 7:7

Ka mngee, ne hembe ngeen a ma ikurior igen man TER A pende ishima sha a ven A tsough ne kpaa ga, gadia ne hemba gban ijime a akuraior cii;

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.