Duteronomi 13:4 - ICIGHAN BIBILO

⁴ Dondo nen TER, Aôndo wen, cian nen Un, waan nen atindi Na iko, ungwa nen imo Na, civir nen Un, Var nen a Na.

Duteronomi 13:4 Iomraidhean Croise

2 Utor 23:3

Tor tile hen ityô, a tôndo zwa sha ishigh ki TER, er una dondo TER man una waan atindi a Na iko man mbampase Nav kua akaawan a Na, a ishima na cii kua a uma na cii, una er sha akaaôron a ikuryan a i nger ken ruamabera la vough; ior ci ca cii rumun ikuryan la.

2 Kroniku 34:31

Tor tile hen ijiir na, nahan a tôndo zwa sha ishigh ki TER er una dondo TER man una waan atindi a Na iko man mbampase Nav kua akaawan a Na kpaa, a ishima na cii, kua uma na cii kpaa, una er sha akaaôron a ikuryan a i nger ken ruamabera la vough.

Yeremia 7:23

Kpa tindi ne M wa ve, M kaa Mer: Ver nen ato sha imo Yam, nahan Me hingir Aôndo wen, man shi ne kpaa né hingir ior Av, man zende nen sha gbenda u M kaa ne la cii, sha u i̱ kpe ne iyol yô.

Mika 6:8

Yô, A tese u, kwagh u dedoo, we or; tsô ka nyi TER A keren her a we, saa u eren kwagh u mimi man u soon u zungwen mhôônom, man u hiden a iyol ijime er u zenden vea Aôndo wou la gaa?

Luka 1:6

Ve uhar cii ve lu mbaperapera sha ishigh ki Aôndo, ve kuran atindi a Ter kua akaawan a Na cii ve lu a acôghol a wan iyol ga.

Mbaromanu 6:13

shi de ne nen alegh a en sha ikev i isholibo a̱ hingir ikav mbi tomov mbi ifer ga, kpa na nen ayol a en sha ikev i Aôndo er ka mba ve dugh ken ku kera ve hingir mbaumav nahan, alegh a en a̱ lu ikav mbi tomov mbi perapera sha ci u Aôndo.

1 Mbakorinte 6:17

Kpa u nana var a Ter yô, nan ngu jijingi môm a Na je.

Duteronomi 10:20

Ka TER, Aôndo wou, cian Un ye, ka Un kpaa eren Un tom, ka Un var ken Na, shi ka ken iti Na kpaa bumun nen ye.

Duteronomi 11:1

Nahan yô, TER, Aôndo wou, A̱ doo u ishima, waan kwagh u A we u la iko gbem kua akaawan a Na man akaaôron a jirigh a Na man atindi a Na kpaa.

Duteronomi 30:20

er TER, Aôndo wou, A̱ doo u ishima, u̱ ungwan imo Na, u̱ var a Na, gadia ka uma wou man ayange ou a ngeen je la, sha er u̱ tema ken tar u TER bum a uter ou, Aberaham man Isaka man Yakob, er Una na ve u la.

Duteronomi 6:13

Ka TER, Aôndo wou, cian Un ye, shi ka Un kpaa eren Un tom, ka iti Na kpaa bumun nen ye.

Duteronomi 6:5

Nahan yô, TER Aôndo A̱ doo u ishima a ishima you cii man a uma wou cii man a agee ou cii.

Mbakolose 1:10

sha u ne̱ zende zende u u kom Ter, ne̱ doon Un ken akaa cii, ne̱ umen atam ken hanma tom u dedoo, shi ne̱ vesen ken kwaghfan u Aôndo,

2 Yohane 1:6

Dooshima yô, ka un ne: ka u se̱ zenden sha atindi a Na. Ka tindi shon ne: Er ne ungwa sha hiihii yô, ka u né zende sha mi.

1 Samuel 7:3

Tsô Samuel ôr kwagh a ya u Iserael cii, a kaa er: Aluer nea gema hen TER sha ishima môm yô, dugh nen mbaaôndo mbagenev kua Ashetaroti kpaa ker a ven kera, ver nen asema sha TER, civir nen Un tseegh, tsô Un kpaa Una yima ne sha ikev i Mbafiliti.