Duteronomi 13:2 - ICIGHAN BIBILO

² man ivande la shin kwagh u kpilighyol la á va er sha mi vough, sha kwaghôron u a vande ôron we sha mi er: Sé dondo nen mbaaôndo mbagenev mba u fe ve ga, sé civir nen ve,

Duteronomi 13:2 Iomraidhean Croise

1 Utor 13:3

Shi a tese ikav sha iyange la kpaa, a kaa er: ikav i TER A tese yô, nenge, atse aa pav, mtwem ma ma lu sha a kpaa maa haa inya.

Ekesodu 22:19

Or u nan yav a zendenya yô, i̱ wua nan kpee.

Ekesodu 7:22

Mbaahiriv mba Igipiti kpaa er nahan, sha ahir a ve; ishima i Farao cighir, a wa ve iko ga, er TER kaa yô,

Yeremia 23:32

Nenge, M ngu num a mba ve er mnyam ma cien la, kape TER A kaa ne, man ve pasen ma, ve ne ior Av ve tsum sha aie ve, kua kwaghôron ve u sha ihagher la; nahan kpaa, Mo M tindi ve ga, M na ve zwa kpaa ga; man shi vea lu ior mban a ma inja je ga, kape TER A kaa ne.

Yeremia 27:9

Nahan ne yô, de veren nen ato sha uprofeti enev, shin sha mbakpehenasor enev, shin sha mnyam ma cien enem, shin sha mbatsenganfan enev, shin sha mbaahiriv enev kpaa ga, mba ve er kwagh aven ve kaa er: sha ikev i tor u Babilon ga la.

Yeremia 28:9

Profeti u a pase er bem una lu la, zum u kwaghôron u profeti la una va kure sha mi vough yô, nahan sha shighe la á fa er profeti la, a lu profeti u TER A tindi un mimi je yô.

Sekaria 10:2

Gadia terafim ôr gbilinkwagh, mbaasorov kpaa mba nengen aie, mba ôron mnyam ma cien ma aiem, mba sur ior asema gbilin; ka nahan man ve zenden er iyôngo nahan, ican ngi eren ve, sha ci u orkuran ngu ga.

Mateu 24:24

Gadia ukristu mba aiev man uprofeti mba aiev kpaa vea mough vea er uivande mba vesen man akaa a kpilighyol kpaa, sha u vea tsugh uicuwanmbaiorov aluer vea fatyô yô.

Duteronomi 13:13

Agbilinaior agen due ken a we je ve urugh mba ken gar ve, mba kaan er; Sé za nen, sé za dondo nen mbaaôndo mbagenev mba ne fe ve ga yô,

Duteronomi 13:6

Aluer anngôu u ngô môm, shin wan wou, shin wan wou u kwase, shin kwase wou u ishima ishima, shin huror wou u a lu er ka uma wou nahan je, una mee u myer, er: Sé za civir nen mbaaôndo mbagenev, mba u fe ve ga, uter ou kpaa ve fe ve ga yô,

Duteronomi 18:20

Kpa profeti u nana cihi nana ôr kwagh ken iti Yam, u M kaa a nan Mer nana̱ ôr ga, shin nana ôr kwagh ken iti i mbaaôndo mbagenev yô, profeti la nana̱ kpe.

Duteronomi 18:22

Yô, zum u ma profeti nana ôr kwagh ken iti i TER man kwagh la una er nahan ga, man una lu nahan kpaa ga yô, kwagh la, TER kaa un ga; profeti la gba ôron un sha icihi tsô; yô, de cie nan ga.