Duteronomi 13:16 - ICIGHAN BIBILO

¹⁶ Kohol ishar i ker cii, haa hen atô u tembe na, nande gar la sha usu kua ishar na jimin cii, sha ci u TER, Aôndo wou, a̱ hingir tihialôgh gbem sha won, i̱ de kera shi maan un mayange ga.

Duteronomi 13:16 Iomraidhean Croise

Ekesodu 22:19

Or u nan yav a zendenya yô, i̱ wua nan kpee.

Yesaia 17:1

Mkaanem ma Aôndo sha Damaseku. Nenge, mba karen a Damaseku sha, una kera lu gar ga, una hingir tihi u alôgh.

Yesaia 25:2

Gadia U gema gar u tamen hingir tihi u alôgh, gar u taveraa hingir ice; garutya u ior mba tar ugen hingir er ka gar ga yô, á kera maa un mayange ga.

Yeremia 49:2

Nahan yô, nenge, ayange nga van, kape TER A kaa ne, a Me na á ungwa shishavaa u utya sha Raba u Mbaamon; una hingir atihialôgh, man agar a na a kiriki yô, á nande a sha usu; tsô Iserael una ya dyako u mbala mba ve ye un dyako la, kape TER A kaa ne.

Esekiel 26:14

Me gema u ú hingir vande u gbaam gbaam; ú hingir ijiir i tsenen ukper; á kera kimbir u maan we ga; gadia ka Mo TER M kaa nahan ye, kape Ter AÔNDO A kaa ne.

Mika 1:6

Nahan yô, Me gema Samaria una hingir tihialôgh ken ikôngo, ijiir i kahan sule u ikon i wain; Me menger awen a na a̱ haa shin pev; Me er amagh a na a̱ due sha.

Duteronomi 7:25

Ieev mbi mbaaôndo vev mbi gban a gba la yô, nande nen sha usu; de tem azurfa shin zenaria u a lu sha mi ga; de tee ga, sha er i̱ de hen u sha mi ga yô, gadia ka TER, Aôndo wou, kwagh u ihôngorough je;

Duteronomi 7:26

man de ve a kwagh u ihôngorough ken ya wou ga, sha er ú hingir a ifan iyol er un nahan ga yô, kpa nyagh un tsembelee je, i̱ lu u kwagh u ndôhôrshima, gadia ka kwagh u i we un ifan yô.

Yosua 6:21

Ve tim akaa a ken gar la sha zwa u sanker ca ca, nomso kua kasev, man mbayev kua ior mba been iyol, man ibua man iyôngo kua ujaki.

Yosua 6:24

Ve nande gar kua akaa a lu kimi cii sha usu, saa azurfa man zenaria man ikav mbi togula kua mbi iyôôv tseegh, ve wa sha inyaregh ki ken iyou i TER ye.

Yosua 6:26

Tsô Yosua ta ve icin sha mbum hen shighe la, a kaa er: Or u nana mough, sha u maan gar u Yeriko ne yô, ifan ia kôr nan sha ishigh ki TER. Ka sha ku u waniunda u nan je nana tim imagh nagh ye, shi ka sha ku u wan u nan u masetyô nana wa ihinda na ye.

Yosua 8:28

Kape Yosua nande Ai la, gema un hingir tihialôgh gbem, ka ice zan zan nyian.