Duteronomi 12:7 - ICIGHAN BIBILO

⁷ Shi ka her né yaan kwagh sha ishigh ki TER, Aôndo wen, ne a ior enev, né ember sha hanma kwagh u ne ker ave sha mi, u TER, Aôndo wou, A ne u iveren sha mi yô.

Duteronomi 12:7 Iomraidhean Croise

1 Kroniku 29:22

Ve ya kwagh ve ma kwagh sha ishigh ki TER, a iember kpishi sha iyange la; shi ve ver Solomon wan u Davidi tor, ka kwa har je la, ve shighe un mkurem a̱ lu ityoor sha ci u TER, Sadoki di lu pristi.

Nehemia 8:9

Tsô Nehemia u a lu gomna la, man pristi Esera orngeren, man Mbalevi mba ve tesen ior, ve kaa a ior cii er: Nyian ka icighaniyange i TER, Aôndo wen; yô, de kera zungu nen ga, de kera vaan nen kpaa ga. Gadia ior cii lu vaan er ve ungwa akaaôron a atindi la yô.

Orpasenkwagh 3:12

M fa ma kwagh u hemban doon ve ngu ga, saa u ember man u eren akaa a dedoo sha ayange a ve lu uma la cii.

Orpasenkwagh 3:13

Man shi er hanma or nana̱ ya kwagh, nana̱ ma kwagh, i̱ doo nan iyol ken tom u nan ye ican sha mi la cii; kwagh ne ka iwua i Aôndo je.

Orpasenkwagh 5:18

Nenge, kwagh u m nenge a doo man a lu vough hen or yô, ka u nana̱ ya kwagh, nana̱ ma kwagh, nana̱ ember sha tom u nan cii, u nan er sha ican shin tar, sha ayange a nan a Aôndo A ne nan cii, gadia kwagh ne ka kwar u nan je la.

Yesaia 23:18

mtsera u sha kasua na kua injar na la, á lu TER icighankwagh; á ombo ki ga, á koso ki kpaa ga; gadia mtsera u kasua na una lu sha ci u mba ve tem sha ishigh ki TER yô, sha u ve̱ ya, i̱ kuma ve, man sha ci u akondo a doon ashe.

Yesaia 62:9

kpa mba ve kur a mi la, vea ya un man vea wuese TER; man ve mba ve kohol un kpaa, ka ve, vea ma un ken ityembe i icighanjiir Wam ye.

Esekiel 44:3

Tor yô, una tema kimi sha ci u a lu tor yô, sha u yan kwaghyan sha ishigh ki TER; ka sha gbenda u puadwer la, una nyôron, shi ka sha u, una duen kpaa ye.

Yoel 1:16

Kera ka sha ashe ase je, i kar a kwaghyan man iember man msaanyol ken iyou i Aôndo wase kera gaa?

Yoel 2:26

Nea ya je á kuma ne gbing gbing, né wuese iti i TER, Aôndo wen, u A er ityom i kpilighyol her a ven la; man ior Av kpaa, vea kera va ahenge mayange ga.

Levitiku 23:40

Sha iyange i hiihii la yô, tôô nen atam a ikon i doon ashe man andaravilegh kpaa, man agbaa a ikon i ngeen a ika man ikon i nelem agbaa i ken mnger; ember nen sha ishigh ki TER, Aôndo wen, ayange ataankarahar la cii.

Malaki 2:13

Kwagh ne kpaa shi ne mba eren: ne mba cirin atse a TER a nanden nagh sha mi la, sha mlia man kwelegh man ishimashirin, sha ci u A kera wa nagh iko ga, A ngohol ku sha uwegh enegh sha ishima i gbar gbar kpaa ga yô.

Aerenakaa A Mbaapostoli 2:46

Ve zer kohol ken tempel ayange ayange, ve coon bredi sha uya vev ser ser, ve yaan kwagh a iember man a ishima i wang,

Duteronomi 12:12

né ember sha ishigh ki TER, Aôndo wen, ne a ônov enev mba nomso man mba kasev man ikpan yen i nomso man i ukase man Orlevi u nan va nyer u a nyôr, sha ci u nan lu a kwar shin dyako a ven imôngo ga yô.

Duteronomi 12:18

kpa ka sha ishigh ki TER Aôndo wou ú yaan akaa ne ye, hen ijiir i TER, Aôndo wou, Una tsuwa yô, we, man wan wou u nomso man wan wou u kwase man kpan wou u nomso man kpan wou u kwase man Orlevi u nan va nyer u a nyôr; ember sha ishigh ki TER, Aôndo wou, sha akaa a u ker ave sha mi cii.

Duteronomi 12:8

De kera eren nen er se eren nyian ne nahan ga, er hanma or ka nan gba eren kwagh u a lu vough ken ashe a nan tsô la;

Duteronomi 14:23

Ijiir i TER, Aôndo wou, Una tsuwa sha u veren iti Na i̱ luun ker yô, ka hen i, ú yaan môm-ken-upue u iyiav you sha ishigh ki TER, Aôndo wou ye, kua u wain wou man u mkurem ou man ônovmbaiundav mba ibua you man iyôngo you kpaa, sha er ú hen u cian TER, Aôndo wou, gbem yô.

Duteronomi 14:26

gema inyaregh kila yam hanma kwagh u a sar u cii a mi, shin a lu ibua, shin a lu iyôngo, shin a lu wain, shin a lu kwaghman u taver, shin nyityô kwagh i i sar u kpaa; ya heregh sha ishigh ki TER, Aôndo wou, ember, we a ior ou.

Duteronomi 15:20

We man ior ou, yaan nen ve sha ishigh ki TER, Aôndo wou, anyom anyom hen ijiir i TER, Aôndo wou, Una tsuwa la.

Duteronomi 26:11

Ember sha akaa a dedoo a TER, Aôndo wou, A ne u a ya wou cii yô, we man Orlevi kua shiror u a nyer u a nyôr la kpaa.

Duteronomi 27:7

Sôngo iniav mbi bem kpaa, ya her; ember sha ishigh ki TER, Aôndo wou.

Duteronomi 28:47

Er u kera civir TER, Aôndo wou, a ishima i iember man i saan saan ga, sha ci u, u ngee a akaa yum yô,

Mbafilipi 4:4

Ember nen ken Ter gbem, shi me kaa mer, ember nen.