Duteronomi 12:6 - ICIGHAN BIBILO

⁶ ka her kpaa né vaan a iniav yenev mbi nanden man iniav yenev mbi sôngon man môm-ken-upue enev man nagh ku kenden sha ku sha uwegh enegh man uiceghzwa enev man iniav yenev mbi sha ishima i dedoo man ônovmbaiundav mba ibua you man mba iyôngo you ye.

Duteronomi 12:6 Iomraidhean Croise

2 Kroniku 31:14

Kore wan u Imna, Orlevi, orkuranhunda vegher u sha ityoughkitaregh la, un lu nengen sha iniav mbi nan Aôndo sha ishima i dedoo la, lu karen kwar sha iniav mbi TER man uicighanmbaakaav mba hemban cii la.

2 Kroniku 7:12

Tsô TER ande hen Solomon tugh, kaa a na er: M ungwa msen wou, shi M tsuwa ijiir ne Mer i̱ lum iyou i nan nagh ker.

Esera 3:2

Tsô, Yeshua wan u Yosadaki mough a anmgbianev nav upristi kua Serubabel wan u Shealtiel man anmgbianev nav ve ta atse a nanden nagh sha mi a Aôndo u Iserael, er i̱ naan nagh ku nanden sha a, er i nger ken atindi a Mose or u Aôndo la nahan.

Nehemia 10:36

man shi ônov asev mba iundav mba nomso kua mba uzendenya asev er i nger ken atindiakaa nahan, man ônov mba iundav mba abua a ase, man mba iyôngo yase, sé va a mi hen you i Aôndo wase, hen upristi mba ve eren tom ken iyou i Aôndo wase;

Nehemia 10:39

Gadia Mbaiserael man Mbalevi vea va a iniav mbi alakema man wain man mkurem, hen ayou, henpe ikav mbi icighanjiir, man upristi mba ve eren tom la, man mbakuranhunda kua mbawanatsam ve lu yô; mayange sé kera gbihi iyou i Aôndo wase ga.

Upasalmi 116:17

Me na U nagh ku ishughun, me yila sha iti i TER.

Esekiel 20:40

Gadia sha uwo Wam u tseghan, sha uwo u taven u Iserael, kape Ter AÔNDO A kaa ne, ka keela ya u Iserael cii, vea civir Mo ken tar la; ka keela Me rumun ve, man ka keela kpaa Me ker iniav yenev, man iwua yen i sha iyiav mbi tsutswa, a akaa a en a tseghan cii.

Levitiku 1:3

Aluer nagh ku nan, á lu ku nanden ku sha abua yô, nana̱ na nom u a lu a ihogholough iyol ga yô, nana̱ za na hen hunda u tenti u kohol ker la, sha er TER Una rumun nan yô.

Malaki 3:10

Va nen a môm-ken-upue mba jimin ken iyou i koson inyaregh, sha u iyou Yam i̱ lu a kwaghyan; yô, karem nen ase sha kwagh ne, kape TER u akum a Sha A kaa ne, tsô Mea bugh ne a-an a Sha, Mea haa ne iveren, je ia neer á haa inya.

Malaki 3:8

Or nana fatyô u iin Aôndo kwagha? Nahan kpaa ne mba iin Mo kwagh. Kpa ne mba kaan ner: Ka han se ii U kwagha? Ka sha môm-ken-upue la, man sha iniav mbi nan kpaa.

Luka 11:42

Kpa kwagh á tser ne! Ne Mbafarishi, gadia ne mba tsough môm-ken-upue u kunguraku man rue man hanma ihuugh, kpa ne kera wa ijir man dooshima u Aôndo iko ga. Er i lu u ma ne eren akaa angan keng yô, shi ma ne de u eren angara kpaa ga.

Luka 18:12

Lahadi môm ka m hôr kwaghyan kwa har; m ne môm-ken-upue sha akaa a m zough a mi cii.

Duteronomi 12:17

I rumun er u̱ yaan môm-ken-upue u iyiagh you hen uya ou ga, shin u wain wou, shin u mkurem ou, shin ônovmbaiundav mba ibua man iyôngo you kpaa ga, man shi uiceghzwa ou mba u tsegh cii, shin iniav mbi sha ishima i dedoo, shin nagh ku kenden sha ku sha uwegh ou kpaa ga;

Duteronomi 26:2

pande atam a tsutswa a iyiagh ki tar la cii, a u kur a mi ken sule wou, u TER, Aôndo wou, A ne u la, haa a shin ikese, za a mi hen ijiir i TER, Aôndo wou, Una tsuwa sha u veren Iti Na er i̱ lu ker la.

Yosua 22:27

kpa a̱ lu shiada hen atô wase a ven man hen atô u icombor yase i ken ijime yase, er se civir TER sha ishigh Nagh sha iniav yasev mbi nanden man iniav yasev mbi sôngon kua iniav yasev mbi bem, sha ci u iyange igen ônov enev ve̱ de kaan a ônov asev er: Ne mba a ma kwar hen TER ga, ze.

1 Samuel 1:21

Tsô or la, Elkana, kua ior nav cii, yem sha u za nan nagh ku sôngon sha anyom anyom, kua ku a tsegh zwa sha mi la kpaa.

1 Samuel 1:24

Zum u a de atumba yô, a mough a na kua anomabua atar, man mwem kuma efa môm, kua ikpa i wain, a va a mi hen ya u TER hen Shilo; yô, wan la lu kpeghee je.