Duteronomi 12:3 - ICIGHAN BIBILO

³ yôhôl nen atse a ve a nanden nagh sha mi, hembe nen mtôm ma awenem vem, nande nen Asherim ve sha usu; gber nen ieev mbi gban a gba mbi mbaaôndo vev kera; er nen iti ve i̱ hungul hen ijiir la kera.

Duteronomi 12:3 Iomraidhean Croise

1 Utor 14:15

Gadia TER Una gbidye Iserael er kunakwa ka u tenger shin mnger nahan; Una wuhe Iserael ken tar u dedoo ne kera, u A na uter vev la, Una sambe ve zan zan yande ifi u Uferati la; gadia ve er Asherim ve, ve bam TER sha u vihin Un ishima.

1 Utor 15:13

A dugh ngô na Maaka ken nagbaa kera, gadia a er eev mbu ndôhôr ishima sha ci u Ashera; Asa vihi eev nav mbula kera, nande mbu shin uwagh u Kideron.

2 Utor 11:18

Nahan ior mba tar la cii za hen iyou i Baal, ve za yôhôl i; ve hembe atse na a nanden nagh sha mi kua ieev nav; ve wua Matan pristi u baal, sha ishigh ki atse. Pristi gema ver mbakuran iyou i TER.

2 Utor 18:4

A vihi ajiir a taven sha la kera, a hembe mtôm ma awenem, a gber Asherim kera; shi a hembe iyô i togula i Mose lu er la; gadia zan zan hen shighe la je kpaa Mbaiserael lu nanden kwaghhumandoon sha ci u i; i yila i er Nehushetan.

2 Utor 23:14

Shi a hembe mtôm ma awenem man a gber Asherim, a iv ajiir a ve sha akuhe a ior.

2 Kroniku 14:2

Asa er kwagh u doon u jighilii sha ashe a TER, Aôndo na;

2 Kroniku 14:3

gadia a vihi atse a nanden nagh sha mi agen, a a lu a ve ga la, kera, kua ajiir a taven sha la kpaa, a hembe mtôm ma awenem shi a gber Asherim kera;

2 Kroniku 19:3

Nahan kpaa i zua a akaadoon her a we, gadia u vihi Asherim ken tar ne kera, shi u ver ishima u keren TER kpaa.

2 Kroniku 31:1

Tsô zum u i kure akaa ne cii yô, Mbaiserael mba ve lu her cii, ve due ve za ken agar a Yuda, ve za hembe mtôm ma awenem, ve gber Asherim kera, ve hembe ajiir a taven sha man atse a nanden nagh sha mi a ken Yuda cii man a ken Benyamin man ken Eferaim kua Manase kpaa, ve vihi a ci ca cii. Tsô ônov mba Iserael cii hide, hanma or nan yem hen gar u nan hen ya u nan.

2 Kroniku 34:3

Gadia sha inyom i sha anigheni i tor na la, er a lu iyev la je, a hii u keren Aôndo u ter na Davidi; sha inyom i sha pue kar ahar la, a hii u wanger Yuda man Yerusalem sha ajiir a taven sha, man Asherim, man ieev mbi gban a gba, man mbi keren a ker la.

Upasalmi 16:4

Atsan aa ngee sha mba ve civir aôndo ugen la; me too nagh vegh ku man ku awambegh ga; ati ve tsô kpaa, me teren sha zwa wam ga.

Ekesodu 23:13

Akaa a M kaa ne ne cii, waan nen a iko, de teren nen ati a mbaaôndo mbagenev ga, i̱ de ongo a sha zwa wou ga.

Ekesodu 23:24

De gur mbaaôndo vev inya ga, shi de civir ve kpaa ga, shi de eren sha aeren ve la kpaa ga; kpa yôhôl ve kera ci ca, hembe mtôm vem ma awenem avur avur.

Ekesodu 34:13

Kpa yôhôl atse a ve a nanden nagh sha mi kera, hembe mtôm vem ma awenem, shi gber mtôm vem ma ikonom kera kpaa.

Yesaia 27:9

Ka sha kwagh ne je man á kough ifer i Yakob kera ye, mkarkera u kwaghbo na la, ka atam a na ne: Una gema awen a atse a nanden nagh sha mi cii, aa hingir er awen a akpena a i hembe a avur avur yô, Asherim kua atse a nanden kwaghhumandoon sha mi vea kera tile sha je ga.

Yeremia 17:2

er ônov vev ve umbur atse a ve a nanden nagh sha mi man Asherim ve hen ikon i hômon ika sha agungu a taven,

Hosea 2:17

Gadia Me dugh ati a Ubaal ken zwa na kera, mayange á kera ter ati a ve ga.

Mika 5:14

Me wuhe Asherim wou ken atô wou kera; Me tim agar a ou.

Sekaria 13:2

Tsô sha iyange la, kape TER u akum a Sha A kaa ne, er: Me ese ati a ieev mbi hen tar ne kera, á kera umbur mbi sha won ga; shi Me kar a uprofeti mba aiev man jijingi u hôngorough ken tar ne kera.

Numeri 33:52

zenda nen mba ve tem ken tar la cii, shi hembe nen ieev vev mbi keren a ker cii, vihi nen ajiir a ve a taven sha la cii;

Duteronomi 12:4

Kpa de eren nen a TER, Aôndo wen, nahan ga.

Duteronomi 7:25

Ieev mbi mbaaôndo vev mbi gban a gba la yô, nande nen sha usu; de tem azurfa shin zenaria u a lu sha mi ga; de tee ga, sha er i̱ de hen u sha mi ga yô, gadia ka TER, Aôndo wou, kwagh u ihôngorough je;

Duteronomi 7:5

Kwagh u né er a yô, yôhôl nen atse a a, a nanden nagh sha mi, hembe nen mtôm ma awenem ma a, gber nen Asherim u a, nande nen ieev mbi gban a gba mbi a sha usu.

Mpase U Yohane 13:1

Tsô m nenge inyam due shin zegemnger lu a akor pue man ityouv itiankarihiar. Sha akor a i yô, ader a tor lu pue, sha ityouv mbi i yô, ati a uityuhwan lu.

Mbaajiriv 2:2

ne kpaa de ye nen ikur a mba ve tem ken tar ne ga, hembe nen atse a ve a nanden nagh sha mi kera; kpa ne ver ato sha imo Yam ga; ka nyi ne er nahana?