Duteronomi 12:2 - ICIGHAN BIBILO

² Vihi nen ajiir, a akuraior a né za zenda a la, a lu civir mbaaôndo vev ker la kera cii, ka sha ugôgômbaiwoov man sha agungu man shin itine i hanma kon u ndor;

Duteronomi 12:2 Iomraidhean Croise

1 Utor 14:23

Gadia ve maa ajiir a taven sha, shi ve tim mtôm ma awenem man Asherim sha hanma igungu u taven, man shin itine i hanma kon u lun a mure;

1 Utor 3:2

Ior gema lu sôngon iniav sha ajiir a taven sha tsô, gadia zan zan ar hen shighe la, i lu a maa iyou sha ci u iti i TER ga.

2 Utor 11:18

Nahan ior mba tar la cii za hen iyou i Baal, ve za yôhôl i; ve hembe atse na a nanden nagh sha mi kua ieev nav; ve wua Matan pristi u baal, sha ishigh ki atse. Pristi gema ver mbakuran iyou i TER.

2 Utor 16:4

Shi a naan nagh, a nanden kwaghhumandoon sha ajiir a taven sha man sha iwo kua shin hanma itinekon i lun a mure.

2 Utor 23:13

Tor shi hôngor ajiir a taven sha a a lu sha ishigh ki Yerusalem, a a lu uwo u hôngorough vegher u ken uwegh ku yanegh la, a Solomon tor u Iserael maa a sha ci u Ashetaroti, kwaghhôngorough u Mbashidon la, man sha ci u Kemoshi, kwaghhôngorough u Moabi kua sha ci u Milkom, kwaghhôngorough u Mbaamon la kpaa.

Upasalmi 78:58

Gadia ve bam Un sha ajiir a ve a taven sha la; ve kpoghol iwuhe Na sha ieev vev mbi gban la.

Ekesodu 23:24

De gur mbaaôndo vev inya ga, shi de civir ve kpaa ga, shi de eren sha aeren ve la kpaa ga; kpa yôhôl ve kera ci ca, hembe mtôm vem ma awenem avur avur.

Yesaia 36:7

Kpa aluer u kaam wer: Se mba suur sha TER, Aôndo wase, yô, kera ka Un shon u Hesekia lu vihi ajiir a Na a taven sha man atse a Na a nanden nagh sha mi kera, shi a kaa a Yuda man Yerusalem er: Gure civir nen sha ishigh ki atse ne, gaa?

Yeremia 17:2

er ônov vev ve umbur atse a ve a nanden nagh sha mi man Asherim ve hen ikon i hômon ika sha agungu a taven,

Yeremia 2:20

Gadia hii tsuaa je u sombo igbur you man u tôndo ikangenev you kera, u kaa wer: Me kera er tom ga; gadia sha hanma igungu u taven kua shin hanma kon u hômon je, u ngurum her er idyakwase nahan.

Yeremia 3:13

Kpa rumun iferkwagh you er u er TER, Aôndo wou, kwaghbo, man u kaha u ze hen mbaaôndo mbagenev, shin hanma itinekon i lun a mure; man imo Yam kpaa ne kera wa iko sha mi ga, kape TER A kaa ne.

Yeremia 3:2

Kende ashe ou sha, nenge agungu a penem penem! Ka hanma ijiir man i de yaven a wee? Sha igbenda kpaa, u tema sha u keghen ve, er Orarabia ken taaikôngo nahan; u hôngor tar sha udya ou man dang wou.

Yeremia 3:6

Man shi TER kaa a mo sha ayange a tor Yoshia la er: U nenge kwagh u Iserael u a undu mimi na la a er kpa? A unde sha hanma gôgôwo man a nyôr shin hanma tinekon i lun a mure, a er idya heregh.

Hosea 4:13

Mba ne nagh sha ityouv mbi iwoov, mba nanden kwaghhumandoon sha agungu, shin atine a ouki man upopler man uterebin sha ci u mure ve a doo yô; ka sha ci u nahan ônov enev mba kasev ve eren ijimba man kasev mba ônov enev kpaa ve eren idya ye.

Numeri 22:41

Tsô sev mbu aven yô, Balaki mough vea Balaam za a na sha ajiir a taven sha a Baal, pe a fatyô u nengen a kpeafogh u ior la yô.

Duteronomi 7:5

Kwagh u né er a yô, yôhôl nen atse a a, a nanden nagh sha mi, hembe nen mtôm ma awenem ma a, gber nen Asherim u a, nande nen ieev mbi gban a gba mbi a sha usu.

Mbaajiriv 2:2

ne kpaa de ye nen ikur a mba ve tem ken tar ne ga, hembe nen atse a ve a nanden nagh sha mi kera; kpa ne ver ato sha imo Yam ga; ka nyi ne er nahana?