Duteronomi 12:10 - ICIGHAN BIBILO

¹⁰ Kpa zum u né per Yordan né tema ken tar u TER, Aôndo wen, Una na ne dyako sha u, man Una na ne mmem sha kwagh u mbaihomov enev cii mba ve kase ne la, man né tema bem bem yô,

Duteronomi 12:10 Iomraidhean Croise

1 Utor 4:25

Nahan Yuda man Iserael ve tema doo doo, hanma or hen itine i wain i nan, man hen itine i tur i nan, hii hen Dan zan zan za ar hen Bersheba, sha ayange a Solomon la cii.

1 Utor 8:56

I̱ wuese TER u A ne ior Nav Iserael mmem, sha kwagh u A tende zwa sha mi cii yô; ma kwaghôron môm sha ityendezwa Na i dedoo cii, i A tôndo a Mose wanakiriki Na la, gba inya ga.

1 Kroniku 22:18

TER, Aôndo wen, ngu a ven gaa? Man A na ne bem hanma ian kpaa gaa? Gadia A na mba ve tem hen tar ne sha ikev yam; tar hingir sha ikev i TER kua sha ikev i ior Nav.

Upasalmi 4:8

Me yav inya, me gba mnyam a ishima i gbar gbar kpaa; gadia ka We tseegh, TERE, U ne, m lu uma ken mkpeyol ye.

Ekesodu 33:14

A kaa er: M̱ za iyol Yam M̱ za nyôr a We hen ijiir i memen zee?

Anzaakaa 1:33

Kpa hanma or u nan ver ato her a mo yô, nana tema doo doo, ishima ia yôhôl nan, nana kera lu a mciem ma cian ican la ga.

Yeremia 23:6

Sha ayange Na, Yuda una war, man Iserael kpaa una tema bem bem; iti i á yilan Un a mi je yô, er: TER KA PERAPERA WASE.

Yeremia 32:37

Nenge, Me kohol ve ken ityar cii, i M zende ve ve yem ker sha ishima Yam i vihin, man sha iyugh Yam i tsung kua ishimavihin Yam la; shi Me va a ve hen ijiir ne Me ver ve vea tema bem bem;

Yeremia 33:11

imo i iember ker, man imo i sar sar, man imo i orkwasehe man imo i kwasehe man imo i mba ve kaan er: Wuese nen TER ka u akum a Sha, gadia TER ka u doon je, gadia erdoo Na ngu zan zan gbem sha won. Ka imo i mba ve ve a iniav mbi ishughun ken iyou i TER je la. Gadia Me gema mlu u tar la, ua hingir er tsuaa nahan, kape TER A kaa ne.

Esekiel 28:26

Vea tema ken u bem bem, vea maa ayou, man vea môôr ikon i wain, een, vea tema bem bem, zum u Me ôr mba ve kase un ve laha un cii la ijir, Me tsaha ve; man vea fa er Mo TER M lu Aôndo ve ye.

Esekiel 34:25

Me ya ikur i bem a ve, Me er inyamtoho i vihin kwagh ia due hen tar la kera, man vea tema bem bem ken taaikôngo, man vea yav shin ikô kpaa.

Esekiel 34:28

Vea kera lu ishar i akuraior ga, man inyamtoho kpaa ia kera ya ve ga, kpa vea tema bem bem, ma or nana kera ta ve mciem iyol ga.

Esekiel 38:11

ú kaa wer: Me kôndo hen tar u agar a u, a lu a ugir ga la, me za ta sha mba ve tem bem bem a mkpeyol la, ve cii ve tema mba a ugir ga, shi mba a uishindan man ihinda kpaa ga,

Esekiel 38:8

Ayange á va kar kera kpishi yô, á umbur we; ken anyom a masetyô yô, wea va ken tar u i ser u, u sanker lu vihi la, hen ior i i kohol ve ken akuraior kpishi, i va a ve sha iwo i Iserael, i i lu ice gbem la, kpa i due a ve ken akuraior, man ve cii vea tema bem bem.

Duteronomi 11:31

Gadia né per Yordan né za ngohol tar u TER, Aôndo wen, Una na ne la, né ngohol u, né tema ker kpaa.

Duteronomi 3:27

Unde sha ityough ki Pisega, gema ashe ou shin ityôtar man ken imbusutarimese man ken imbusutariyan man sha ityoughkitaregh, nenge sha ashe a ou je, gadia peren you Yordan ne ga.

Duteronomi 33:12

Sha Benyamin yô, a kaa er: Wen u a doo TER ishima la, una tema bem bem a Na; Una shi yisan un didi, man ka ken huwa u avandeaveegh na A tem ye.

Duteronomi 33:28

Nahan Iserael tema bem bem. Imbor i Yakob tema kposo, ken tar u alakema man wain; a er, Usha nav mba nôndon avure.

Duteronomi 4:22

Mo yô, m ngu kpen ken tar ne, me per Yordan ga; kpa ne yô, né per, né ngohol tar u dedoo la.

Duteronomi 9:1

Ver ato Iserael, nyian u ngu peren Yordan sha u u̱ nyôr u̱ za ngohol akuraior a a hembe u iyenge man agee kpaa, agar a vesen a vesen a i maa a ugir tav za tagher sha aôndo je,

Yosua 11:23

Kape Yosua ngohol tar cii la, sha kwagh u TER ôr a Mose cii; Yosua na Iserael dyako sha u, sha uipaven vev sha ikwe ve. Tar la maa mem ityav.

Yosua 14:1

Mban ka udyako mba Mbaiserael ya ken tar u Kanaan, mba pristi Eleasar man Yosua wan u Nun, man mbavesen mba uya mba uter mba ikwe i Mbaiserael kar ve

Yosua 3:17

Upristi mba ve tee areki u ikuryan u TER, tile dông sha tareghnyaagh shin atô u Yordan, tsô Mbaiserael cii per sha tareghnyaagh zan zan ior cii per Yordan bee ca ca.

Yosua 4:12

Ônov mba Ruben, man ônov mba Gadi kua vegherkwe u Manase kpaa, ve per, ve hemen Mbaiserael a ikav mbi utyav ave, er Mose lu kaa ve nahan;

1 Samuel 7:12

Tsô Samuel tôô iwen ver hen harga u Misepa vea Shen, a ii i iti er Ebeneser, a kaa er: TER wase se zan zan hen shighe ne je.