Duteronomi 11:8 - ICIGHAN BIBILO

⁸ Nahan yô, waan nen atindi a m we ne nyian ne iko cii, sha er né taver man né nyôr né ngohol tar u ne lu zan her, sha u né za ngohol u la;

Duteronomi 11:8 Iomraidhean Croise

Upasalmi 138:3

Sha iyange i m yer U yô, U rumun, U taver mo, U nam agee ken ishima.

Ekesodu 20:12

Civir teru man ngôu, er á seer we ayange ken tar u TER, Aôndo wou, A lu nan we yô.

Yesaia 40:31

nahan kpaa, mba ve veren ashe sha TER yô, vea hide a agee a ve her; vea kôndo sha sha akper er ugafa nahan; vea yevese, kpa vea vôr ga; vea zende, kpa iyol ia kpe ve ga.

Daniel 10:19

A kaa er: De cie ga, we or u doon ishima tsung ne, lu bem bem, taver, een, taver. Er a lu ôron kwagh a mo nahan, maa m taver, nahan m kaa mer: Terem, gba ôron kwagh tsô, gadia u nam agee.

Mbaefese 3:16

M ngu sônon mer, A̱ na ne sha iengem Na i ngeen yum la, i̱ taver ne ne̱ lu a agee sha Jijingi Na ken uma u ken semayolough,

Mbaefese 6:10

Kwagh ugen yô, taver nen ken Ter sha tahav mbu agee a Na.

Duteronomi 11:7

gadia ashe a en nenge uzegembaakaav mba TER er la cii.

Duteronomi 28:47

Er u kera civir TER, Aôndo wou, a ishima i iember man i saan saan ga, sha ci u, u ngee a akaa yum yô,

Duteronomi 31:23

Tsô A kaa a Yosua wan u Nun er: Taver ishima lu icihi, gadia ka we ú za a Mbaiserael ken tar u M bum a ve la ye; Me lu a we imôngo.

Duteronomi 4:14

Hen shighe la, TER kaa a mo er, m̱ tese ne akaawan man atindi sha er né er sha a ken tar u ne lu zan sha u za ngohol u la.

Mbafilipi 4:13

M ngu a agee a eren akaa cii je ken Un u A taver mo ne.

Mbakolose 1:11

i̱ taver ne sha agee cii sha inja i agee a iengem Na la sha u taver ishima man shi u wan ishima saan saan kpaa,