Duteronomi 11:16 - ICIGHAN BIBILO

¹⁶ Ver nen ishima sha ayol a en sha er i̱ de bum ne er né kaha né hingir u eren mbaaôndo mbagenev tom, guren civir ve, ga;

Duteronomi 11:16 Iomraidhean Croise

1 Utor 8:35

Zum u á cir Sha man ura kera nôô ga, sha ci u ve er U isholibo yô, man vea er msen, vea ver ishigh hen ijiir ne, vea pase iti You, vea gema asema sha u den isholibo ve, sha ci u mtsaha u U tsaha ve yô,

Yobu 31:27

zan zan i mee ishima yam ken myer, man zwa wam ua suse uwegh agh, kua tese sha a ve yô,

Yesaia 44:20

Ka mtwem nan ye ye; icugh i ken ishima, i tsume a nan sha gbenda je, nan kera fatyô u yiman uma u nan ga; u pinen er: Ka aie a lum ken uwegh ku yanegh ye gaa, kpa nan pine ga.

Luka 21:34

Kpa ver nen ishima sha ayol a en, asema a en a̱ de yoho sha hua u sha kwaghyan man sha ihundugh man sha akaa a nyian ishima a uma ne ga, iyange la i̱ de va bulun ne er kwaghhônon nahan ga;

Luka 21:36

Nahan kuran nen shi eren nen msen hanma shighe cii, sha er né kuma u waren akaa a á va er la cii, man né tile sha ishigh ki Wan u or yô.

Luka 21:8

A kaa er: Ver nen ishima, i̱ de tsughun ne ga; gadia ior kpishi vea va ken iti Yam, vea kaan er: Ka mo Un je ne; man shi: Shighe mgbôghom; de ze nen a ve ityô ga.

Duteronomi 12:30

kura iyol you, kwaghhônon a̱ de ker u sha u dondon ve ga, zum u á tim ve sha ishigh you kera la, man de timen nen sha kwagh u mbaaôndo vev sha u pinen er: Akuraior ne nga dondon mbaaôndo vev nana sha u mo kpaa ma m er nahan ga.

Duteronomi 13:3

yô, de veren ato sha akaaôron a profeti la, shin or u mnyam ma cie nan la ga; gadia TER, Aôndo wen, ngu karen ne a kar sha er Una fa shin TER, Aôndo wen, doo ne ishima a ishima yen cii man a uma wen cii kpaou.

Duteronomi 17:3

nana za civir mbaaôndo mbagenev, nana gure ú civir ve, a lu iyange shin uwer, shin hanma kwagh u a lu ken ikum i Sha, u Mo M ne zwa ga,

Duteronomi 28:14

man ú kaha ken iyan shin ken imese ú undu ma kwaghôron wam u m kaa u nyian ne sha u dondon mbaaôndo mbagenev civir ve ga yô.

Duteronomi 29:17

man ne nenge aeren a ve a ihôngorough kua akombo a ve, a sha ikon man awen man azurfa man zenaria, a a lu her a ve la;

Duteronomi 29:18

sha er i̱ de zuan a nomsoor ker a ven shin kwase shin tsombor shin kweior, u ishima ve i gem nyian sha u undun TER, Aôndo wase, yemen za civir mbaaôndo mba akuraior la ga; sha er ma mise u menden umen megh man kwaghyuan u̱ de lu ken a ven ga yô;

Duteronomi 30:17

Kpa aluer ishima you ia gema, ú kera ver ato ga, i urugh we, ú za civir mbaaôndo mbagenev, ú er ve tom yô,

Duteronomi 31:20

Gadia zum u Me va a ve ken tar u M bum a uter vev, tar u dumbur a atumbabua man iyough la, vea yaan, vea iden, vea kehen, nahan vea gema vea za hen mbaaôndo mbagenev vea civir ve, vea laham, vea vihi ikuryan Yam.

Duteronomi 4:23

Kura nen ayol a en, sha er ikuryan i TER, Aôndo wen, A ye a ven la, i̱ de hungul ne, né gbaan eev mbu been ma kwagh u TER, Aôndo wou, A yange u la ga.

Duteronomi 4:9

Kura iyol you, ver ishima sha uma wou dedoo sha er akaawan a ashe ou a nenge a mi la, a̱ de hungul we ga, sha er sha ayange ou cii a̱ de karen we ken ishima kera ga yô, kpa tesen ônov ou a, kua shi ônov mba ônov ou kpaa;

Duteronomi 5:7

De lu a mbaaôndo mbagenev ga saa Mo.

Duteronomi 8:19

Tsô aluer TER, Aôndo wou, á hungul we, wea gema wea dondo mbaaôndo mbagenev, wea eren ve tom, wea guren, wea civir ve yô, m pase ne nyian ne, né tim kpee.

Mbaheberu 12:15

Shi kura nen sha er mhôônom ma Aôndo ma de bundu ma or ga yô, ma mise u yuan kpaa u̱ de menden u̱ ne anzughul man ior kpishi ve̱ zua a hôngor sha mi ga.

Mbaheberu 2:1

Nahan yô, ka u sé hemba veren ishima sha akaa a se vanden ungwan la keng sha u se̱ de kuwan karen ihongo ga yô.

Mbaheberu 3:12

Ver nen ishima, anmgbianev, sha u boshima u nan jighjigh ga a̱ de luun ken hanmô wen sha u né undu Aôndo u uma ga.

Mbaheberu 4:1

Nahan yô, er ityendezwa i nyôron ken mmem Na i lu her yô, se cia nen sha u i̱ de nengen sha hanmô wen er i bunde nan ga.

Yakobu 1:26

Aluer ma or ngu henen er nan cie Aôndo, kpa nan ker nombor u nan tsaha ga nan tsughun ishima i nan iyol i nan yô, mcieaôndo u nan la, ka gbilin tsô.

1 Yohane 5:21

Mbayev av, kemen nen ayol sha akombo.

Mpase U Yohane 12:9

I gbihi zegedarakon la shin inya, ka tseiyô je la, u i yer un er Diabolo man shi Satan la, u a lu tsughun tar cii la, i gbihi un shin tar shi i gbihi mbatyomov nav a na imôngo kpaa.

Mpase U Yohane 13:14

I lu tsughun ior mba ve tem shin tar sha uivande mba i ne i u eren sha ishigh ki inyam i hiihii la, i kaa a ve er ve̱ er eev mbu inyam i i gber i sha sanker kpa i lu uma her la.

Mpase U Yohane 20:4

Tsô m nenge mkônom ma torom, ior tema sha mi, i na ve ijir i ôron sha ikev. Shi m nenge uuma mba ior mba i gber ve ityough sha ci u shiada u Yesu man sha ci u mkaanem ma Aôndo la, ka mba ve civir inyam la ga shin eev mbu i kpaa ga, ve ngohol ikav i i sha atsul a ve ga, shin sha ave a ve kpaa ga. Ve nder ve tema tor a Kristu imôngo kuma anyom dubu je.

1 Samuel 12:20

Nahan Samuel kaa a ior er: De kera cie nen ga; mimi je, ne er asorabo ne cii, nahan kpaa, de kera gbihin nen TER ga, kpa civir nen TER a ishima yen cii;

1 Samuel 12:21

de kera kahan nen sha u dondon sha ugbilinmbaakaav mba vea fatyô u wasen shin yiman ne ga la ze, gadia ka akaagbilinigh tsô.