Duteronomi 11:1 - ICIGHAN BIBILO

¹ Nahan yô, TER, Aôndo wou, A̱ doo u ishima, waan kwagh u A we u la iko gbem kua akaawan a Na man akaaôron a jirigh a Na man atindi a Na kpaa.

Duteronomi 11:1 Iomraidhean Croise

Upasalmi 105:45

sha er ve̱ wa iko sha akaawan a Na, man ve̱ ver ishima sha atindi a Na kpaa. Haleluya.

Upasalmi 116:1

TER doom ishima sha ci u A ongo imo yam man uzamber av yô.

Esekiel 20:19

Mo M ngu TER, Aôndo wen; zenden nen ken akaawan a Am, waan nen akaaôron a Am a jirigh iko, man eren nen sha mi kpaa;

Levitiku 18:30

Nahan yô, waan nen kwagh u M we ne ne iko, sha u de eren nen ma kwagh u ken aeren a hôngorough ne ga, a i vande eren, er ne, ne lu a va ga la, sha er ne̱ de hôngor ayol a en sha mi ga yô; ka Mo TER M lu Aôndo wen ye.

Levitiku 22:9

Yô, ve̱ waan kwagh u M we ve ne iko, sha er ve̱ de kper ibo, ve̱ hee iyol, ve̱ kpeen zum u ve hôngor a mi la ga; ka Mo TER u M tsegh ve ne.

Levitiku 8:35

Ayange a ataankarahar la cii luun nen hen hunda u tenti u kohol ker la, tugh man tetan; waan nen iko sha imo i TER sha er né kpe ga yô, gadia kape i kaam je la.

Sekaria 3:7

TER u akum a Sha ngu kaan nahan er: Aluer ú zenden sha igbenda Yam man ú eren tom u M ne u yô, nahan ú nengen sha ya Wam man shi ú kuran ityembeya Yam, Mo kpaa Me na u ian i nyôron ken mba ve til heen ne.

Duteronomi 10:12

Hegen yô, Iserael, ka nyi TER, Aôndo wou, A keren her a we, saa di u cian TER, Aôndo wou, tsô, man u zenden sha igbenda Na cii, man A̱ doo u ishima, man u̱ eren TER, Aôndo wou, tom a ishima you cii, man a uma wou cii,

Duteronomi 11:13

Nahan yô, aluer né ver ato sha gbashima sha atindi a M we ne nyian ne er TER, Aôndo wen, A̱ doo ne ishima, man né er Un tom a ishima yen cii man uma wen cii yô.

Duteronomi 11:22

Gadia aluer ka sha gbashima man né waan atindi a m we ne ne cii iko, né eren sha mi, TER, Aôndo wen, Una doo ne ishima, né zaan sha gbenda Na cii man né var a Na yô,

Duteronomi 13:4

Dondo nen TER, Aôndo wen, cian nen Un, waan nen atindi Na iko, ungwa nen imo Na, civir nen Un, Var nen a Na.

Duteronomi 27:10

Yô, ungwa imo i TER, Aôndo wou, er sha atindi a Na man akaawan a Na a m we u nyian ne.

Duteronomi 30:6

TER, Aôndo wou, Una tsôngo ishima you, man ishima i tsombor wou, sha er TER, Aôndo wou, A̱ doo u ishima a ishima you cii man a uma wou cii, sha er u̱ lu uma yô.

Duteronomi 4:1

Hegen yô, we Iserael, ungwa akaawan man atindi a m lu tesen ne mer, eren nen sha mi, sha er né lu uma né nyôr né ngohol tar u TER, Aôndo u uter enev, A lu nan ne la yô.

Duteronomi 4:40

Yô, ver ishima sha akaawan a Na, man atindi a Na a m we u nyian ne, sha er á kpe u iyol yô, we kua ônov ou mba ken ijime, sha er á seer we ayange a ou ken tar u TER, Aôndo wou, A lu nan we er u̱ lu u wou gbem sha won la.

Duteronomi 4:5

Nenge, m tese ne akaawan man atindi, er TER, Aôndo wam, A kaam yô, sha u né za eren sha a, ken tar u né lu zan sha u za ngohol u la.

Duteronomi 5:1

Tsô Mose yila Mbaiserael cii, a kaa a ve er: Ne Mbaiserael ungwa nen akaawan man atindi a me ôr ne a sha ato a en nyian ne, sha er ne henen a, man ne waan iko u eren sha mi kpaa yô,

Duteronomi 5:29

Ma ve lu ase a imbashima i cian Mo waan atindi Am cii iko gbem la, sha er á kpe ve iyol a ônov vev cii gbem sha won yô.

Duteronomi 6:1

Ka tindi man akaawan kua akaaôron a jirigh a TER, Aôndo wen, A kaa, er i̱ tese ne a, sha er né za eren sha a ken tar u né per, né za ngohol u la yô;

Duteronomi 6:5

Nahan yô, TER Aôndo A̱ doo u ishima a ishima you cii man a uma wou cii man a agee ou cii.