Duteronomi 10:8 - ICIGHAN BIBILO

⁸ Hen shighe la je TER maa tsegha kwe u Levi er ve̱ tôôn areki u ikuryan i TER man ve tilen sha ishigh ki TER, ve̱ eren Un tom, man sha u ve̱ naan iveren ken iti Na kpaa, zan zan va ar nyian ne.

Duteronomi 10:8 Iomraidhean Croise

1 Utor 8:6

Nahan upristi va nyôr a areki u ikuryan u TER la, ve va ver un hen ijir na ken kpar u iyou kimi ken icighankpar u hemban cii la, shin atô u akper a ucerubi.

1 Kroniku 15:2

Tsô Davidi kaa er: Doo u hanma or nana̱ gba tôôn areki u Aôndo ga, saa Mbalevi, gadia ka ve je Aôndo tsuwa ve er ve̱ tôôn areki u Aôndo shi ve̱ eren Un tom gbem ye.

1 Kroniku 15:26

Tsô zum u Aôndo wase Mbalevi mba ve tôô areki u ikuryan i TER la yô, ve na nagh sha abua ataankarahar kua iyôngo itiankarihiar.

1 Kroniku 23:13

Ônov mba Amram yô, lu Aron kua Mose; i tsegha Aron sha u a̱ tseghan uicighanmbaakaav mba hemban cii, un a ônov nav gbem sha won, sha u ve̱ nanden kwagh u humandoon sha ishigh ki TER, ve̱ eren Un tom man ve̱ naan iveren ken iti Na gbem sha won.

1 Kroniku 23:26

Mbalevi kpaa kera gba u shi vea tôôn tabernakel kua ikav nav cii mbi eren tom na a mi la ga—

2 Kroniku 29:11

Ônov av, de kera hunden nen ishima sha kwagh ne ga; gadia TER tsuwa ne er ne̱ tile sha ishigh Nagh, ne̱ er Un tom kpaa, ne̱ hingir mbatomov Nav, ne̱ nanden kwaghhumandoon kpaa.

2 Kroniku 30:27

Tsô upristi man Mbalevi mough, ver ior doo doo. Nahan i ungwa imo ve, msen ve kpaa kôndo ar sha icighanjiir Na u teman, za ar Sha je.

Upasalmi 134:1

Va wuese nen TER, ne mbayev mba TER cii, ne mba ne til ken iyou i TER tugh yô.

Upasalmi 134:2

Kende nen ave sha sha icighanjiir, wuese nen TER.

Upasalmi 135:2

ne mba ne til ken iyou i TER, ken ityembe i sha ishigh ki iyou i Aôndo wase;

Yeremia 15:19

Nahan yô, TER ngu kaan nahan er: Aluer wea hide yô, nahan Me hide a we, ú va tile sha ishigh Yagh; man aluer wea ôr kwagh u injaa, á kera lu kwagh u gbilinigh ga yô, ú hingir er ka zwa Wam nahan; ve yô, ve̱ hide her a we je, kpa we yô, de kera hidi her a ve ga.

Esekiel 44:11

Vea lu mbatomov ken icighanjiir Wam, vea kuran ihinda i iyou, vea eren tom ken iyou; vea wuan nagh ku nanden, man nagh ku sôngon sha ci u ior, vea tile sha ishigh ki iorov, vea eren tom.

Esekiel 44:15

Kpa Mbalevi mba ve lu upristi, ônov mba Sadoki, mba ve lu eren tom ken icighanjiir Wam, zum u Mbaiserael ve kaha ve undum la, ka ve vea kporom her a Mo sha u eren Mo tom man vea tile sha ishigh Yagh sha u nan Mo nagh sha ahôm man awambe, kape Ter AÔNDO A kaa ne;

Levitiku 8:9

A kange un atsar sha ityou, a zer kpande u zenaria u icighanikav la sha atsar la, vegher u ken ishi, er TER kaa Mose nahan.

Levitiku 9:22

Tsô Aron kende ave sha, samber sha ior, ver ve doo doo. Been u nan nagh ku isholibo man nagh ku nanden kua nagh ku bem yô, a hungwa.

Numeri 3:31

Tom ve yô, lu u nengen sha areki man tebul man daarimenger man atse a nanden nagh sha mi, man ikav mbi icighanjiir mbi ve eren tom sha mbi, man ikondo i yisan man tom u sha mi la cii.

Numeri 3:6

Kporom a kwe u Levi, ver ve sha ishigh ki pristi Aron, ve̱ wasen un tom.

Numeri 4:15

Zum u Aron a ônov nav vea cir icighanjiir man ikav mbi icighanjiir kera, shighe a kuma u hemben hen afo la yô, ken masejime la, ônov mba Kohati ve̱ va tôô, kpa ve̱ de benden uicighanmbaakaav ave ga, sha er vea kpe ga yô. Ka ikav mbi tenti u kohol ker, mbi ônov mba Kohati vea tôôn je ne.

YOHANE 15:16

Ka ne ne tsoughom ga, kpa ka Mo je M tsough ne ye; man M ver ne sha er né za, né za ume atam yô, atam a en kpaa a̱ luun zan zan, sha er nyi ityôkwagh i ne sôn Ter ken iti Yam yô, Una er ne i.

Aerenakaa A Mbaapostoli 13:2

Tsô er ve lu civir Ter, man hôron kwaghyan yô, Icighan Jijingi kaa er: Tsegham nen Barnaba vea Saulu sha ci u tom u M yer ve mi yô.

Mbaromanu 1:1

Paulu, kpan u Kristu Yesu u i yila un er a̱ lu apostoli, i tsegha un sha ci u Loho u Dedoo u Aôndo

Mbaromanu 12:7

or u i ne nan tom u eren kpaa, nana̱ eren u je; or u i ne nan tom u tesen kpaa, nana̱ tesen je;

2 Mbakorinte 6:17

Nahan yô, due nen ken atô ve kera, lu nen kposo, kape Ter A kaa la, kwagh u hôngorough kpaa, de benden nen ave ga. Nahan Mo Me rumun ne,

Mbagalatia 1:15

Kpa Aôndo u A tsegham er m lu ngôm ken uya je yô, shi A yilam sha mrumun u sha mhôôn,

Duteronomi 17:12

Or u nana eren kwagh sha icihi nana vendan u ungwan imo i pristi u nan lu her nan eren tom sha ishigh ki TER, Aôndo wou la, shin nana vendan imo i orjir yô, or la nana̱ kpe; kape ú er man ú dugh ifer ken Iserael kera ne.

Duteronomi 18:5

Gadia TER, Aôndo wou, tsuwa un ken ikwe you cii, sha u a̱ tile a̱ eren tom ken iti i TER, un a ônov nav gbem sha won.

Duteronomi 21:3

tsô gar u una hemban lun ikua a or u i woo nan la yô, mbatamen mba hen gar la, ve̱ kôr tulebua u i lu a vande eren tom a na ga, u a lu a kpela ikyekye sha igbur kpaa ga yô;

Duteronomi 21:5

upristi, ônov mba Levi ve̱ kporom; gadia ka ve je, TER, Aôndo wou, A tsough ve sha u ve̱ eren Un tom, ve̱ naan iveren ken iti i TER, man ka sha imo ve man á kuren anyiman man hanma gbidiv kpaa ye;

Duteronomi 31:9

Tsô Mose nger tindi ne, na un sha ikev i upristi ônov mba Levi, mbatôôn areki u ikuryan i TER, man mbatamen mba Iserael cii.