Duteronomi 10:18 - ICIGHAN BIBILO

¹⁸ er ijir sha ci u ancôghol man kwasecôghol, shiror doo Un ishima, ne nan kwaghyan man akondo kpaa.

Duteronomi 10:18 Iomraidhean Croise

Upasalmi 146:9

TER kor ushirmbaiorov, wese ancôgholov man kasev mba côgholov, kpa nzughul a gbenda u mbaaferev.

Upasalmi 68:5

Aôndo ka ter u ancôgholov, man orjir u kasev mba côgholov, ken icighanyou Na la.

Yeremia 49:11

Undu ancôgholov ou, Me kura ve ve̱ lu uma; kasev mba côgholov ou kpaa, ve̱ suur sha a Mo.

Yesaia 1:17

hen nen u eren kwagh u dedoo; ker nen kwagh u jighilii, yange nen ipilaor; er nen a ancôgholov dedoo, ôr nen ijir i kwasecôghol, wase nan.

Upasalmi 145:9

TER eren dedoo a ior cii; mhôônom ma ker Un a ityom Na cii.

Upasalmi 103:6

TER eren akaa a perapera, man shi er ijir i mimi sha ci u mba i kighir ve a ican yô.

Hosea 14:3

Ashiria una yima se ga; sé henda anyinya ga; man sé kera yila tom wase u aveegh ser: Aôndo wase, ga; gadia ka her a We ancôgholov ve zough a mhôônom ma zungwen ye.

Ekesodu 22:22

De eren ma kwasecôghol ican ga, shin ancôghol kpaa ga.

Aerenakaa A Mbaapostoli 14:17

Nahan kpaa mayange A de u pasen iyol Na ga, eren akaa a dedoo, A nôôn ne ura u senen sha, A ivin asema a en a kwaghyan man msaanyol kpaa.

Mateu 5:45

sha er né lu ônov mba Ter wen u A lu Sha yô, gadia ka A er iyange Na i̱ due i̱ ta sha mbaaferev kua mbamimi kpaa, man ka A nôô ura sha mbaperapera man mba ve lu mba perapera ga kpaa.

Ekesodu 22:23

Aluer ú er ve ma ican man vea gema vea vaa a Mo yô, Me ungwa mliam vem kpee je;

Numeri 10:32

Nahan aluer ú za a vese imôngo yô, mimi je, kwagh u dedoo u TER Una er se la, se kpaa sé er a we nahan.

Duteronomi 27:19

Ifan i̱ kôr or u nan vihi ijiir i shiror shin ancôghol shin kwasecôghol. Ior cii ve̱ rumun er: Amen.

2 Kroniku 19:7

Yô, mciem ma cian TER ma lu sha a ven; ver nen ishima er nen nahan; gadia ma ifer ngi hen TER, Aôndo wase, man msange u sha dooshima kpaa ga, man u ngohol inyaregh ki yamen ishô kpaa ga.

Ekesodu 22:20

Or u nan ne ma aôndo ugen nagh ku sôngon i lu TER tseegh ga yô, i̱ tim nan kera purututu.

Ekesodu 22:21

De eren a shiror dang ga, shi de eren nan ican kpaa ga; gadia ne kpaa, ngise ne lu shir ken tar u Igipiti.

Levitiku 25:35

Aluer anngôu u a lu a we una gba ican je kwagh a hemba un yô, wase un, a̱ lu a we er orvannya man shiror nahan.

Upasalmi 10:18

sha u eren a ancôghol vough man a u i kighir nan a ican la kpaa, sha er or u nan lu u tar ne tsô, nana̱ de kera shi naan mciem mayange ga.

Upasalmi 68:6

Aôndo ka A gema or u mtswen, nan hingir u lun a ior ken ya; ka A dugh mbakwarev, A na ve mkpeyol; kpa mbahembanato yô, ve tema ken tar u iombor.