Duteronomi 10:12 - ICIGHAN BIBILO

¹² Hegen yô, Iserael, ka nyi TER, Aôndo wou, A keren her a we, saa di u cian TER, Aôndo wou, tsô, man u zenden sha igbenda Na cii, man A̱ doo u ishima, man u̱ eren TER, Aôndo wou, tom a ishima you cii, man a uma wou cii,

Duteronomi 10:12 Iomraidhean Croise

1 Utor 3:3

TER doo Solomon ishima, a lu zan sha akaawan a ter na Davidi; ka di tsô er a lu sôngon iniav, nanden mbi sha ajiir a taven sha la yô.

2 Utor 10:31

Kpa Yehu wa iko u zan sha atindiakaa a TER, Aôndo u Iserael, a ishima na cii ga, a undu asorabo a Yerobiam a a ne Iserael a er a la ga.

2 Utor 18:3

A eren kwagh u dedoo sha ishigh ki TER, er ter na Davidi lu eren nahan.

2 Utor 18:6

gadia a var a TER, a undu Un ga, a waan atindi Na iko, a TER na Mose yô.

1 Kroniku 28:9

Nahan yô, we wan wam Solomon, fa Aôndo u teru, civir Un a ishima i môm man ishima i gbar gbar kpaa; gadia TER tev asema cii, man A kar hanma mhen cii. Aluer ú ker Un yô, ú zua a Na; man aluer ú undu Un yô, Una ta u kera, Una hunde ishima a we gbem je.

2 Kroniku 15:12

Shi ve ya ikur er vea ker TER, Aôndo u uter vev, a ishima ve cii kua uma ve cii;

Yobu 36:11

Aluer vea wa iko, vea civir Un yô, vea zua a mkpeyol sha ayange a ve, man á doo ve iyol ken anyom a ve kpaa.

Upasalmi 119:2

Mba i saan ve iyol yô, ka mba ve we mbampase Nav iko, ve keren Un a ishima ve cii la;

Upasalmi 128:1

Hanma or u nan cie TER, shi nan zenden sha igbenda Na yô, saan nan iyol.

Upasalmi 145:20

TER kor mba A doo ve ishima la cii, kpa mbaaferev yô, Una tim ve kera.

Upasalmi 18:1

U doom ishima tsung je, TERE, We u U lu agee am!

Upasalmi 34:9

Cia nen TER, ne uicighan Nav, gadia kwagh banen mba ve cie Un la ga!

Upasalmi 81:13

Kpash! Ior Av ma ve ver ato hen a Mo, Iserael kpaa ma a zende sha igbenda Yam!

Upasalmi 81:14

Nahan yô, ma M hembe mbaihomov vev fefa je, ma M gem uwegh Agh ma ku hendan a mbaahendanev vev.

Ekesodu 23:25

Civir TER, Aôndo wen, Un kpaa Una na iveren sha kwaghyan wou kua mngerem ou; shi Me kar a angev hen we kera kpaa.

Orpasenkwagh 12:13

Ngun ka mkur u kwagh, u i vande ungwan la cii: Cia Aôndo, waan atindi Na iko; gadia ngun ka kwagh u ior cii ma ve er je ne.

Esekiel 11:20

sha u vea zende sha akaawan a Am man vea waan akaaôron a jirigh a Am iko, vea er sha a yô; vea hingir ior Av, Mo kpaa Me lu Aôndo ve.

Mika 6:8

Yô, A tese u, kwagh u dedoo, we or; tsô ka nyi TER A keren her a we, saa u eren kwagh u mimi man u soon u zungwen mhôônom, man u hiden a iyol ijime er u zenden vea Aôndo wou la gaa?

Sefania 3:9

Gadia hen shighe la Me gema zwa u ior ua hingir zwa u wang, sha u ve cii ve̱ yila sha iti i TER, man ve̱ er Un tom sha ishima i môm yô.

Mateu 22:37

Yesu kaa a na er: Ter Aôndo wou A̱ doo u ishima a ishima you cii man a uma wou cii man a mfe wou cii.

Luka 10:27

A gema a kaa er: Ter Aôndo, A̱ doo u ishima a ishima you cii man a uma wou cii man a agee ou cii man a mfe wou cii, man or u nan we ndor a we kpaa, nana̱ doo u ishima er we iyol you nahan.

Luka 11:42

Kpa kwagh á tser ne! Ne Mbafarishi, gadia ne mba tsough môm-ken-upue u kunguraku man rue man hanma ihuugh, kpa ne kera wa ijir man dooshima u Aôndo iko ga. Er i lu u ma ne eren akaa angan keng yô, shi ma ne de u eren angara kpaa ga.

Aerenakaa A Mbaapostoli 9:31

Nahan bem gba sha nongo u Kristu u u lu ken Yudia cii, man Galilia kua Samaria kpaa; er i lu maan ve a maa, man ve lu zenden ken mciem ma Ter man ken msurshima u Icighan Jijingi yô, ve seer a seer ngeen.

Mbaromanu 1:9

Aôndo u m civir Un ken jijingi wam sha Loho u Dedoo u Wan Na la, ka shiada wam er m ngu umbur ne gbem je ken mbamsen av hanma shighe,

Mbaromanu 8:28

Shi se fa mba Aôndo A doo ve ishima yô, akaa cii nga eren sha u i̱ lu ve a inja yô, ka ve mba i yer ve sha awashima Na la.

Duteronomi 10:11

TER shi kaa a mo er: Mough, hemen ior mban, ve̱ nyôr, ve̱ ngohol tar u M bum a uter vev Mer Me na ve la.

Duteronomi 10:13

man u̱ waan atindi a TER iko kua akaawan a Na a m we u nyian ne, sha er á kpe u iyol yô.

Duteronomi 11:1

Nahan yô, TER, Aôndo wou, A̱ doo u ishima, waan kwagh u A we u la iko gbem kua akaawan a Na man akaaôron a jirigh a Na man atindi a Na kpaa.

Duteronomi 11:13

Nahan yô, aluer né ver ato sha gbashima sha atindi a M we ne nyian ne er TER, Aôndo wen, A̱ doo ne ishima, man né er Un tom a ishima yen cii man uma wen cii yô.

Duteronomi 26:16

Nyian TER, Aôndo wou, wa u akaawan kua akaaôron a jirigh ne, nahan waan a iko a ishima you cii man uma wou cii, eren sha mi.

Duteronomi 27:10

Yô, ungwa imo i TER, Aôndo wou, er sha atindi a Na man akaawan a Na a m we u nyian ne.

Duteronomi 30:16

er m lu kaan a we nyian mer: TER, Aôndo wou, A̱ doo u ishima, zenden sha igbenda Na, waan atindi a Na man akaaôron a Na a jirigh iko sha er u̱ lu uma, u̱ seer iyenge; man shi sha er TER, Aôndo wou, Una ver u doo doo ken tar u ú lu nyôron sha u za ngohol u la yô.

Duteronomi 30:20

er TER, Aôndo wou, A̱ doo u ishima, u̱ ungwan imo Na, u̱ var a Na, gadia ka uma wou man ayange ou a ngeen je la, sha er u̱ tema ken tar u TER bum a uter ou, Aberaham man Isaka man Yakob, er Una na ve u la.

Duteronomi 4:29

Nahan ú gba keren TER, Aôndo wou, keregh; ú zua a Na je, aluer u ker Un a ishima you cii man a uma wou cii yô.

Duteronomi 5:29

Ma ve lu ase a imbashima i cian Mo waan atindi Am cii iko gbem la, sha er á kpe ve iyol a ônov vev cii gbem sha won yô.

Duteronomi 5:33

Zende nen sha igbenda i TER, Aôndo wen, A kaa ne la cii, sha er né lu uma, á kpe ne iyol, man á seer ne ayange ken tar u né za ngohol u la yô.

Duteronomi 6:13

Ka TER, Aôndo wou, cian Un ye, shi ka Un kpaa eren Un tom, ka iti Na kpaa bumun nen ye.

Duteronomi 6:2

sha er u̱ cia TER, Aôndo wou, u̱ waan akaawan a Na iko cii, a m we u a, we man wan wou man wan u wan wou sha ayange a uma wou cii, sha er á seer we ayange yô.

Duteronomi 6:24

TER kaa se er, se̱ er sha akaawan ne cii, se̱ cian TER, Aôndo wase, sha er á kpe se iyol gbem, man sha er Una kura se se̱ lu uma her, er i lu nyian nahan.

Duteronomi 6:5

Nahan yô, TER Aôndo A̱ doo u ishima a ishima you cii man a uma wou cii man a agee ou cii.

1 Timoteu 1:5

Kpa ishimaveren i ityesen ne yô, ka dooshima u a dugh ken ishima i wang, man imo i dedoo i ken ishima man shi jighjigh u lun a imanger ga la.

Mbaheberu 12:28

Nahan yô, se ember nen er se ngohol tartor u u lu u tenger ga yô, ka nahan man sé er Aôndo tom u u doo Un ye, sha mcieaôndo man iyol i sulen.

Yosua 22:5

Yô, ver nen ishima, er nen sha kwaghwan man tindi u Mose wanakiriki u TER A we ne yô, er TER, Aôndo wen, A̱ doo ne ishima man né zenden sha igbenda Na cii, né waan atindi a Na iko, né var a Na man né eren Un tom a ishima yen cii kua uma wen cii kpaa.

Yosua 24:14

Nahan yô, cia nen TER, er nen Un tom sha ishima i môm man sha mimi kpaa; de nen mbaaôndo mba uter enev lu civir ve Ifi yande la kua ken Igipiti la, civir nen TER.

1 Yohane 2:15

Tar u̱ de kera doon ne ishima ga shin akaa a lu shin tar tsô kpaa ga. Aluer anti or tar ua doo nan yô, dooshima u Ter ngu ken a nan ga.

1 Yohane 5:5

Ka anti nan hembe tara, saa di u nan ne jighjigh er Yesu ka Wan u Aôndo la gaa?

1 Samuel 12:20

Nahan Samuel kaa a ior er: De kera cie nen ga; mimi je, ne er asorabo ne cii, nahan kpaa, de kera gbihin nen TER ga, kpa civir nen TER a ishima yen cii;