Duteronomi 1:26 - ICIGHAN BIBILO

²⁶ Nahan kpaa, ne rumun ne kôndo ga, kpa ne gema ne hemba TER, Aôndo wen, ato, ne ungwa imo Na ga;

Duteronomi 1:26 Iomraidhean Croise

Nehemia 9:16

Kpa ve, uter asev, ve er kwagh sha imanger, ve nômbo ikôr, ve ver ato sha atindi a Ou ga,

Yesaia 63:10

Kpa ve je, ve gema ve hendan a Na, ve vihi Icighan Jijingi Na ishima; Nahan A gema a hingir er ka orihom ve nahan, A nôngo ityav a ve iyol Na kpaa.

Numeri 14:9

Ka mhendan tsô, de hendan nen a TER ga ye, de cie nen ior i tar la kpaa ga; gadia ve ka kwaghyan wase je; mure ve kar sha ve kera. TER ngu a vese; de cie nen ve ga.

Aerenakaa A Mbaapostoli 7:51

Ne mbatavertyough mban, ne mbatsôngon asema man ato ga ne, ne mba hendan a Icighan Jijingi gbem je; er uter enev lu er nahan, kape ne kpaa ne eren je ne.

Duteronomi 1:25

Ve kura atam a ikon a ken tar la, ve va se a mi, shi ve va ôr se kwagh u ker kpaa, ve kaa er: Tar u TER, Aôndo wase, A lu nan se ne ka u dedoo.

Duteronomi 1:43

Kape m ôr kwagh a ven la, kpa ne ungwa ga, ne gema ne hemba TER ato, ne wa imo Na iko ga, ne cihi ne unde sha uwo la.

Duteronomi 9:23

Zum u ne lu hen Kadeshi-barnea kpaa, TER tindi ne, A kaa er: Kôndo nen, za ngohol nen tar u M ne ne la; shighen la kpaa shi ne hendan a imo i TER, Aôndo wen, ne na Un jighjigh je ga, ato kpaa ne ver sha kwaghôron Na ga.