Duteronomi 1:2 - ICIGHAN BIBILO

² U moughon hen Horebi karen gbenda u sha uwo u Seir zan hen Kadeshi-barnea la, ka u tsan gbenda ayange pue kar môm.

Duteronomi 1:2 Iomraidhean Croise

Genese 32:3

Yakob tindi mbazan a loho er ve̱ hemen ve̱ vande za nyôron hen anngô na Isou ken tar u Seir, ipaventar u Edom la.

Ekesodu 17:6

Nenge, Me tile sha ishigh you keregh, sha vande u hen Horebi; gbidye vande la, tsô mngerem maa due ker, sha u ior vea ma yô. Mose er nahan sha ishigh ki mbatamen mba Iserael;

Ekesodu 3:1

Tsô Mose lu kuran ilev mbi ter na kem Yetero, pristi u Midian la; a yem a ilev vegher u ken ijime i desereti a za ar hen uwo u Aôndo, ka Horebi je la.

Levitiku 2:14

Aluer wea naan TER nagh ku sha samuyia sha iyiav mbi tsutswav yô, va a asagher a mgbaghen sha usu, asange a alakema u he a i johol a, va na nagh ku sha samuyia ku sha iyiav mbi tsutswav you a mi;

Levitiku 9:23

Nahan Mose vea Aron ve nyôr ken tenti u kohol ker la, shi ve hide ve due, ve ver ior doo doo; tsô iengem i TER maa ande hen ior cii.

Numeri 13:26

Ve za va hen Mose man Aron man hen ior i Mbaiserael cii, hen desereti u Paran hen Kadeshi; ve va ôr ve kwagh kua ior cii, ve tese ve atam a ikon a ken tar la kpaa.

Numeri 32:8

Kape uter enev lu er zum u m tindi ve hen Kadeshi-barnea sha u ve̱ za nenge tar je la.

Duteronomi 1:19

Tsô se hembe hen Horebi, se nyôr zegedeserti u cier iyol u ne nenge a mi sha gbenda u zan ken tar u iwoogh u Mbaamor la, er TER, Aôndo wase, kaa se nahan; se va ar hen Kadeshi-barnea.

Duteronomi 1:44

Tsô Mbaamor mba ve tema sha uwo la, due ta num sha a ven, ve cir sha a ven er iyough ka i er nahan, ve haa ne inya shin Seir zan zan va ar hen Horma.

Duteronomi 2:1

Tsô se mough se ver ishigh hen desereti, se gba yemen sha gbenda u zan hen Zegemnger u Nyian la, er TER kaa nahan; se ningir hen uwo u Seir ayange kpishi;

Duteronomi 2:4

Kaa ior wer: Karen yen hegen sha tar u anmgbianev enev ônov mba Isou, mba ve tem sha Seir la; vea cia ne; yô, ver nen ayol a en dedoo,

Duteronomi 2:8

Nahan se kar hen anmgbianev asev ônov mba Isou, mba ve tem ken Seir la, se gbihi gbenda u Araba la kua Elati man Eshion-geber ijime. Se gema, se gba yemen gbenda u zan ken desereti u Moabi la.

Duteronomi 9:23

Zum u ne lu hen Kadeshi-barnea kpaa, TER tindi ne, A kaa er: Kôndo nen, za ngohol nen tar u M ne ne la; shighen la kpaa shi ne hendan a imo i TER, Aôndo wen, ne na Un jighjigh je ga, ato kpaa ne ver sha kwaghôron Na ga.

Yosua 14:6

Tsô ônov mba Yuda va hen Yosua hen Gilgal; nahan Kalebu wan u Yefune Orkenishi kaa a na er: U fa kwagh u TER lu kaa a Mose, or u Aôndo, sha a mo vea we hen Kadeshi-barnea la.