Duteronomi 1:17 - ICIGHAN BIBILO

¹⁷ Sha ijirôron kpaa, de hembe wan nen orgen iko a orgen ga, or u ikoogh ga kpaa, waan nen nan iko vough er or u ikoogh nahan, de cie nen or ashe ga, gadia ijir ka i Aôndo; kwagh u a hembe ne yô, va nen a mi her a mo, mo me ungwa un.

Duteronomi 1:17 Iomraidhean Croise

Genese 18:25

Tuna u We nahan Ú er injakwagh ne sha u wuan mbaperapera a mbaaferev imôngo, je mbaperapera geman hingir kwagh môm a mbaaferev; kwagh ne tuna U tsô; Orjirigh u tar cii, Una kera er vough gaa?

2 Samuel 14:14

Gadia sé kpe kpee, sé lu er mngerem ma i hee inya i kera fetyô u kuran ga nahan; Aôndo kera ngohol a ngohol uma kera ga, kpa ka A ker gbenda sha er or u i zende nan la i̱ de te nan kera ga yô.

2 Kroniku 19:5

A ver mbaajiriv ken tar la, ken agar a lun a ugir ken Yuda, sha agar agar;

2 Kroniku 19:6

a kaa a mbaajiriv mbala er: Ver nen ishima sha kwagh u ne eren yô; gadia ne mba ôron ijir sha ci u or ga, kpa ka sha ci u TER; man Un ngu a ven imôngo hen ijir.

Yobu 31:34

sha ci u m cia ikpelaior, man ilyahan i icombor i ior i tan mo mciem iyol, je, m huan ving, sha hunda tsô kpaa m due ga yô.

Upasalmi 82:2

Shi nan je man né de u ôron ijir sha mimi ga, man né de u tan ken mbaafereve? Sela.

Ekesodu 18:18

U ngu wuan a wua iyol you je kua ior mba ve lu a we mban kpaa; gadia kwagh ne gande u; u fatyô u eren un, we tswen ga.

Ekesodu 18:22

ve̱ ôron ior ajir ayange ayange; akaavesen yô, ve̱ gema ve̱ va a mi her a we, kpa akaakiriki yô, ve ayol a ve, ve̱ gba kuren a tsô; nahan á heghem we iyol, ve kpaa ve̱ tôôn ikav a we imôngo.

Ekesodu 18:26

Ve gba ôron ior ajir ayange ayange, a lu akaa a cimin yô, ve za a mi hen Mose, kpa akaakiriki yô, ve ayol a ve, ve gba kuren a tsô.

Anzaakaa 18:5

U tan ken iferor, man geman nan ormimi ibo sha ijir yô, doo ga.

Anzaakaa 24:23

Angan kpaa ka akaaôron a mbafankwagh je. U tan ken or sha dooshima sha ijir yô, doo ga.

Anzaakaa 28:21

U tan ken or sha dooshima yô, doo ga; gadia sha u zuan a ankwaghyan je kpaa, or ka nan per tindi.

Anzaakaa 29:25

Mcie u cian or ka a va a kwaghhônon, kpa or u nan suur sha TER yô, nana tema doo doo.

Yeremia 1:17

Ahegen yô, we, fiir ikondo shin iwenge, mough sha, ôr ve kwagh u Me kaa u cii; de yen ishima sha ishigh vegh ga, sha er M̱ de ne u ishima i yinan sha ishigh vegh ga yô.

Levitiku 19:15

De eren ifer sha ijirôron ga; de gbe tan ken icanor tsô ga, de hembe wan shagbaor iko kpaa ga, kpa ôr or u nan we ndor a we ijir sha perapera je.

Malaki 2:9

Nahan, Mo kpaa M gema ne ne hingir kwagh u lahan man kwagh u gban ijime sha ishigh ki iorough cii, sha ci u ne we igbenda Yam iko ga, kpa ne gem ne sangen ior sha dooshima sha ityesen i atindi la yô.

Mateu 22:16

Ve tindi mbahenen vev man Mbaherode her a Na, ve kaa er: Ortesen, se fa U ngu Or u mimi, man U tesen gbenda u Aôndo sha mimi kpaa; U cie ma or ashe ga, gadia U nengen sha mlu u or er nan lu la ga.

Marku 12:14

Mba ve yô, ve kaa a Na er: Ortesen, se fa U ngu Or u mimi, or môm môm kpaa U cie nan ashe ga; gadia U nengen sha mlu u or er nan lu la ga, kpa ka sha mimi je U tesen gbenda u Aôndo ye. Yô, u tan Shisar kpandegh ka sha mi shinii, ka sha mi ga? Se̱ na shinii, se̱ de ne ga?

Luka 20:21

Ve pine Un er: Ortesen, se fa er U er kwagh vough, shi U tesen nahan kpaa, U sangen a sange ma or ga, kpa ka sha mimi je U tesen gbenda u Aôndo ye.

Mbaromanu 2:11

Gadia hen Aôndo yô, msange u sha dooshima ngu je ga.

Mbaefese 6:9

Man ne uter kpaa, eren nen a ve nahan, de kera te nen kume a ve ga, gadia ne fa Ter ve man u wen ngu Sha man u sangen sha dooshima yô, ngu ker a Na ga.

Duteronomi 10:17

Gadia TER, Aôndo wen, Un ka Aôndo u mbaaôndo man Ter u uter, ka Aôndo u hemban, u ageegh, u cieryol, u sangen a sange ga, ngohol inyaregh kpaa ga;

Duteronomi 16:19

De geman ijir ga; shi de hembe wan orgen iko a orgen ga, man shi de ngohol iwua ga; gadia iwua i cirin mbafankwagh ashe, shi i gem akaaôron a mba ve lu a ibo ga la.

Duteronomi 24:17

De vihin ijir i shiror shin ancôghol kpaa ga; man de ngohol ikondo i kwasecôghol ityungu ga.

Duteronomi 25:1

Aluer kwagh u anyiman una mough hen atô u nomsombaiorov man vea va hen ijir man i kure ve ijir, i na ormimi la ishô, i gema i na orifer la ibo,

Mbakolose 3:25

Gadia or u nan eren ifer yô, nana ngohol di injar ifer msange u sha dooshima ngu je ga.

1 Mbatesalonika 2:4

Kpa er Aôndo nenge se kuma u á ver Loho u Dedoo sha ikev yase yô, kape se lu ôron je la. Ka sha u i̱ doo ior a vese ga, kpa i̱ doo Aôndo u A karen asema ase yô.

Yakobu 2:9

Kpa aluer ne sange sha dooshima yô, ka isholibo ne eren ye, tindi una na ne ibo er, ne mba mbaperenatindi.

1 Peteru 1:17

Man aluer ne yilan Un er Ter yô, Un u A er ijir i lu sha msange u sha dooshima ga kpa i lu sha ieren i hanma or yô, lu nen a mciem sha ayange a shir wen.

1 Samuel 16:7

Kpa TER kaa a Samuel er: De kenger mluyol na ga, shin ityaven na kpaa ga; gadia a kumam ga, gadia mnenge u TER ngu er mnenge u or nahan ga; gadia or nengen mluashe u ken won, kpa TER yô, nengen ken ishima.

1 Samuel 2:25

Aluer or nan er orgen isholibo yô, Aôndo Una ôr nan ijir; kpa aluer or nana er Aôndo isholibo yô, ka an nana sôn sha ci u nana? Nahan kpaa ve wa iko sha imo i ter ve ga, gadia TER ver ishima u timin ve.