Duteronomi 1:15 - ICIGHAN BIBILO

¹⁵ Tsô m tsuwa mbahemenev mba sha ikwe yen, ior mba fan kwagh, mba i fe ve yô, m ver ve, ve lu mbahemenev enev, ka ukur mba ve lu a ior dubu dubu sha ikev, man ukur mba ve lu a ior deri deri, man ukur mba ve lu a ior akunduahargber akunduahargber, man ukur mba ve lu a ior pue pue, kua mbavesen mba sha ikwe yen.

Duteronomi 1:15 Iomraidhean Croise

Ekesodu 18:21

Shi ú sange ior mba fan kwagh ken ior cii, mba ve cie Aôndo, mba mimi, mba ve vende inyaregh ki yamen ishô; ver ve sha ior, ve̱ lu mbavesen sha ior dubu dubu man sha ior deri man sha ior akunduahargber akunduahargber man sha ior pue pue,

Ekesodu 24:1

Tsô A kaa a Mose er: Unde va nen hen TER, we vea Aron man Nadabi man Abihu man mbatamen mba Iserael akunduatargber; gure nen ca je;

Numeri 1:4

Ken hanma kwe á tsuwa or môm môm, ve̱ lu a ven imôngo, or u nan lu orhemenegh hen ya u uter mba nan la.

Numeri 31:14

Kpa ishima gema vihi Mose a mbahemenev mba ikumutya la, ka ukur mba ve lu a ior dubu dubu sha ikev man ukur mba ve lu a ior deri mba ve za hide ityav la.

Mbaefese 4:11

Ka Un je A ne mbagenev ve lu mbaapostoli, mbagenev yô, ka uprofeti mbagenev ka mbaivangeli, mbagenev ka mbakuran man mbatesen.

Duteronomi 1:14

Nahan ne rumun a mo, ne kaa ner, kwagh u u kaa la doo u eren.

Duteronomi 1:16

Man hen shighe la, m kaa a mbaajiriv enev mer: Waan nen iko sha ijir i yilan i anmgbianev enev, ôr nen ijir i or a anngô u nan man shiror u a lu a nan la kpaa, sha mimi.

Duteronomi 16:18

Ver mbaajiriv man mbavesen ken agar a ou cii, a TER, Aôndo wou, Una na u, sha ikwe you yô; ve̱ ôron ior ijir sha mimi.

1 Samuel 17:18

man za a uciishi pue mban, za na orhemen ve u a hemen ior dubu la, shi nenge mlu u anngôôv ou, yô, ngohol ikav her a ve.

1 Samuel 22:7

Tsô Saulu kaa a mbayev nav mba ve kase un la er: Ungwa nen ase, ne Mbabenyamin; wan u Yese ne, una na hanmô wen ishule man ikon i wain, una ver ne cii né hingir mbahemenev mba hemen ior dubu dubu man mbahemenev mba hemen ior deri deri,

1 Samuel 8:12

shi nana ver ve vea hingir nan mbahemenev mba sha ior dubu dubu man mba sha ior akunduahargber akunduahargber; nana ver mbagenev sha u kahan nan sule man u sundan nan iyiav man shi u varen nan ikav mbi utyav kua ikav mbi akekeautya a nan kpaa.