Daniel 9:8 - ICIGHAN BIBILO

⁸ Ka hen vese, TERE, ahenge a van a lu ye, hen utor asev man hen atiator a ase man hen uter asev, sha ci u se er U isholibo yô.

Daniel 9:8 Iomraidhean Croise

2 Utor 21:15

gadia ve er ifer sha ishigh Yagh, ve bamen hii sha iyange i uter vev due ken Igipiti la je, zan zan nyian.

2 Kroniku 6:37

kpa aluer vea za hen kwagh ken asema a ve ken tar u i za a ve uikangen la, man vea gema ishima vea zamber We ken tar u ve lu uikangen la, vea kaa er: Se er isholibo, se er kwaghbo se er ifer,

Nehemia 1:6

Shi kegh ato, ashe Ou kpaa a̱ lu ivegher, ungwa msen u wanakiriki Wou, u m sen U nyian ne, atetan man tugh, sha ci u mbayev Ou Mbaiserael, er m lu pasen akaabo a Mbaiserael, a se er U yô; mo a ya u terem kpaa, se er U kwaghbo.

Yesaia 64:4

Gadia hii ngise je ior ungwa ga, shi ve kav ken ato a ve ga, ma ishe kpaa nenge a Aôndo ugen ga, saa We, u U eren tom sha ci u or u nan veren ashe sha a We yô.

Yeremia 14:20

TERE, se mba rumun kwaghbo wase kua ifer i uter asev; gadia se er U kwaghbo.

Yeremia 32:32

sha ci u iferkwagh i Mbaiserael kua i Mbayuda cii, i ve er sha ci u bamen Mo, ve man utor vev, man atiator a ve, man upristi vev man uprofeti vev, man ior mba Yuda, kua mba ve tem ken Yerusalem.

Yeremia 7:19

Ka Mo je ve bamem yee? Kape TER A kaa ne. Mba kera eren a er ican ayol a ve geman van a kunya sha ishiv vev gaa?

Ukwelegh 1:18

TER ka u perapera je, gadia m hendan a imo Na; shi ungwa nen, ne ior cii, nenge nen ican yam; anuunaukase am man ikaior yam, i yem a ve uikangen.

Ukwelegh 3:42

Se per atindi, se hendan; U de se kwaghbo ga.

Ukwelegh 5:16

Idyer i tor bugh se sha ityou, gba inya; kwagh tser se ve, gadia se er isholibo.

Esekiel 16:63

sha u u̱ umbur man u̱ va ahenge, man u̱ kera seer u bughun zwa wou ga, sha ci u kunya wou, zum u M de u akaa a ou a u er cii yô, kape Ter AÔNDO A kaa ne.

Esekiel 5:6

Kpa a hendan a akaaôron a jirigh a Am, a er ifer hemba akuraior, man a hendan a akaawan a Am kpaa, hemba ityar i i kase un la cii, gadia ve venda akaaôron a jirigh a Am, man akaawan a Am kpaa ve zende ken a ga.

Daniel 9:9

Ka hen TER, Aôndo wase, mhôônom ma zungwen man mde u asorabo ve lu ye; gadia se hendan a Na;