Daniel 9:7 - ICIGHAN BIBILO

⁷ Ka We U lu a perapera ye, Tere; kpa se yô, gema ka ahenge a van, er i lu nyian nahan; hen ior i Yuda man hen mba ve tem ken Yerusalem man hen Iserael cii, mba ve lu ikua man mba ve lu ca, ken ityar i U sambe ve la cii, sha ci u mimi ga ve u ve er a We sha mimi ga la.

Daniel 9:7 Iomraidhean Croise

Esera 9:13

Man ahegen ken masejime u akaa a a tser se cii, sha ci u ityom yase i ifer man zegeibo wase ne kpaa, Aôndo wase, U tsaha se sha mngee u afer a ase la ga, shi U na se asande ne kpaa,

Esera 9:15

TERE, Aôndo u Iserael, We U ngu u perapera je, gadia se mba asande a waren, er i lu nyian nahan; nenge, se tile a ibo yase iyol sha ishigh You; gadia mô u nana fatyô u tilen sha ishigh You sha ci u kwagh ne nan ngu ga.

Nehemia 9:33

Nahan kpaa U ngu a ishô sha akaa a a tser se la cii; gadia U er ieren i mimi, kpa se yô, se er ifer;

Upasalmi 119:137

TERE, We U ngu u perapera, ajir a Ou a ôron kpaa ka a sha mimi.

Upasalmi 44:15

Iyange jimin cii, iheen yam ngim sha ishi, kunya u sha ishigh yagh kpaa cirim,

Upasalmi 51:14

Warem sha ike i awambe, Aôndo, We, Aôndo u myom wam, nahan nombor wam ua wa icam ua wuese perapera Wou.

Upasalmi 51:4

Ka We tseegh, m er U isholibo ye, m er kwagh u a lu u bo sha ishigh You; sha er Ú lu a ishô zum u U ôron kwagh, Ú lu wang zum u U lu ôron ijir la.

Yesaia 11:11

Tsô sha iyange la je, Ter Una shi á naregh uwegh Nagh á kuma kwa har je, sha u paan asande a ior Nav mba ve shi ken Ashiria man ken Igipiti man ken Pateroshi Kushi man ken Elam man ken Shinar man ken Hamati kua ken ityar i hen kpezegemnger la.

Yesaia 45:16

Kunya kôr ve, ve cii ve va ahenge; ve yem a iheen iyol imôngo, ve mba ve gbe eev la.

Yeremia 12:1

TERE, We U ngu u perapera, aluer me huna U kpaa; nahan kpaa kwagh ngum u ôron a We: Ka nyi man gbenda u iferor u lu a iverene? Man ka nyi mba ve eren kwagh sha atseregh la cii, i kpe ve iyolo?

Yeremia 23:6

Sha ayange Na, Yuda una war, man Iserael kpaa una tema bem bem; iti i á yilan Un a mi je yô, er: TER KA PERAPERA WASE.

Yeremia 24:9

Me gema ve vea hingir ityartor i sha won cii kwagh u tumbul a min ave, man u timin kera, sha u eren ve kwagh u bo; vea hingir kwagh u iheenegh man u ôron injakwagh a mi, man ilyahan man kwagh u lun a ifan iyol ken ajiir a Me zenda ve vea yem ker la cii.

Yeremia 3:25

Sé yav nen ken kunya wase, ahenge ase a van a̱ cir se, gadia se er TER, Aôndo wase, kwaghbo, se kua uter asev, hii sha iyev asev je zan zan nyian; man se wa imo i TER, Aôndo wase, iko ga.

Yeremia 32:32

sha ci u iferkwagh i Mbaiserael kua i Mbayuda cii, i ve er sha ci u bamen Mo, ve man utor vev, man atiator a ve, man upristi vev man uprofeti vev, man ior mba Yuda, kua mba ve tem ken Yerusalem.

Yeremia 33:16

Sha ayange shon la á yima Yuda, man Yerusalem una tema bem bem; iti i á yila un a mi yô, er: TER ka perapera wase.

Yeremia 4:17

er mbakuransule nahan, kape ve kase un ve tser la, sha ci u a hendan kwagh a Mo yô, kape TER A kaa ne.

Yeremia 7:19

Ka Mo je ve bamem yee? Kape TER A kaa ne. Mba kera eren a er ican ayol a ve geman van a kunya sha ishiv vev gaa?

Esekiel 16:63

sha u u̱ umbur man u̱ va ahenge, man u̱ kera seer u bughun zwa wou ga, sha ci u kunya wou, zum u M de u akaa a ou a u er cii yô, kape Ter AÔNDO A kaa ne.

Esekiel 36:31

Sha shighe la né umbur igbenda yen i bo, man aeren a en a a doo ga la; nahan kwagh wen una ndôhôr ne ishima, sha ci u afer a en, man akaa a en a ndôhôrshima la.

Esekiel 5:10

Nahan yô, uter vea ya inyam i ônov vev ker atô wou, man ônov di kpaa vea ya uter vev; Me ôr u ijir man shi Me sambe asande a a shi ken a we la sha ahumbe, hanma ian cii.

Esekiel 6:12

U nan lu ca, bouange una wua nan; u nan lu ikua sanker una wua nan; u nan shi her man i kase nan sha utya la, ijen ia wua nan; kape Me kure ishimavihin Yam jimin cii sha a ve ne.

Daniel 9:14

Ka nahan man TER A lu per sha u van a kwagh u bo ne sha a vese ye; gadia TER, Aôndo wase, ka u perapera ken aeren a Na cii a A eren yô, kpa se wa imo Na iko ga.

Daniel 9:18

Aôndo wam, kegh ato, ungwa, bugh ashe a Ou, nenge mbamyôhôl asev, man gar u i yer sha iti You la; gadia se mba van a uzamber asev sha ishigh You, ka sha uperapera mba sha ayol a ase ga, kpa ka sha ci u mhôônom Ou ma zungwen ma vesen la.

Daniel 9:8

Ka hen vese, TERE, ahenge a van a lu ye, hen utor asev man hen atiator a ase man hen uter asev, sha ci u se er U isholibo yô.

Amoshi 9:9

Gadia, nenge, Me na zwa, Me yegher ya u Iserael ken akuraior cii, er ka i yegher uwua sha tser nahan, nahan kpaa ishange i môm ia gba inya ga.

Mbaromanu 6:21

Shighe la lu nyi injar ne zua a mini? Lu akaa a kunya u ker ne sha mi hegen ne. Man mkur u akaa angara yô, ka ku je.

Duteronomi 32:4

Ka Vande, tom Na ngu vough; gadia igbenda Na cii, ngi jighilii. Ka Aôndo u jighjigh, ngu a ifer ga, Un ka u perapera man u mimi.

Duteronomi 4:27

Shi TER Una sambe ne ken ior, ior enev vea mase shin kpeghee ken akuraior, henpe TER Una za haa ve la.