Daniel 9:6 - ICIGHAN BIBILO

⁶ se ver ato sha mbatomov Ou uprofeti kpaa ga, mba ve lu ôron kwagh ken iti You a utor asev man mbatarev asev man uter asev kua ior i tar la cii.

Daniel 9:6 Iomraidhean Croise

2 Utor 18:12

gadia ve wa iko sha imo i TER, Aôndo ve, ga, kpa ve vihi ikuryan Na, ka akaa a Mose wanakiriki u TER wa tindi sha mi cii je la, ve venda u ungwan un man u eren sha mi kpaa.

2 Kroniku 33:10

Tsô TER ôr kwagh a Manase kua a ior nav, kpa ve ver ato ga.

Esera 9:7

Hii sha ayange a uter asev je, se lu ken zegeibo zan zan nyian; ka sha ci u afer a ase kpaa, i tôô se a utor asev man upristi asev, i na se sha ikev i utor mba ityar igen, man shi i na se sha sanker, man ken uikangen, man ishar i yan, man kunya u sha ishi, er i lu nyian nahan.

Nehemia 9:30

Anyom kpishi je U lu wan ishima a ve, U pase ve ibo ve sha Jijingi Wou, sha akaaôron a uprofeti Ou; nahan kpaa ve rumun ve ver ato ga; ka nahan man U gema ve U na sha ikev i akuraior a ken tar la.

Nehemia 9:32

Yô, Aôndo wase, u hemban, u ageegh, u cier iyol, u wan ikuryan man erdoo iko; ican ne cii i̱ de luun kwagh u kiriki sha ishigh You ga, ican i i tser se a utor asev man atiator a ase man upristi asev man uprofeti asev man uter asev kua ior Ou cii la, hii sha ayange a utor mba Ashiria je zan zan nyian ne.

Nehemia 9:34

utor asev man atiator a ase man upristi asev kua uter asev kpaa, ve wa atindi a Ou iko ga, ve ver ato sha atindi a Ou kua mbampase Ou kpaa ga, mba U we ve kwagh sha mi la.

Yeremia 26:5

man né venda u veren ato sha akaaôron a mbayev Av, uprofeti, mba M tindi her a ven pepe kua aikighe yô, kpa ne we iko ga la,

Yeremia 29:19

er ve ver ato sha akaaôron Am ga yô, kape TER A kaa ne,

Yeremia 44:16

Sha kwaghôron u u ôr se ken iti i TER la, sé wa u iko ga.

Yeremia 7:13

Nahan, er ne er akaa ne cii yô, kape TER A kaa ne, man gema M lu ôron kwagh a ven, pepe kua aikighe, kpa ne ungwan ga; shi M yila ne kpaa, kpa ne vengese ga;

Yeremia 7:24

Kpa ve wa iko ga, man shi ve ver ato kpaa ga, kpa ve za sha mbamhen vev man sha mcighir u asema ve a bo la, ve hide ijime, ve za hemen ga.

Daniel 9:10

se wa imo i TER, Aôndo wase, iko sha u zenden sha atindi a Na, a A ver se sha ishi sha ikev i mbatomov Nav uprofeti la ga.

Daniel 9:9

Ka hen TER, Aôndo wase, mhôônom ma zungwen man mde u asorabo ve lu ye; gadia se hendan a Na;

Mateu 23:37

Yerusalem, Yerusalem, we u u woo uprofeti man u te mba i tindi ve her a we, awen ne; ka acin a me je man i lum pe kohol ônov er ngôikegh ka a kohol ônov nav shin akper a na nahan, kpa ne rumun ga!

Aerenakaa A Mbaapostoli 13:27

Gadia mba ve tem ken Yerusalem man shi mbavesen vev, er ve fe Un ga, man shi ve kav akaaôron a uprofeti a i ôron a sha hanma iyange i memen la ga yô, ve gema ve kure akaaôron la sha mi vough ve ôr Un ijir i kuugh;