Daniel 9:3 - ICIGHAN BIBILO

³ Nahan m gema ishigh hen Ter Aôndo, sha u eren msen man uzamber a kwaghyan u hôron man a ikondo i tan uya man a mtwem.

Daniel 9:3 Iomraidhean Croise

2 Samuel 12:16

Davidi sôn Aôndo sha ci u wan la; shi Davidi hôr kwaghyan, a nyôr a yav hen inya zan zan sev kar aven.

Esera 10:6

Nahan Esera mough sha ishigh ki iyou i Aôndo kar za nyôr ken iyou i Yehohanan wan u Eliashibi; er a nyôr her kpaa, a ya kwaghyan ga, a ma mngerem kpaa ga, gadia lu zungwen sha ci u kwaghbo u mbakwarev la.

Esera 8:21

Nahan m yôô kwaghyan u hôron her, hen ifi u Ahava, sha u se̱ hide a ayol a ase ijime sha ishigh ki Aôndo wase, man se̱ sôn iveren Na sha zende wase man mbayev asev kua akaa a se lu a mi cii.

Esera 9:5

Sha shighe u nagh ku aikighe la yô, m mough a iheen yam, a ikondo yam i anden kua riga wam kpaa, m gure anu inya, m naregh ave sha TER, Aôndo wam;

Nehemia 9:1

Tsô sha iyange i sha ikundu kar unyiin i uwer ne yô, Mbaiserael kohol, ve hôr kwaghyan a ajav a ikondo iyol man inya sha ityouv vev.

Eseter 4:16

Za za kohol Mbayuda cii, mba ve tem ken Shushan yô, hôr nen kwaghyan sha ci wam, de ye nen kwagh ga, de me nen kwagh ga, tugh man atetan zan zan ayange atar; kape mo a ônkasev av kpaa sea hôr kwaghyan ne; ka nahan man me za nyôr hen tor, a lu sha tindi ga kpaa ye; aluer mea saa yô, m saa di je ve.

Yobu 42:6

Ka nahan man m laha iyol yam, m zamber ken vuulevu kua ken mtwe ye.

Upasalmi 35:13

Kpa mo yô, zum u ve gba angev la yô, m lu a mzemba uya, m ya ican ken ishima sha kwaghyan u hôron, msen wam kpaa hidem ken vanger.

Yesaia 22:12

Sha iyange la, Ter, TER u akum a Sha, yila kaa er, i̱ vaa, i̱ zungwe, i̱ hondo ityough, shi i̱ ta ikondo uya;

Yeremia 33:3

Vaa, yilam, M̱ vengese, M̱ pase u akaa a vesen, a a gande u timen, a u fe a ga yô.

Esekiel 36:37

Ter AÔNDO ngu kaan nahan er: Kwagh ne yô, kam pe ya u Iserael ma a va senem er Me er ve un yô; Me seer ve ior er ikumuile nahan.

Daniel 6:10

Zum u Daniel fa er i wa uwegh sha ingeren la yô, a nyôr ken iyou na, uwindou mba iyou na i sha, lu ivegher, vegher u shin Yerusalem la, a gure inya sha anu na kwa tar hanma iyange, a er msen, a na ishughun sha ishigh ki Aôndo na, er a vanden eren keke nahan.

Daniel 9:2

sha inyom i hiihii i mtemtor na la, mo Daniel m nenge ken ruamabera, iyenge i anyom i TER ôr profeti Yeremia, sha u kuren kwagh u mvihi u Yerusalem la, lu anyom akunduatargber je.

Daniel 9:20

Er m lu ôron kwagh ave, eren msen man pasen isholibo yam man isholibo i ior av Iserael, man m lu van a zamber wam sha ishigh ki TER, Aôndo wam, sha ci u icighanwo u Aôndo wam;

Daniel 9:4

Tsô m sôn TER, Aôndo wam, m rumun ibo kpaa, m kaa mer: Tere, Aôndo u hemban, u cier iyol, u U we ikuryan man mhôônom ma zungwen iko a mba U doo ve ishima man mba ve eren sha atindiakaa a Ou kpaa yô;

Yoel 1:13

Ta nen ikondo uya, zungwe nen, ne upristi, ngor nen mliam ne mbatomov mba atse a nanden nagh sha mi; nyôr tsa nen a ikondo uya, ne mbatomov mba Aôndo wam; gadia i kar a nagh ku sha samuyia man ku man ken iyou i Aôndo wam kera.

Yoel 2:12

Shin hegen je kpaa, kape TER A kaa ne: Gema nen her a Mo a asema a en cii, a kwaghyan u hôron man mliam ashe man a ijungwen,

Yona 3:5

Ior i Nineve gema na Aôndo jighjigh; nahan ve yôô kwaghyan u hôron man ve ta akondo uya, hii hen mbavesen vev zan zan ar hen mbakiriki.

Mateu 17:21

[Kpa imba ne i gbe duen ga saa sha msen u eren man kwaghyan u hôron]

Luka 2:37

gema lu kwasecôghol, anyom a na cii yô, lu akunduanyiin kar anyiin, undun tempel ga, civir Aôndo sha kwaghyan u hôron man msen u eren tugh man tetan.

Aerenakaa A Mbaapostoli 10:30

Tsô Korneliu kaa er: Er m lu eren msen ken ya wam yô, ayange kar nyian anyiin je, tsô sha ahwa atar atetan la,