Daniel 9:27 - ICIGHAN BIBILO

²⁷ Una ya ikur i taveraa a ior kpishi lahadi môm man ker atô u lahadi la una er nagh ku sha samuyia kua bunde; sha kpelegh ku akaahôngorough or u nan mtim la, una va zan zan mkur u i ver la kuma, á haa iyugh sha or u nan mtim la.

Daniel 9:27 Iomraidhean Croise

Yesaia 28:15

Gadia ne kaa ner: Se ya ikur a ku, se zua zwa a Sheol, zum u bocan u van sha agee una va karen la, una va hen vese ga; gadia se gema aie hingir se ijiir i yeren, man se yer ayol ase ken icugh je.

Yesaia 28:22

Nahan yô, de hingir nen mbanahantar ga, sha u i̱ de kera nyôôso ikangenev yenev ga yô; gadia m ungwa hen Ter, TER u akum a Sha, kwagh u mtim u i we ishima u eren sha tar cii.

Yesaia 42:6

Mo TER, M yila U sha perapera, M kôr u Uwegh, M kura U kpaa; M gema U, U hingir ikuryan i ior man iwanger i akuraior,

Yesaia 53:11

sha mtoghor u uma Na, Una nenge a min je, á kuma Un; sha kwaghfan Na, wanakiriki Wam u perapera la, Una gema ior kpishi vea hingir mbaperapera; Una tôô afer a ve sha iyol Na kpaa.

Yesaia 55:3

Ver nen ato, va nen her a Mo; ungwa nen, uma wen u ken ishima a̱ lu uma; Me ya ikur i tsôron a ven, ka mhôônom ma zungwen ma i zungu Davidi ma bunden mayange ga la.

Yeremia 7:30

Gadia ônov mba Yuda er iferkwagh sha ishigh Yagh, kape TER A kaa ne; ve ver akaa a ve a ndôhôrshima ken iyou i i yer sha iti Yam sha u vea hôngor i yô.

Daniel 11:31

Akumautya aa mough her a na, vea hôngor a icighanjiir, garutya u taver la, vea yange nagh ku nanden ku gbem la kera, man vea gema á ver kwaghndôhôrshima u nan mtim.

Daniel 11:36

Tor la una eren kwagh sha ishima na; una kende a iyol na sha, una moron iyol er un hemba hanma aôndo, una ôr akaavihin a cier iyol sha Aôndo u mbaaôndo cii; á kpe un iyol zan zan iyugh ia kar kuman; gadia kwagh u i ver yô, una kure sha mi vough.

Daniel 12:11

Hii sha shighe u i kar a nagh ku nanden ku gbem la kera, man i ver kwaghndôhôrshima u nan mtim la yô, ayange aa kar dubu man deri uhar man akunduanyiingber.

Daniel 7:25

Una ôr akaavihin sha Uhembansha, una er uicighanmbaiorov mba Uhembansha ican; una ver ishima u geman ashighe man atindi, man á na ve sha ikev na zan zan shighe môm man ashighe man vegher u shighe.

Daniel 8:13

Nahan m ungwa icighanor lu ôron kwagh; man icighanor ugen gema kaa a u a lu ôron kwagh la er: Mpase u sha mnenge ne una lu ica ia gba nan je, sha kwagh u nagh ku nanden ku gbem la man mper u tindi u nan mtim sha u nan icighanjiir man ikum i Sha u shoghol angahar sha mi laa?

Hosea 3:4

Gadia Mbaiserael vea lu a tor ga ayange kpishi, ortaregh kpaa ga, nagh ku nan kpaa ga, ityôgh ki iwenegh kpaa ga, efodi man terafim kpaa ga;

Numeri 7:62

gbande u zenaria môm u sha ushekel pue, iv a kwaghhumandoon u nanden;

Mateu 24:15

Zum u nea nenge kwaghndôhôrshima u nan mtim u profeti Daniel ôr kwagh na la, er lu tilen ken icighanjiir yô, (or u ôron kwaghngeren ne nana̱ ver ikav)

Mateu 26:28

gadia ka awambe Am a ikuryan je ne, a i hee a sha ci u ior kpishi sha u den asorabo.

Mateu 27:51

Tsô ikondo i yisan i ken tempel la pav, hii sha je mande shin inya. Tar kpaa tenger, avande pav;

Marku 13:14

Kpa zum u nea nenge kwaghndôhôrshima u nan mtim la una tile hen ijiir i i doo u ma a til ga yô,—or u ôron kwaghngeren ne nana̱ kav—zum la, mba ve lu ken Yudia, ve̱ nyôngoso ve̱ yem sha iwo.

Luka 21:20

Man zum u né nenge akumautya aa kase Yerusalem á wa atô yô, fa nen je ner, mtim na kuma ve.

Luka 21:24

Vea kpe ku u ishôm; á yem a ve uikangen hen atôatyev cii; Yerusalem kpaa atôatyev á ndyar un shin angahar zan zan shighe u atôatyev á kar kuman.

Mbaromanu 11:26

Kape Iserael cii vea war la. Kape i nger kpaa la er: Ka ken Shion man Oryiman Una due ye, Una kar a mvende u i lu vendan Aôndo la ken Yakob kera.

Mbaromanu 5:15

Kpa iwua i sha mrumun u sha mhôôn la ngi inja i môm a mper u i per tindi la ga, gadia aluer sha tindi u peren u or môm la ior kpishi gema kpe yô, nahan mrumun u sha mhôôn u Aôndo man iwua i sha mrumun u sha mhôôn u Or môm, ka Yesu Kristu je la, ve hemba heera ica je, dumbur sha ior kpishi.

Mbaromanu 5:19

Gadia er ior kpishi ve hingir mbaasorabo sha ihembeato i or môm yô, kape ior kpishi di ve hingir mbaperapera sha iko i wan i Or môm kpaa la.

Mbaheberu 9:28

kape Kristu kpaa i na nagh sha a Na kwa môm sha u tôôn asorabo a ior kpishi kera, u sha kwa har yô Una ande, á lu sha kwagh u isholibo ga, kpa á lu sha u yiman mba ve lu keghen Un yô.