Daniel 9:26 - ICIGHAN BIBILO

²⁶ Ken masejime u ulahadi akunduatar kar uhar la, á gber u i shigh Un mkurem la kera, Una lu a ma ibo ga; ior mba tor u una va la, vea hembe gar man icighanjiir la; mkur na una lu sha avenge a saren, man zan zan mkur kpaa ityav mbia lu; mbamtim vea lu kpee je.

Daniel 9:26 Iomraidhean Croise

2 Samuel 21:5

Ve kaa a tor er, or u lu wua se man shi wa ishima u timin se er se̱ de kera luun ken ma veghertar u Iserael ga la,

Upasalmi 22:15

agee am uma kera er icenge nahan, nombor wam varem sha ikighô; U va a mo hen vuulevu u kuugh.

Yesaia 28:2

Nenge, Ter ngu a orageegh u taver iyol, er ura u awomboogh man ijeverahumbe u vihin kwagh nahan, er ura u tamen u mngerem ma sar avenge nahan, u ka u haa akaa inya sha agee.

Yesaia 28:22

Nahan yô, de hingir nen mbanahantar ga, sha u i̱ de kera nyôôso ikangenev yenev ga yô; gadia m ungwa hen Ter, TER u akum a Sha, kwagh u mtim u i we ishima u eren sha tar cii.

Yesaia 53:8

I tôô Un ken mkighir u sha ican kua ijirôron kera; man kov Na yô, ka anti je nan hen er i gber Un ken tar u mbaumav kera? Lu sha ci u atindi a peren a ior av, kwaghbo tser Un ye.

Yesaia 8:7

nahan yô, TER Una va ve a mngerem ma Ifi ma taver, maa ngee kpishi, ka tor u Ashiria a icivir na cii je la; ma á iv ukungô nav cii, ma á sar avenge na cii;

Yeremia 46:7

Ka anti or nan moron iyol er ifi u Nil, u mngerem nam ma hor er uifi nahana?

Yeremia 51:42

Zegemnger va ar sha Babilon; i cir un sha agôndoamnger.

Daniel 11:10

Ônov nav vea nôngo ityav, vea kohol akumautya a vesen kpishi, una va, una nyôr una kuwa emememe, una kar man una shi á hide una va nôngo ityav zan zan una za ar hen ayouautya a na a taver.

Daniel 11:17

Una ver ishigh sha u van a tahav mbu tartor na cii, una hime iyongo a na; una na un wankwase sha u vihin tartor la kera; kpa mhen la una za sha mi ga, una lu un a iwasen kpaa ga.

Daniel 11:22

Ikumutya i vesen i hendan a nan ia kar sha ishigh ki nan kera, ia saa; een, zan zan ortaregh u ikuryan je kpaa.

Daniel 11:36

Tor la una eren kwagh sha ishima na; una kende a iyol na sha, una moron iyol er un hemba hanma aôndo, una ôr akaavihin a cier iyol sha Aôndo u mbaaôndo cii; á kpe un iyol zan zan iyugh ia kar kuman; gadia kwagh u i ver yô, una kure sha mi vough.

Daniel 9:27

Una ya ikur i taveraa a ior kpishi lahadi môm man ker atô u lahadi la una er nagh ku sha samuyia kua bunde; sha kpelegh ku akaahôngorough or u nan mtim la, una va zan zan mkur u i ver la kuma, á haa iyugh sha or u nan mtim la.

Hosea 1:9

Nahan TER kaa er: Ii un iti wer Lo-ami (Ioravga); gadia ne mba ior Av ga, Mo kpaa Me lu Aôndo wen ga.

Amoshi 8:8

Tar ua kera tenger sha kwagh ne ga, man hanma or u nan tem ken u kpaa nana kera zungwe gaa? Een, u cii ua mough sha, er ifi u Nil nahan; á tenger u shi ua songor er ifi u Igipiti nahan.

Amoshi 9:5

Gadia Ter AÔNDO u akum a Sha, ka Un u ka A bende a tar ve, u sough ne, man mba ve tem sha mi cii ve zungwe; u cii, u mough er ifi u Nil nahan, shi u songor er ifi u Igipiti nahan;

Nahum 1:8

Sha mngerem ma saren avenge Una tim ijiir na kera cii, man Una tôv mbaihomov Nav, Una haa ve ken ime.

Mateu 22:2

Tartor u Sha ngu er tor ugen u a er wan na iniongo i kwasehe.

Mateu 22:7

Nahan tor la yuwe, a tindi akumautya na a za tim mbawuanior mbala, a nande gar ve.

Mateu 23:38

Nenge ase, i undu ya wou, hingir ice.

Mateu 24:2

Kpa Yesu kaa a ve er: Ne nenge akaa ne cii kpa? Mimi je M kaan ne ne, iwen i môm tsô kpaa i á de i i̱ lu sha igen ngi ga, á yôhôl a ca ca.

Marku 13:2

Yesu kaa a na er: U nenge uzegembaayoughouv mban kpa? Iwen i môm tsô kpaa i á de i i̱ lu sha igen ngi ga, á yôhôl a ca ca.

Marku 13:7

Man shi zum u nea ungwa kwagh u utya man igwa i utya kpaa yô, ishima i̱ de nyian ne ga, akaa ne aa er keng, kpa mkur una lu a kuma ga.

Marku 9:12

A gema a kaa a ve er: Eliya una vande van kpee sha u sôron akaa cii; tsô er nan man i nger kwagh sha Wan u or er, Una ya ican sha akaa kpishi, shi á laha Un kpaa?

Luka 21:24

Vea kpe ku u ishôm; á yem a ve uikangen hen atôatyev cii; Yerusalem kpaa atôatyev á ndyar un shin angahar zan zan shighe u atôatyev á kar kuman.

Luka 21:6

Akaa a ne nenge a mi ne yô, ayange nga van a iwen i môm kpaa i á de i i̱ lu sha igen ia lu ga, á yôhôl ca ca.

Luka 24:26

Kera lu u Kristu Una ya atsan ne cii keng, man Una nyôr ken icivir Na ye gaa?

Luka 24:46

man A kaa a ve er: Kape i nger je la er: Kristu Una ya ican Una shi Á nder shin mbakpenev sha iyange i sha u tar la;

YOHANE 14:30

Me kera seer ôron kwagh a ven kpishi ga; gadia tor u tar ne ngu van, ngu a ma ityôkwagh sha a Mo ga,

2 Mbakorinte 5:21

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

Mbagalatia 3:13

Kristu paa se, due a vese ken ifan i tindi la kera, A gema A hingir ifan sha ci wase; gadia i nger er: Hanma or u i mande nan nan lu sha kon yô, nan ngu a ifan iyol je:

1 Peteru 2:21

Gadia ka sha kwagh ne je i yer ne ye, gadia Kristu kpaa ya ican sha ci wen, A ver ne ikav je sha u né dondo Un ijime yô.

1 Peteru 2:24

Ka Un jim kpaa A tôô asorabo ase ken iyol Na je sha terankon sha er ma se kpe kera sha kwagh u isholibo, kpa se̱ gema se̱ lu uma sha ci u perapera. Ka sha agbir a Na man se zough a mkpeyol ye.

1 Peteru 3:18

Gadia Kristu kpaa kpe sha ci u asorabo kwa môm, Un Orperapera sha ci u mbaaferev sha u Una va a vese hen Aôndo yô. Iyol Na yô, i wua i kpa i shi i na Un uma sha Jijingi.