Daniel 9:20 - ICIGHAN BIBILO

²⁰ Er m lu ôron kwagh ave, eren msen man pasen isholibo yam man isholibo i ior av Iserael, man m lu van a zamber wam sha ishigh ki TER, Aôndo wam, sha ci u icighanwo u Aôndo wam;

Daniel 9:20 Iomraidhean Croise

Esera 10:1

Tsô er Esera lu eren msen, pasen kwaghbo, vaan, gbidyen iyol inya sha ishigh ki iyou i Aôndo yô, ikpelaior kpishi due ken Iserael, nomso man kasev kua mbayev, ve va kohol her a na, ve gba vaan tsung je.

Nehemia 1:6

Shi kegh ato, ashe Ou kpaa a̱ lu ivegher, ungwa msen u wanakiriki Wou, u m sen U nyian ne, atetan man tugh, sha ci u mbayev Ou Mbaiserael, er m lu pasen akaabo a Mbaiserael, a se er U yô; mo a ya u terem kpaa, se er U kwaghbo.

Upasalmi 145:18

TER ngu ikua ikua a mba ve yer Un cii, mba ve yer Un sha mimi la cii.

Upasalmi 32:5

M pase isholibo yam sha ishigh You, ifer yam kpaa m yer U ga, m kaa mer, me pase TER akaabo a am; tsô We U dem ibo i isholibo yam Sela.

Orpasenkwagh 7:20

Gadia ma orperapera môm u shin tar u nan eren kwagh u dedoo nan eren isholibo ga, nan ngu ga.

Yesaia 56:7

Me va a ve hen icighanwo wam je, Me na, á saan ve iyol ken iyou Yam i msen, iniav vev mbi nanden man iniav vev mbi sôngon kpaa á rumun mbi sha atse Am a nanden nagh sha mi; gadia á yila iyou Yam er iyou i msen sha ci u akuraior cii.

Yesaia 58:9

Nahan wea yila, TER kpaa Una rumun; wea genger imo kpaa, Una kaa er: Mo ne. Aluer wea dugh igbur i hen a we la kera, man shi hôwe u dughun sha ilyahan kua u ôron kwagh sha ifer kpaa yô;

Yesaia 6:5

Tsô m kaa mer: Kwagh tserem ve, m saa ve! gadia mo m ngu or u zwa wam u hôngor yô, man m tem her atô u ior mba ijô ve i hôngor kpaa yô; gadia ashe am nenge a Tor, TER u akum a Sha.

Yesaia 65:24

Tsô er ve lu a yila ga kpaa, Me rumun, man er ve lu a kure kwaghôron ga je, tsô Me ungwa.

Daniel 10:12

Tsô a kaa a mo er: De kera cie ga, Daniel; gadia hii sha iyange i u hii veren ishima sha u kaven man u hiden a iyol you ijime sha ishigh ki Aôndo wou la je, i ungwa kwaghôron wou, man m va ka sha kwaghôron wou la.

Daniel 10:2

Sha ayange la, mo Daniel m lu zungwen kuma ulahadi utar je.

Daniel 11:45

Una mande utenti mba iyou i tor hen harga u zegemnger a icighanwo u Icivirigh; nahan kpaa una tim her, ma or nana wase un kpaa ga.

Daniel 9:16

Yô, Tere, sha aeren a Ou a perapera cii, shi goom a ishima i vihin You man iyugh You sha gar Wou Yerusalem kera, ka icighanwo Wou je la; gadia sha ci u asorabo ase, man aferakaa a uter asev, Yerusalem man ior Ou gema hingir kwagh u lahan hen mba ve kase se cii.

Sekaria 8:3

TER ngu kaan nahan er: Me shi Me hide hen Shion Me tema ken atô u Yerusalem; man á yila Yerusalem er Gar u mimi, man uwo u TER u akum a Sha er Icighanwo.

Aerenakaa A Mbaapostoli 4:31

Tsô mba eren msen kera yô, ijiir i ve kohol her la, i tenger, ve cii i iv ve a Icighan Jijingi, ve gba ôron kwaghôron u Aôndo vangertiôr.

Mbaromanu 3:23

Gadia ior ca ca ve er isholibo nahan kera mba a iengem i Aôndo ga.

Yakobu 3:2

Gadia se cii se mba nenge gbev sha akaa kpishi. Aluer or nana nôngo gbev sha kwaghôron ga yô, nan ngu or u vough je, iyol cii kpaa nana fatyô u kôron i tsaha.

Mpase U Yohane 21:10

Tsô a yem a mo ken Jijingi a za a mo sha zegewo u taven Sha, a tesem icighangar, ka Yerusalem u he je la, lu senen Sha; a due her Aôndo,

Mpase U Yohane 21:2

Shi m nenge icighangar, ka Yerusalem u he je la, lu senen Sha, a due her Aôndo, i sôr un er kwasehe u i er un hwe iyol sha ci u nom na yô.