Daniel 9:15 - ICIGHAN BIBILO

¹⁵ Hegen yô, Tere, Aôndo wase, u U dugh a ior Ou ken tar u Igipiti sha uwegh ku ageegh, U na iti You i za gwa er i lu nyian nahan, se er isholibo, se er kwagh u ifer.

Daniel 9:15 Iomraidhean Croise

1 Utor 8:51

gadia ka ior Ou je, ka dyako Wou kpaa u U due a mi ken tar u Igipiti, ken atô u usu u adum;

2 Utor 21:15

gadia ve er ifer sha ishigh Yagh, ve bamen hii sha iyange i uter vev due ken Igipiti la je, zan zan nyian.

2 Kroniku 6:37

kpa aluer vea za hen kwagh ken asema a ve ken tar u i za a ve uikangen la, man vea gema ishima vea zamber We ken tar u ve lu uikangen la, vea kaa er: Se er isholibo, se er kwaghbo se er ifer,

Nehemia 1:10

Yô, mban ka mbayev Ou man ior Ou mba U paa ve sha agee a Ou a hemban man uwegh Ough ku taver kpaa yô.

Nehemia 1:6

Shi kegh ato, ashe Ou kpaa a̱ lu ivegher, ungwa msen u wanakiriki Wou, u m sen U nyian ne, atetan man tugh, sha ci u mbayev Ou Mbaiserael, er m lu pasen akaabo a Mbaiserael, a se er U yô; mo a ya u terem kpaa, se er U kwaghbo.

Nehemia 9:10

man U tese uivande man akaa a kpilighyol sha Farao man mbayev nav cii, kua ior mba hen tar na cii; gadia U fa, ve manger sha uter asev; nahan U due iti, er i lu nyian nahan.

Upasalmi 106:8

Nahan kpaa A yima ve sha ci u iti Na, sha u Una pase agee a Na a vesen yô;

Ekesodu 13:14

Tsô zum u wan wou una pine u iyange igen er: Inja i kwagh ne ka nyi? Kaa un wer: Ka sha uwegh ku ageegh je TER due a vese ken tar u Igipiti ken ya u ikpan ye;

Ekesodu 13:16

A̱ hingir ikav sha uwegh ough man kwagh u zeren sha icul senen hen kungwa wou; gadia ka sha uwegh ku ageegh je TER due a vese ken Igipiti ye.

Ekesodu 13:3

Tsô Mose kaa a ior er: Umbur nen iyange i ne due ken Igipiti ken ya u ikpan ne; gadia ka sha uwegh ku ageegh je TER due a ven ken ajiir ne ye; i̱ de ye bredi u lun a kwa ga.

Ekesodu 13:9

A̱ hingir we ikav sha uwegh ough, kua ikav i umbur sha kungwa wou, sha u tindi u TER a̱ lu u ken zwa yô; gadia ka sha uwegh ku ageegh je, TER due a we ken tar u Igipiti ye.

Ekesodu 14:18

Mbaigipiti kpaa vea fa er M lu TER yô, shighe u Me zua a icivir sha kwagh u Farao man sha akeke na kua mbaanyinyav nav la.

Ekesodu 32:11

Kpa Mose zamber a TER, Aôndo na, er: Ku TERE, ka nyi man iyugh You i mough a ior Ou ityô, mba U dugh a ve ken tar u Igipiti sha agee a vesen man uwegh ku ageegh nahana?

Ekesodu 6:1

TER kaa a Mose er: Hegen ú nenge kwagh u Me er a Farao yô, gadia á lu sha uwegh ku ageegh man una de ve, vea yem ye, man á lu sha uwegh ku ageegh je una zenda ve ken tar na kera ye.

Ekesodu 6:6

Nahan yô, kaa Mbaiserael wer: Ka Mo TER, Me due a ven ken tom u ican u Mbaigipiti ne kera, man shi Me yima ne sha ican i ikpan i sha ikev ve la kpaa ye; Me paa ne sha uwegh ku naregh, man sha ajiraôron a vesen.

Ekesodu 9:16

Kwagh u M de u u lu her je yô, ka sha u Me tese u agee Am man á pase iti Yam sha won cii kpaa yô.

Yesaia 55:13

Kon u fer ua mende sha ityough ki saa, kon u mertel ua mende di sha ityough ki sagher; kwagh ne una hingir TER iti, icôronikav i á vihi i kera mayange je ga yô.

Yesaia 64:4

Gadia hii ngise je ior ungwa ga, shi ve kav ken ato a ve ga, ma ishe kpaa nenge a Aôndo ugen ga, saa We, u U eren tom sha ci u or u nan veren ashe sha a We yô.

Yeremia 14:20

TERE, se mba rumun kwaghbo wase kua ifer i uter asev; gadia se er U kwaghbo.

Yeremia 32:10

Nahan m nger takerada u yamen kwagh, m var ikav sha mi m yila mbashiada, man m kar un inyaregh sha iyôgh ki karen myohom a min.

Ukwelegh 3:42

Se per atindi, se hendan; U de se kwaghbo ga.

Esekiel 5:6

Kpa a hendan a akaaôron a jirigh a Am, a er ifer hemba akuraior, man a hendan a akaawan a Am kpaa, hemba ityar i i kase un la cii, gadia ve venda akaaôron a jirigh a Am, man akaawan a Am kpaa ve zende ken a ga.

Daniel 9:5

se er isholibo, se er kwagh u dang, se er ifer, se hendan kpaa, se kaha se undu atindi a Ou man ajiraôron a Ou kpaa;

Luka 15:21

Wan la kaa a na er: Terem m er Un u A lu Sha la kwaghbo m shi m er kwaghbo sha ishigh you kpaa; m kera kuma u á yilam er wan wou ga.

Luka 18:13

Kpa orngoholkpandegh la yô, tile ken ica je, rumun u kenden ashe sha tsô kpaa ga, kpa a ta uwegh sha vanger, a gba kaan er: Aôndo, zungwem mhôônom, mo orsholibo ne!

2 Mbakorinte 1:10

Un u A yima se sha imbaku i vesen ne shi Una yima se kpaa la, ka sha a Na je se veren ishima se lu keghen ser, shi Una yima se kpaa ye.

Duteronomi 5:15

Yô, umbur, er ngise u lu kpan ken tar u Igipiti man er TER, Aôndo wou due a we ker sha uwegh ku ageegh man sha uwegh ku naregh; ka nahan man TER, Aôndo wou, A kaa u er u̱ waan iyange i memen iko ye.