Daniel 9:13 - ICIGHAN BIBILO

¹³ Er i nger ken atindiakaa a Mose nahan la, kape kwagh u bo ne cii a tser se ne; nahan kpaa se kera zamber TER, Aôndo wase, ser A̱ zungwe se ga, se de aferakaa a ase ga man se wa mimi Wou iko kpaa ga.

Daniel 9:13 Iomraidhean Croise

2 Utor 22:16

TER ngu kaan nahan er: Nenge, Me va a ican sha ijiir ne, kua sha mba ve tem ken i kpaa, ka akaaôron a ruamabera u tor u Yuda a er la cii;

Yobu 36:13

Mba ve we Aôndo iko ken asema ve ga yô, ve mba a ishima i nyoon; mba keren iwasen shighe u A kange ve la ga.

Upasalmi 119:18

Bughum ashe, m̱ nenge akaakpilighyol a ken atindiakaa a Ou la.

Upasalmi 119:27

Nam m̱ kav gbenda u uiniezwa Ou, sha er m̱ hen kwagh u aeren a Ou a kpilighyol la.

Upasalmi 119:73

Ka ave Ou a erem man a maghem kpaa ye; nam mkav, m̱ hen atindi a Ou.

Upasalmi 85:4

Aôndo u myom wase, hide a vese; de ishimanyoon You a vese la.

Yesaia 31:1

Kwagh á tser mba ve yem shin Igipiti sha u za keren iwasen, man ve suur sha anyinya, shi ve suur sha akekeautya, sha ci u a ngee yô, man sha mbaanyinyav, sha ci u ve taver kpishi yô, kpa mba kenger sha Icighan u Iserael ga, man mba keren TER kpaa ga!

Yesaia 42:9

Nenge, akaa a ngise la, a er kera ve, ka akaa a he M lu tesen ye; M ngu ôron ne kwagh u a, er a lu a due ga je yô.

Yesaia 43:22

Nahan kpaa u yilam ga, Yakob; kwagh Wam kumbur we iyol kpaa ga, Iserael.

Yesaia 64:6

Se cii se hingir er or u nan wanger ga yô, perapera wase cii ngu er ikondo i hôngor nahan; se cii ka se use er kwakon nahan, aferakaa ase kpaa kar a vese kera er ahumbe nahan.

Yesaia 64:7

Ma or u yilan sha iti You u nan torough iyol i nan er nana var a We, nan ngu ga; gadia U yer ishigh You, man U gbihi se se saa sha ikev i aferakaa ase.

Yesaia 9:13

Nahan kpaa ior gema her a Na, u A tsaha ve la, ga; shi ve ker TER u akum a Sha kpaa ga.

Yeremia 2:30

Ka gbilin tsô man M gbidi ônov enev ye; ve rumun mkôôm ga; sanker wen wua uprofeti enev, er begha ka a ande kwagh nahan.

Yeremia 30:14

Mba ve soo u cii, u hungul ve, mba pinen we ga; gadia M gber u ivav sha inja i orihom, m tsaha u ornyoonshima je, sha ci u ifer you vese, asorabo a ou kpaa ngee.

Yeremia 31:18

Mimi je, M ungwa Eferaim lu toghor iyol, kaan er: U tsaham, er gumbua u a lu a hool a igbur ga yô, kape i tsaham la; gemam, tsô me gema; gadia ka We U lu TER, Aôndo wam, ye.

Yeremia 44:23

Sha ci u ne nande nagh, man sha ci u ne er TER isholibo man ne wa imo i TER iko ga, man shi ne zende sha atindiakaa Na ga, man sha akaawan a Na, kua ushiada Nav kpaa ga; ka nahan man kwaghbo ne a tser ne ye, er i lu nyian nahan.

Yeremia 44:27

Nenge, M ngu kuran ve sha u eren ve kwagh u bo, ka u dedoo ga; ior mba Yuda cii, mba ve lu ken tar u Igipiti ne, á tim ve sha sanker man sha ijen, zan zan je vea kar been.

Yeremia 5:3

TERE, ka mimi ashe Ou a keren gaa? U gbidye ve, kpa nyoon ve ga; U tim ve kera, kpa ve rumun mkôôm ga, ve taver ishiv vev je, hemba vande; ve venda u geman asema.

Ukwelegh 5:21

Hide a vese hen a We, TERE, tsô se hide hen a We; er sha ayange a tsuaa la nahan.

Esekiel 16:43

Sha ci u u umbur ayange a iyev ou ga, man u bamem sha akaa angan cii, sha ci u nahan yô, nenge, Mo kpaa me hire u a aeren a ou sha ityough you, kape Ter AÔNDO A kaa ne. U er ijimba u seer sha akaa a ou a ndôhôrshima cii la gaa?

Daniel 9:11

Iserael cii per atindi a Ou, ve kaha, ve kera wa imo You iko ga; ka nahan man i we se ifan, man mbum u i nger ken atindiakaa a Mose, ortom u Aôndo la, a ker se kpaa ye; gadia se er Un isholibo.

Hosea 7:10

Ihagh i Iserael ngi nan un ibo ken igbar je, nahan kpaa ve hide hen TER Aôndo ve ga, ve kera ker Un kpaa ga.

Hosea 7:14

Ve yilam sha ishima i môm ga, kpa mba ngoron sha ugambe vev; ve tôndo avav iyol ayol a ve sha ci u samuyia man wain u he; mba hendan a Mo.

Hosea 7:7

Ve cii, ve tsee er atse nahan, mba hian mbaajiriv vev kera, utor vev cii gba; mô ve môm ngu yilan Mo ga.

Luka 24:45

Tsô A bugh ve ishima sha u kaven icighanruamabera;

YOHANE 10:35

Aluer a yila mbala mba kwaghôron u Aôndo lu va her a ve la er mbaaôndo yô, man a fatyô u bunden icighanruamabera kpaa ga yô,

YOHANE 6:45

Ken uprofeti i nger er: Ve cii Aôndo Una tese ve. Hanma or u nan ongo kwagh shi nan hen kwagh hen Ter kpaa yô, nana va her a Mo.

YOHANE 8:32

man né fa mimi, mimi kpaa una pase ne una tuhwa.

Mbaefese 4:21

gayô ne ungwa kwagh Na shi i tese ne ken a Na er mimi a lu ken Yesu je yô.

Duteronomi 29:4

kpa zan zan hegen TER ngu a na ne ishima i kaven man ashe a nengen man ato a ungwan ga.

Yakobu 1:5

Aluer kwaghfan una yina mô wen yô, nana̱ sôn Aôndo u ka A na ior cii wuee, A kera kôhôn ashe ga la, tsô á na nan di je.