Daniel 8:8 - ICIGHAN BIBILO

⁸ Kpev shon la er akaavesen; zum u a hemba yô, zegekor la tôndo; sha ityough ki korough kura, akor agen anyiin a tseer tseer gema due, ver ishiv sha avegher a ahumbe a anyiin a Sha.

Daniel 8:8 Iomraidhean Croise

2 Kroniku 26:16

Kpa zum u a taver la yô, ishima gengese un, nahan a er kwaghbo, a per tindi u TER, Aôndo na; gadia a nyôr ken tempel u TER er una nande kwaghhumandoon sha atse a nanden kwaghhumandoon sha mi la.

Eseter 9:4

Gadia Mordekai lu shagbaor ken ya u tor, gwa u iti na samber sha uipaven mbala cii; gadia Mordekai shon la za hemen hemen a icivir.

Yeremia 49:36

Me va a ahumbe a anyiin a a dugh sha azongo a anyiin a Sha sha Elam, Me sambe ve sha ahumbe la cii; mba i zende ve ken Elam la, ma ikurior i vea za ker ga yô, ia lu ga.

Yeremia 5:27

Er keiji i i iv a inyon nahan, kape uya vev kpaa ve ngbough a icugh la; ka nahan ve gbe ikôr ve hingir mbanyarev kpaa ye.

Esekiel 16:7

M er u, u ngee iyenge er imendenev mbi ken toho nahan, u vese, u tav, u hia, u va atumba, ice you kpaa mende; nahan kpaa u lu idyelegh deleghee.

Esekiel 28:9

Nahan kpaa shi ú kaa wer: Mo m ngu aôndo, sha ishigh ki u a lu wuan we, er u lu or tsô u lu aôndo ga, sha ikev i u a lu gberen we avav la zee?

Daniel 11:4

Zum u una mough yô, tartor na ua gba, á pav u sha avegher a ahumbe a anyiin a Sha la, ua kera lu u tsombor na ga, tahav nav mbu a tem tor sha mi la kpaa mbua kera lu ga; gadia á wuhe tartor na kera, ua hingir u mbagenev, á kera lu mban ga.

Daniel 4:31

Er tor lu ôron kwagh ave la je, tsô, imo due Sha, kaa er: We, tor Nebukadinesar, ka we i ôr kwagh ne a we er: I dugh u tor ve.

Daniel 5:20

Kpa zum u a hii u moron iyol yô, man jijingi na kpaa cighir zan zan a hingir u eren kwagh sha ihagh yô, i dugh un sha ikônough nagh ki torough kera, man icivir na kpaa i ngohol i kera;

Daniel 7:2

Daniel ôr kwagh kaa er: M nenge ken mpase wam tugh; yô, nenge, ahumbe a anyiin a sha la, ve gbuusu zegemnger.

Daniel 7:6

Ken masejime ne yô, shi m nenge igen lu er anyam nahan, i lu a akper a inyon anyiin sha ijime i i, inyam la lu a ityouv inyiin; i na i tahav kpaa.

Daniel 8:22

Man er ku tende, man anyiin a gem a mende sha ityough ki ku la, ka ityartor inyiin ia mough ken ikurior la, kpa ia kera lu a agee na ga.

Daniel 8:5

Er m lu kenger yô, nenge, kpev due shin ityôtar va kar sha tar cii, kpa bende shin inya ga; kpev la lu a korough ku tser tser sha kungwa.

Daniel 8:7

M nenge a na, a va ikua ikua a nomiyôngo la, a gen ishima sha a na, a za ta sha nomiyôngo la, a sombo un akor ahar la; ma agee kera lu ken nomiyôngo la u tilen sha ishigh nagh ga; a ta un inya, a shoghol angahar sha mi; ma or lu a tahav u yiman nomiyôngo la sha ikev na ga.

Mateu 24:31

Man Una tindi mbatyomov Nav a ikpamkor i kaan hweng, vea kohol uicuwanmbaiorov Nav sha avegher anyiin á hii ken ikighir ingila.

Marku 13:27

Hen shighe la, Una tindi mbatyomov Nav vea kohol uicuwanmbaiorov Nav sha ahumbe a sha avegher anyiin la, hii shin ikighir i tar zan zan á ar sha ikighir i Sha.

Duteronomi 31:20

Gadia zum u Me va a ve ken tar u M bum a uter vev, tar u dumbur a atumbabua man iyough la, vea yaan, vea iden, vea kehen, nahan vea gema vea za hen mbaaôndo mbagenev vea civir ve, vea laham, vea vihi ikuryan Yam.

Mpase U Yohane 7:1

Ken masetyô u akaa ne yô, m nenge mbatyomov mba Shaav unyiin tile sha azongo a tar a anyiin la, ve kôr ahumbe a anyiin a sha tar la sha u ma ahumbe a̱ de pever shin tar ga, shin sha zegemnger kpaa ga, shin sha ma kon kpaa ga.