Daniel 8:27 - ICIGHAN BIBILO

²⁷ Tsô, mo Daniel m hume, m lu uange ayange kar; nahan m mough sha, m gba eren tor tom; kpiligh mo iyol, sha mpase u sha mnenge la, kpa ma or kav un ga.

Daniel 8:27 Iomraidhean Croise

Daniel 10:16

Yô, nenge, ugen u a bee or va bende ityumbuzwaagh yam; nahan m bugh zwa m ôr kwagh, m kaa a u a tile sha ishigh yagh la, mer: Terem, mpase u sha mnenge ne nam mnyoonom kôrom, m kera shi a ma agee ga.

Daniel 10:8

Nahan m mase shin tswen, tsô m nenge zegempase ne, ma agee kera lu ken a mo ga; gadia mluashe wam u dedoo gema hingir dang, m kera shi a ma agee ga.

Daniel 4:19

Tsô Daniel, u i yilan un er Belete-shasar la, tile ving, kondo un iyol, mbamhen nav cier un iyol. Nahan tor gema kaa er: We, Belete-shasar, de rumun mnyam shin mpase u ma a̱ cier we iyol ga. Belete-shasar gema kaa er: Terem, mnyam man ma̱ hide sha mba ve ker u ihom la, man mpase u ma kpaa sha mbaahendanev ou.

Daniel 5:14

M vande ungwan kwagh wou, er, jijingi u mbaaôndo a lu ken a we yô, man er i zua a iwanger man mkav man mfe u hemban ken a we kpaa yô.

Daniel 7:28

Ka mkur u kwagh shon ne je ne. Mo Daniel yô, mbamhen av tam mciem iyol kpishi, mluashe u ishigh yagh kpaa gema, kpa m koso kwagh shon ken ishima yam.

Daniel 8:17

Nahan a va hen ape m tile; er a va yô, cier mo iyol, m gure m kuma ityough inya; kpa a kaa a mo er: Kav, wan u or, gadia mpase u sha mnenge ne ka kwagh u sha shighe u mkur.

Daniel 8:2

M nenge ken mpase; zum u m nenge la yô, m lu ken Shushan garutya u ken tiôntar u Elam; m nenge ken mpase u sha mnenge, m lu hen kpe ifi u Ulai.

Daniel 8:7

M nenge a na, a va ikua ikua a nomiyôngo la, a gen ishima sha a na, a za ta sha nomiyôngo la, a sombo un akor ahar la; ma agee kera lu ken nomiyôngo la u tilen sha ishigh nagh ga; a ta un inya, a shoghol angahar sha mi; ma or lu a tahav u yiman nomiyôngo la sha ikev na ga.

Habaku 3:16

M ungwa, nahan ikav yav mbi ken atô zômon; sha ci u imo la, ityumbuzwaagh yam kunde; mhee nyôr ken akuhe am je, ikarikase gbidyem iyol hen pe m til la; nahan kpaa me lu ving me kegh iyange i ican sha u i̱ va sha ior mba ve nenge ityav a vese a akumautya la.

1 Samuel 3:15

Tsô Samuel yav zan zan sev av; nahan a bugh ihinda i iyou i TER. Samuel cia u ôron Eli mpase la.