Daniel 8:23 - ICIGHAN BIBILO

²³ Sha mkur u tartor ve la, zum u mbaaferev vea iv ikaren ve yô, tor u vihin ishigh sha, u fan ayom una mough.

Daniel 8:23 Iomraidhean Croise

Genese 15:16

Kov u sha unyiin la ua shi á hide hen ijiir ne; gadia ibo i Mbaamor ngi a iv ve ga.

Anzaakaa 1:6

Sha u kaven injakwagh man kwagh u tesen ikav, ka akaaôron a mbafankwagh kua mkaanem vem ma cimin je la.

Esekiel 38:16

wea va ta sha ior Av Iserael er ibeenegh ki ki cir tar nahan; kwagh ne una va er sha ayange a masetyô la; sha shighe la, Me va a we sha u u̱ va nôngo ityav a tar Wam sha u akuraior a̱ fam yô, zum u Me tese mtsegh Wam ken a we sha ashe ve la, we Gogi.

Esekiel 38:8

Ayange á va kar kera kpishi yô, á umbur we; ken anyom a masetyô yô, wea va ken tar u i ser u, u sanker lu vihi la, hen ior i i kohol ve ken akuraior kpishi, i va a ve sha iwo i Iserael, i i lu ice gbem la, kpa i due a ve ken akuraior, man ve cii vea tema bem bem.

Daniel 10:14

Hegen yô, m va sha u me na u ú kav kwagh u una va er ior ou sha ayange a masetyô yô, gadia mpase ne ngu sha kwagh u ayange a ken hemen ca.

Daniel 11:21

Orgen shi nana mough sha ityough nagh nana lu dangor u i ne nan icivir i tor ga; kpa nana va abur abur, nana va ngohol tartor sha zwanyohon.

Daniel 11:24

Una va abur abur hen ajiir a doon sule a ken tar la; una er akaa a uter nav je kpaa lu vande eren ga yô, shin uter mba uter nav je kpaa lu er ga yô; una kar ve ishar man akaa a i kor ken utya yô, man ikav; een, una hen mbamhen mba vihin sha ayouautya a taver, zan zan shighe á kar côhin.

Daniel 7:11

M lu kenger her sha ci u imo i akaaôron a vesen a korough kura lu ôron yô; er m lu kenger her yô, i wua inyam la, i tim iyol i i kera, i na i sha u i̱ nande i sha usu.

Daniel 7:20

man sha kwagh u akor pue a a lu sha ityough ki i, man korough kugenegh ku ku due sha man agen atar gba sha ishigh ki ku la; ka korough ku ku lu ashe man zwa u ôron uzegembaakaav, ku ku lu er ku hemba kehen a akar a ku la.

Daniel 7:25

Una ôr akaavihin sha Uhembansha, una er uicighanmbaiorov mba Uhembansha ican; una ver ishima u geman ashighe man atindi, man á na ve sha ikev na zan zan shighe môm man ashighe man vegher u shighe.

Daniel 7:8

Er m lu timen sha akor la, nenge korough kugenegh ku kiriki gema due ken a, i tsuwa akor atar a a vande lun la sha ishigh ki ku kera; man nenge, ashe lu sha korough kun er ashe a or nahan, man zwa u ôron uzegembaakaav kpaa.

Daniel 8:22

Man er ku tende, man anyiin a gem a mende sha ityough ki ku la, ka ityartor inyiin ia mough ken ikurior la, kpa ia kera lu a agee na ga.

Daniel 8:24

Tahav nav mbua vese, kpa á lu sha tahav nav iyol na ga; una tim kwagh kera je á cier iyol, ikôr ia lagh un; una tim mbaageev kera, kua uicighanmbaiorov kpaa.

Daniel 8:25

Sha atseregh a na la una na ayom aa za hemen sha ikev na; una kende iyol na sha ken ishima na, man una bur a bur ior kpishi una tim ve kera, shi una hendan a Tor u utor kpaa; kpa á sombo un, á kera lu sha ave a or ga.

Numeri 24:24

Kpa utso vea due ken Kitim, vea er Ashur ican, shi vea er Eber ican; un di kpaa una tim.

Mateu 23:32

Yô, gba ivin nen ikaren i uter enev tsô.

Duteronomi 28:50

ikurior i tsughur ishigh i i we orbeenyol iko ga, wanye kpaa i zungu nan mhôônom ga;

1 Mbatesalonika 2:16

Mba yangen se er se̱ de ôron kwagh a atôatyev sha er a̱ war ga, kape ve lu ivin asorabo a ve gbem je la, kpa ken masejime yô, iyugh va sha a ve.

1 Timoteu 4:1

Kpa Jijingi ngu kaan wanger wanger er: Sha ayange a masejime yô, mbagenev vea undu jighjigh u nan, vea ver ishima sha ujijingi mba tsughun ior man sha ityesen i ujijingi mba bov.

Mpase U Yohane 19:20

Tsô i kôr inyam la man shi profeti u aie la kpaa, un u a lu eren uivande sha ishigh ki inyam, a lu tsughun ior mba ve ngohol ikav i inyam la man shi mba ve civir eev mbu i la kpaa, i gbihi ve uhar cii uma ken berusu u a lu yeghen sha sulfur la.