Daniel 7:7 - ICIGHAN BIBILO

⁷ Ken masejime ne shi m nenge ken mbampase mba utuuv, yô, nenge, inyam i sha unyiin, i cier iyol, ta ihindi, man i taver iyol kpishi kpaa; lu a uzegembaanyiiv mba iyôôv; i ya kwagh i hembe avur avur, kwagh u a shi la i shoghol angahar a i sha mi; i lu kposo a inyam igen i i vande a i cii; man i lu a akor pue.

Daniel 7:7 Iomraidhean Croise

2 Samuel 22:43

Tsô m kume ve, ve hingir er vuulevu u hen inya nahan, m ndyar ve er angbiôr sha igbenda nahan, m sambe ve kera.

Yobu 41:14

Ka an nana bugh ihinda i ishigh nagha? Anyi a na a sha nongo nongo la, cier iyol.

Esekiel 40:2

Sha mbampase mba Aôndo, A za a mo ken tar u Iserael, A verem sha uwo u taven tsung, kwagh lu sha mi er ka gar nahan, vegher u ken imbusutariyan la.

Daniel 2:19

Tsô i pase Daniel kwaghmyer ne ken mpase u sha mnenge, tugh. Nahan Daniel wuese Aôndo u Sha,

Daniel 7:13

M nenge ken mbampase mba utuuv, yô, nenge Or gba van sha abeen a sha aôndo, lu er ka wan u or nahan, A va zan zan A va ar hen Or u tsan sha won la, i va a Na sha ishigh Nagh.

Daniel 7:2

Daniel ôr kwagh kaa er: M nenge ken mpase wam tugh; yô, nenge, ahumbe a anyiin a sha la, ve gbuusu zegemnger.

Daniel 8:10

A hingir zegenan zan zan a za ar sha akum a Sha; a pande akum a Sha, ka asan agen je la, a haa a shin inya, a shoghol angahar sha mi.

Daniel 8:22

Man er ku tende, man anyiin a gem a mende sha ityough ki ku la, ka ityartor inyiin ia mough ken ikurior la, kpa ia kera lu a agee na ga.

Sekaria 2:1

M kende ashe sha m kenger, yô, nenge, or lu a kor u karen kwagh a mi sha uwe.

Mpase U Yohane 12:3

Shi i nenge a ivande igen Sha, nenge, zegedarakon u nyian lu, lu a ityouv itiankarihiar man akor pue man sha ityouv itiankarihiar la yô, lu a ader a tor ataankarahar.

Mpase U Yohane 13:1

Tsô m nenge inyam due shin zegemnger lu a akor pue man ityouv itiankarihiar. Sha akor a i yô, ader a tor lu pue, sha ityouv mbi i yô, ati a uityuhwan lu.

Mpase U Yohane 17:12

Akor pue a u nenge a mi la yô, ka utor pue je la. Mba a ngohol tahav mbu tor ga, kpa vea ngohol tahav er utor nahan a inyam la imôngo á kuma ihwa i môm.

Mpase U Yohane 17:7

Tsô ortyom u Sha la kaa a mo er: Ka nyi kwagh ne a kpiligh we iyol nahana? Me pase u kwaghmyer u kwase ne man shi inyam i a hende, i lu a ityouv itiankarihiar man akor pue la.

Mpase U Yohane 17:8

Inyam i u nenge a mi la ngise lu kpa hegen kera ngi ga, ngi sôôn u duen shin ihungwa i i ze kweng la karen zan ken mtim. Mba ve tem shin tar, mba hii sha igbetar la je i nger ati a ve ken ruamabera u uma ga la, á kpiligh ve iyol a inyam la er ngise i lu kpa hegen i kera lu ga, kpa shi ia va lu la.