Daniel 7:4 - ICIGHAN BIBILO

⁴ I hiihii lu er begha nahan, i lu a akper a ugafa; er m lu kenger yô, i tsuwa i akper kera, man i tôô i hen inya i kende a i sha, i er i i tile sha angahar ahar er or nahan, man i na i ishima i or kpaa.

Daniel 7:4 Iomraidhean Croise

2 Samuel 1:23

Saulu vea Yonatan ka mbadoonshima man mbasarenior kpaa, sha ayange a ve lu uma la, man ken ku kpaa ve pav ga; ve hemba ugafa kpaver, shi ve hemba begha agee kpaa.

Yobu 25:6

man hire or, u nan lu ijôô, kua wan u or u nan lu anyigôô!

Upasalmi 9:20

Ta ve mciem iyol, TERE, atôatyev a̱ fa er a lu ior tsô yô. Sela.

Yeremia 25:38

A mough hen ijiir Na i yeren kera, er gumbegha nahan; gadia tar ve hingir ice sha ci u sanker u aperagh man sha ci u iyugh Na i tsung.

Yeremia 4:13

Nenge, ngu van er ka abeen yô, akekeautya na kpaa nga er hiar nahan; anyinya na wa kpaver hemba ugafa. Kpe ahii, se ne! mba timin se kera!

Yeremia 4:7

Begha due ken ikô na, man ortimin u akuraior, mough, a due hen ijiir na, sha u una gema tar wou u̱ hingir toho dang yô; á tim agar a ou kera, or á kera tema ker ga.

Yeremia 48:40

Gadia TER ngu kaan nahan er: Nenge, una purugh er gafa nahan, una samber akper sha u tan num sha Moabi.

Yeremia 49:19

Nenge, nana kôndo er begha u a dugh hen gborikô u Yordan sha u za tan num sha ijiir i ilev mbi ye toho her gbem yô; gadia Me zenda ve heregh kera fese, man wen u i tsough un la, Me ver un sha i; gadia ka an nan lu er Mo? Man ka anti je nana verem iyange? Man ka an nan lu orkuranilev u nana tile sha ishigh Yagha?

Ukwelegh 4:19

Mbatôvon se ityô ve zende fefa hemba ugafa mba purugh sha kwavaôndo, ve dondo se ijime sha iwo, ve kegh se ken taaikôngo.

Esekiel 17:3

kaa wer: Ter AÔNDO ngu kaan nahan er: Zegegafa a akper a vesen a lihen kpaa, mgbough a ingur iyol, i i nger anza kposo kposo yô, va hen Lebanon, va tôndo ityough ki kon u sedar;

Esekiel 28:2

Wan u or, kaa tor u Tiru wer: Ter AÔNDO ngu kaan nahan er: Sha ci u ishima you i te ihagh, man u kaa wer: Mo M ngu aôndo, m tema sha ijiir i Aôndo ken atô u zegemnger, nahan kpaa u ngu or tsô, u ngu aôndo ga, shin er u hen ken ishima you wer, u ngu er Aôndo nahan kpaa—

Esekiel 28:9

Nahan kpaa shi ú kaa wer: Mo m ngu aôndo, sha ishigh ki u a lu wuan we, er u lu or tsô u lu aôndo ga, sha ikev i u a lu gberen we avav la zee?

Daniel 2:38

man hanma ijiir ape ior ve tem cii kua inyamtoho man inyon i sha kpaa, A na sha ikev you er u̱ tema tor sha ve cii; ka we je u lu ityough ki sha zenaria la ye.

Daniel 4:36

Hen shighe la je, mfe wam hide her a mo; icivir i tartor wam, shagba wam, man iengem yam gema hide her a mo; mbawasen mo mhen man mbatarev av kpaa kerem ityô, va her a mo; i taver tartor wam her, man i seer mo ivesen tsung.

Daniel 7:12

Inyam i i shi la yô, i ngohol i tahav kera; kpa i de i i̱ hira lu uma her shighe kar.

Daniel 7:5

Man shi nenge inyam igen, i sha uhar, lu er dwem nahan, i kende vegher u môm sha, i nyuma ahan atar ken zwa u i sha anyi; i kaa a i er: Mough sha, ya inyam kpishi.

Mateu 24:28

Henpe gundukwagh a lu yô, ka her mbaapu vea kohol ye.

Duteronomi 28:49

TER Una va a ikurior igen ken ica, ia kôr u ihom, ia due ken ikighir i tar, er iguve ka i purugh nahan; ikurior i ú ungwa zwa u i ga je;

Mpase U Yohane 13:2

Inyam shon i m nenge a mi la yô, i lu er ka anyam nahan, angahar a i lu er a dwem nahan, man zwa u i lu er zwa u begha nahan. Darakon gema na i agee a na man shi ikônough nagh ki torough man shi tahav mbu vesen kpaa.