Daniel 7:27 - ICIGHAN BIBILO

²⁷ Á gema tartor man mtemtor man ivesen i ityartor i sha won cii, á na nongo u icighanmbaiorov mba Uhembansha; tartor ve ka tartor u tsôron, man ityahav cii mbia er ve tom, mbia ungwa ve.

Daniel 7:27 Iomraidhean Croise

Upasalmi 145:13

Tartor Wou ka icôrontartor je, Ú tema tor Wou sha ikov ikov cii.

Upasalmi 22:27

Akighir a tar cii aa umbur, aa gema aa rumun TER; icombor i akuraior cii ia gure sha ishigh You ia civir We;

Upasalmi 72:11

Utor cii vea gure un inya; akuraior cii aa er un tom.

Upasalmi 86:9

Tere, akuraior a U er cii, aa va, aa va gure U inya, aa civir iti You kpaa.

Yesaia 14:2

Akuraior a sha won aa kua a ve aa yem a ve ken tar ve; ya u Iserael kpaa una ya dyako sha ve ken tar u TER, vea hingir ve ikpan i nomso man i ukase, vea kôr mba ngise ve kôr ve la, vea tema tor sha mba ngise ve kighir ve la.

Yesaia 54:3

Gadia ú samber ken iyan kua ken imese kpaa; ka vor wou je ua tema tor sha akuraior ye, agar a i hembe a kera kpaa, ú na ior vea tema ker.

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Daniel 4:34

Tsô er ayange kar kera yô, mo Nebukadinesar m kende ashe am Sha, tsô mfe wam hide her a mo, m wuese Uhembansha, m sugh Un, shi m civir Un u A lu uma gbem sha won yô; mtemtor Na ka u tsôron gbem man tartor Na kpaa ka u sha ikov ikov cii;

Daniel 6:26

M ngu wan tindi mer: Sha ajiir a i lu tartor wam cii, ior ve̱ gbidye ikarikase iyol, ve̱ cia sha ishigh ki Aôndo u Daniel; gadia ka Un A lu Aôndo u uma, u lun gbem sha won ye, tartor Na kpaa ka u timin ga, man tahav Nav mbua lu zan zan mkur je.

Daniel 7:14

I na Un tor sha won cii man icivir man tartor, sha u ior man akuraior man ijô cii ve̱ er Un tom; mtemtor Na ka mtemtor u tsôron, u una kar kera mayange ga, man tartor Na kpaa ka u timin kera mayange ga.

Daniel 7:18

Kpa uicighanmbaiorov mba Uhembansha vea ngohol tartor, man vea ya tor gbem, een, gbem sha won.

Daniel 7:22

zan zan Or u tsan sha won la za va, man i na uicighanmbaiorov mba Uhembansha ishô sha ijirôron; man shighe kuma u uicighanmbaiorov ve̱ ya dyako u tartor la.

Obadia 1:21

Mbayiman vea unde sha uwo u Shion sha u ôron uwo u Isou ijir; nahan tartor ua hingir u TER.

Sekaria 14:9

TER Una tema tor sha tar cii; sha iyange la TER Una lu môm man iti Na kpaa ia lu i môm.

Luka 1:33

Una lu tor ken ya u Yakob gbem sha won; tartor Na kpaa ua bee mayange ga.

YOHANE 12:34

Tsô ikpelaior gema kaa a Na er: Se ungwa ken atindi er Kristu Una lu gbem; man er nan U kaan Wer, á kende Wan u or sha kenge? Wan u or la ka ana?

1 Mbakorinte 15:24

u cirin yô, ka mkur zum u Una gema tartor Una na Aôndo Ter, er A vande timin tarkuran cii kera man tahav kua agee cii kpaa.

Mpase U Yohane 11:1

Nahan i nam iyiagh ki karen kwagh a mi, ki lu er ka gbough nahan. I kaa a mo er: Mough sha, kar tempel u Aôndo man atse a nanden nagh sha mi, man mba ve lu civir Aôndo kimi la kpaa.

Mpase U Yohane 11:15

Ortyom u Sha u sha utaankaruhar kpaa tôngo, tsô i ungwa uzegembaamoov Sha, ve kaa er: Tartor u shin tar hingir u Ter wase man u Kristu Na ve, Una tema tor gbem sha won.

Mpase U Yohane 17:14

Vea nôngo ityav a Waniyôngo kpa Waniyôngo Una hemba ve kua mba ve lu a Na imôngo la, ka mba i yer ve, i tsough ve, ve lu jighjigh la, gadia Un ka Ter u uter man Tor u utor kpaa.

Mpase U Yohane 19:16

I nger iti sha riga Na man sha namegh Nagh er: Tor u utor man Ter u uter.

Mpase U Yohane 20:4

Tsô m nenge mkônom ma torom, ior tema sha mi, i na ve ijir i ôron sha ikev. Shi m nenge uuma mba ior mba i gber ve ityough sha ci u shiada u Yesu man sha ci u mkaanem ma Aôndo la, ka mba ve civir inyam la ga shin eev mbu i kpaa ga, ve ngohol ikav i i sha atsul a ve ga, shin sha ave a ve kpaa ga. Ve nder ve tema tor a Kristu imôngo kuma anyom dubu je.

Mpase U Yohane 22:5

Tugh mbua kera ile ga, kwagh una kera gba ve a iwanger i imenger shin iyange kpaa ga, gadia Ter Aôndo Una ta iwanger sha a ve, vea tema tor gbem sha won.