Daniel 7:20 - ICIGHAN BIBILO

²⁰ man sha kwagh u akor pue a a lu sha ityough ki i, man korough kugenegh ku ku due sha man agen atar gba sha ishigh ki ku la; ka korough ku ku lu ashe man zwa u ôron uzegembaakaav, ku ku lu er ku hemba kehen a akar a ku la.

Daniel 7:20 Iomraidhean Croise

Daniel 7:11

M lu kenger her sha ci u imo i akaaôron a vesen a korough kura lu ôron yô; er m lu kenger her yô, i wua inyam la, i tim iyol i i kera, i na i sha u i̱ nande i sha usu.

Daniel 7:19

Nahan sarem pe fan kwagh u inyam i sha unyiin, i i lu kposo a igen cii, i i cier iyol yum la, i anyi a i lu iyôgh man akughul a i lu togula, i ka i ya kwagh i hembe avur avur, man kwagh u a shi la i shoghol angahar a i sha mi la;

Daniel 7:21

M nenge korough kun, ku nôngo ityav a uicighanmbaiorov, ku hemba ve;

Daniel 7:23

A kaa nahan er: Inyam i sha unyiin la, ia lu tartor u sha unyiin sha tar, u ua lu kposo a ityartor igen cii, ua vihitar cii, ua ndyar u, ua her u avur avur.

Daniel 7:7

Ken masejime ne shi m nenge ken mbampase mba utuuv, yô, nenge, inyam i sha unyiin, i cier iyol, ta ihindi, man i taver iyol kpishi kpaa; lu a uzegembaanyiiv mba iyôôv; i ya kwagh i hembe avur avur, kwagh u a shi la i shoghol angahar a i sha mi; i lu kposo a inyam igen i i vande a i cii; man i lu a akor pue.

Daniel 7:8

Er m lu timen sha akor la, nenge korough kugenegh ku kiriki gema due ken a, i tsuwa akor atar a a vande lun la sha ishigh ki ku kera; man nenge, ashe lu sha korough kun er ashe a or nahan, man zwa u ôron uzegembaakaav kpaa.

Mpase U Yohane 12:3

Shi i nenge a ivande igen Sha, nenge, zegedarakon u nyian lu, lu a ityouv itiankarihiar man akor pue man sha ityouv itiankarihiar la yô, lu a ader a tor ataankarahar.