Daniel 7:14 - ICIGHAN BIBILO

¹⁴ I na Un tor sha won cii man icivir man tartor, sha u ior man akuraior man ijô cii ve̱ er Un tom; mtemtor Na ka mtemtor u tsôron, u una kar kera mayange ga, man tartor Na kpaa ka u timin kera mayange ga.

Daniel 7:14 Iomraidhean Croise

Upasalmi 102:22

zum u ior cii kua akuraior, vea kohol ijiir i môm sha u civir TER la yô.

Upasalmi 103:19

TER ver ikônough Nagh ki torough dong sha Usha, tartor Na kpaa ngu sha won cii.

Upasalmi 145:13

Tartor Wou ka icôrontartor je, Ú tema tor Wou sha ikov ikov cii.

Upasalmi 146:10

TER Una tema tor gbem sha won. Shion, Aôndo wou ngu sha ikov ikov je. Haleluya.

Upasalmi 45:6

Aôndo, ikônough You ki torough ki gbem sha won, tôgh ku tartor Wou ka ku perapera je,

Upasalmi 72:11

Utor cii vea gure un inya; akuraior cii aa er un tom.

Upasalmi 72:17

Iti na i̱ lu gbem sha won, iti na i̱ samber er iyange i lu her ne, ior ve̱ ver ayol a ve doo doo ken a na, ve̱ wuese un er ka or u sar sar.

Upasalmi 8:6

U ver nan Wer, nana̱ tema tor sha ityom i ave Ou; U wa nan akaa cii sha ikev:

Yesaia 16:5

zum la á tar ikônough ki torough sha erdoo man orgen nana tema sha mi sha jighjigh, ken tenti u Davidi, u nana ôr ijir, nana keren mimi man nana eren kwagh sha perapera fefa je.

Yesaia 60:12

Gadia ikurior vea tartor u ua er u tom ga yô, vea saa ishe, akuraior ngara á tim a purututu.

Yesaia 9:6

Gadia i mar se Wan, i na se Wan u nomso; tarkuran ngu sha vandegh Nagh; mba yer iti Na er: Orwasenmhen u Kpilighyol, Aôndo u Ageegh, Ter u Tsôron, Wantor u Bem.

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Daniel 2:35

Tsô hen shighe la je, i hembe iyôgh ki iligh man inyatyuu man togula man azurfa man zenaria cii, hingir er ka imough i sha vande u gbidyen iyiagh inyom yô; ahumbe purugh a mi kera, je avindigh a i tsô kpaa kera lu ga, man iwen i i te sha eev mbula gema hingir zegewo, iv tar cii.

Daniel 2:37

We tor, u ngu tor u utor je, ka Aôndo u Sha A ne u tor, man tahav man agee man icivir ye,

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Daniel 3:4

Tsô oryôôn genger imo, kaa er: I wa ne tindi, ne ior man akuraior man ijô,

Daniel 4:3

Uivande Nav vese je! Akaakpilighyol a Na kpaa cier iyol; tartor Na ka tartor u tsôron gbem, tahav Nav kpaa mbu sha ikov ikov!

Daniel 6:26

M ngu wan tindi mer: Sha ajiir a i lu tartor wam cii, ior ve̱ gbidye ikarikase iyol, ve̱ cia sha ishigh ki Aôndo u Daniel; gadia ka Un A lu Aôndo u uma, u lun gbem sha won ye, tartor Na kpaa ka u timin ga, man tahav Nav mbua lu zan zan mkur je.

Daniel 7:18

Kpa uicighanmbaiorov mba Uhembansha vea ngohol tartor, man vea ya tor gbem, een, gbem sha won.

Daniel 7:27

Á gema tartor man mtemtor man ivesen i ityartor i sha won cii, á na nongo u icighanmbaiorov mba Uhembansha; tartor ve ka tartor u tsôron, man ityahav cii mbia er ve tom, mbia ungwa ve.

Obadia 1:21

Mbayiman vea unde sha uwo u Shion sha u ôron uwo u Isou ijir; nahan tartor ua hingir u TER.

Mika 4:7

Mbakeer la, Me de ve vea lu asande a ior her, man mba i yem a ve kera ca la kpaa, vea hingir ikurior i ageegh; man TER Una tema tor sha a ve sha uwo u Shion, hii hegen je zan zan gbem sha won.

Mateu 11:27

Akaa cii Terem gema a, wam sha ikev, man shi ma or fa Wan ga, saa Ter tseegh, man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

Mateu 28:18

Tsô Yesu va va ôr kwagh a ve, kaa er: Tahav mbu Sha man mbu sha won cii i wam sha ikev.

Luka 1:33

Una lu tor ken ya u Yakob gbem sha won; tartor Na kpaa ua bee mayange ga.

Luka 10:22

Akaa cii Ter gema a wam sha ikev; man shi ma or fa Wan ga, saa Ter tseegh; man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

YOHANE 12:34

Tsô ikpelaior gema kaa a Na er: Se ungwa ken atindi er Kristu Una lu gbem; man er nan U kaan Wer, á kende Wan u or sha kenge? Wan u or la ka ana?

YOHANE 3:35

Wan doo Ter ishima, nahan A na akaa cii sha ikev Na.

Mbaheberu 12:28

Nahan yô, se ember nen er se ngohol tartor u u lu u tenger ga yô, ka nahan man sé er Aôndo tom u u doo Un ye, sha mcieaôndo man iyol i sulen.

1 Peteru 3:22

A yem Sha, ngu ken uwegh ku yanegh ku Aôndo, i gema mbatyomov mba Shaav man tahav kua agee i wa Un sha ikev.

Mpase U Yohane 1:6

man A gema se er se̱ hingir tartor, se̱ hingir upristi sha ci u Aôndo Na man Ter Na her kpaa. Un yô, iengem i̱ lu i Na kua tahav kpaa gbem sha won. Amen.

Mpase U Yohane 11:15

Ortyom u Sha u sha utaankaruhar kpaa tôngo, tsô i ungwa uzegembaamoov Sha, ve kaa er: Tartor u shin tar hingir u Ter wase man u Kristu Na ve, Una tema tor gbem sha won.

Mpase U Yohane 17:14

Vea nôngo ityav a Waniyôngo kpa Waniyôngo Una hemba ve kua mba ve lu a Na imôngo la, ka mba i yer ve, i tsough ve, ve lu jighjigh la, gadia Un ka Ter u uter man Tor u utor kpaa.

Mpase U Yohane 3:21

Or u nan hembe yô, Me na nana tema a Mo imôngo sha ikônough Yagh ki torough di er Mo kpaa M hembe man M tem a Terem imôngo sha ikônough Nagh ki torough nahan.