Daniel 7:10 - ICIGHAN BIBILO

¹⁰ Ifi u usu due gba kuwan sha ishigh nagh; ior udubu dubu lu eren Un tom, man dubu pue kwa dubu pue tile sha ishigh Nagh; i tema ijirôron man i bugh uruamabera.

Daniel 7:10 Iomraidhean Croise

1 Utor 22:19

Shi a kaa er: Nahan yô, ungwa ase imo i TER; m nenge TER tema sha ikônough Nagh ki torough, akum a Sha cii tile Un ken uwegh ku yanegh kua ku imesegh kpaa.

2 Kroniku 18:18

Shi a kaa er: Nahan yô, ungwa ase imo i TER; m nenge TER tema sha ikônough Nagh ki torough, akum a Sha cii tile Un ken uwegh ku yanegh kua ku imesegh kpaa.

Yobu 25:3

Akumautya a Na nga a ikighir je kpa? Man ka an je iwanger Na i de wanger sha nan ga?

Upasalmi 103:21

Wuese nen TER, ne akum a Na a Sha cii, ne mbatomov Nav, mba ne eren sha ishima Na yô.

Upasalmi 18:8

Mnyim due Un ken ahenga, kôndo sha; usu due ken zwa Na, hia je, aka kpaa kôr usu sha u.

Upasalmi 50:3

Aôndo wase ngu van Una huan ving ga; usu ngu hian sha ishigh Nagh, uraahumbe kase Un kpishi.

Upasalmi 68:17

Akekeanyinya a Aôndo nga udubu ikundu je, een, udubu kwa udubu; Ter ngu ken atô u a, ka Senai ken icighanjiir.

Yesaia 30:27

Nenge, ka ken ica, iti i TER i dugh ye, iyugh Na ngi hian, mnyim ma kôrkôr ma kôndon sha; ityumbuzwaagh Na mgbough a iyugh, man nombor Na ngu er usu u hian nahan;

Yesaia 30:33

Gadia i vande sôron Tofeti ngise je; i sôr un sha ci u utor kpaa; A er un a za man a gbanger kuma sha ci u usu man ikon kpishi je; iôôn i TER ngi er ka ikuwan i sulfur nahan, ngi tsaren un.

Daniel 12:1

Hen shighe la Mikael, ortaregh u a nengen sha ônov mba nongo wou la, una mough á tile sha; ican ia er sha shighe la, imba i i lu a er mayange ga yô, hii sha shighe u ikurior i lu sha won, zan zan ar hen shighe ne; hen shighe la, á yima ior ou, hanma or u i nger nan ken ruamabera yô.

Daniel 7:22

zan zan Or u tsan sha won la za va, man i na uicighanmbaiorov mba Uhembansha ishô sha ijirôron; man shighe kuma u uicighanmbaiorov ve̱ ya dyako u tartor la.

Daniel 7:26

Kpa á ôr ijir man á ngohol un tor kera, á tim un kera, kwagh na una bee sha won.

Sekaria 14:5

Nea yevese nea kar shin pev u iwo Yam; gadia pev u iwo la una ar hen Asel je; nea yevese er lu ne yevese mtenger u tar sha ayange a Ushia tor u Yuda la nahan; tsô TER Aôndo Wam Una va a uicighan Nav cii.

Mateu 25:31

Kpa zum u Wan u or Una va sha iengem Na a mbatyomov mba Shaav cii a Na imôngo yô, zum la Una tema sha ikônough Nagh ki torough ki engem la;

Duteronomi 33:2

a kaa er: TER due hen Senai va, A mough hen Seir, A za her a ve; A ta iwanger sha uwo u Paran, A mough hen uicighanmbaiorov dubu pue; usu lu yeghen sha uwegh Nagh ku yanegh.

Mbaheberu 1:14

Ve cii, kera ka ujijingi mba eren tom mba ka i tindin ve u za wasen mba vea ya dyako u myom la gaa?

Mbaheberu 12:22

Kpa ne mgbôghom a uwo u Shion man hen gar u Aôndo u uma, ka Yerusalem u Sha je la man ikpela i mbatyomov mba Shaav ngee gande u ôron, mba ve lu eren iniongo,

Yuda 1:14

Heno u a lu kov u sha utaankaruhar hii sha Adam la kpaa, ôr kwaghôron u profeti sha kwagh u mban, a kaa er: Ter va a uicighan Nav udubu udubu,

Mpase U Yohane 11:18

Akuraior yuwe kpa iyugh You gema va man shi shighe u á ôr mbakpenev ijir, man shighe u á na mbatomov Ou injar, ka uprofeti man uicighanmbaiorov, man mba ve cie iti You, mbavesen kua mbakiriki la, man shi shighe u á tim mba ve lu vihin tar la kpaa.

Mpase U Yohane 5:11

Tsô m nenge, nahan m ungwa imo i mbatyomov mba Shaav kpishi ve kase ikônough ki torough kila man akaauma la man mbatamen mbala. Iyenge ve lu dubu pue kwa dubu pue man udubu kwa dubu;