Daniel 7:1 - ICIGHAN BIBILO

¹ Sha inyom i hiihii i Beleshasar tor u Babilon la, mnyam cie Daniel, a nenge mbampase er a yav sha gambe na yô; nahan a nger mnyam mara, a ôr homonkwagh u ma.

Daniel 7:1 Iomraidhean Croise

Genese 15:1

Ken masetyô u akaa ne yô, mkaanem ma TER va hen Aberam sha mpase u sha mnenge er: De cie ga Aberam, Mo M ngu u perutya, injar you kpaa ia vese kpishi.

Genese 46:2

Aôndo ôr kwagh a Iserael sha mbampase tugh. A yila er: Yakob! Yakob! A rumun er: Een.

Yobu 4:13

ken mbamhen mba ve dugh sha akaa a i nengen a ken mnya tugh, zum u mnyam ka ma kôr ior yum la,

Yesaia 30:8

Yem ase, za nger kwagh ne sha kpande sha ishigh vegh, shi nger un ken ruamabera kpaa, a̱ lu sha ci u ayange a ken hemen gbem sha won.

Yesaia 8:1

TER shi kaa a mo er: Tôô zegekpande, nger sha mi sha pensel u or wer: Maher-shalal-hashi-bashi (hegen, hegen je, ishar i yan, fefa je, msar)

Yeremia 23:28

Profeti u a lu a mnyam ma cien yô, a̱ ôr ase mnyam shi un di u a lu a kwaghôron Wam kpaa, a̱ ôr kwaghôron Wam sha mimi. Adenga alakema kuma sha alakema je kpa? Kape TER A kaa ne.

Yeremia 27:7

Akuraior cii aa eren ishima na, kua wan na man wan u wan na kpaa, zan zan shighe u tar na iyol na kpaa una va kuma; nahan akuraior a ageegh man utor mba tamen vea gema un, una hingir sha ikev ve.

Yeremia 36:32

Nahan Yeremia tôô ihurenruamabera ugen, na orngeren Baruki wan u Neria, wen gema nger akaaôron a ken ruamabera u Yehoyakim tor u Yuda nande sha usu la cii ker sha zwa u Yeremia, shi a seer akaaôron agen sha mi kpishi a sha inja i angara.

Yeremia 36:4

Tsô Yeremia yila Baruki wan u Neria; nahan Baruki nger akaaôron a TER, a A ôr un la cii, ken ihurenruamabera sha zwa u Yeremia.

Esekiel 1:1

Tsô sha inyom i sha ikundugber, uwer u sha unyiin, ayange a u ataan la, er m lu ken mbakwarev hen kpeifi u Cebar yô, i bugh Sha man m nenge mbampase mba Aôndo.

Esekiel 40:2

Sha mbampase mba Aôndo, A za a mo ken tar u Iserael, A verem sha uwo u taven tsung, kwagh lu sha mi er ka gar nahan, vegher u ken imbusutariyan la.

Daniel 1:17

Mbayevikaior mba unyiin mban, Aôndo na ve kwaghfan man mfe sha hanma takerada man hanma gbenda u mfe cii; man Daniel lu a mkav u mbampase mba sha mnenge man u mnyam ma cien kpaa.

Daniel 2:1

Sha inyom i sha uhar i mtemtor u Nebukadinesar la yô, mnyam cie Nebukadinesar, nahan nzughul un ken ishima, tôndo un mnyam kpaa.

Daniel 2:26

Tor gema kaa a Daniel, u i yilan un er Belete-shasar la er: U fatyô u pasen mo mnyam ma, m nenge la, man inja i ma?

Daniel 4:13

M nenge ken mbampase mba sha mnenge mba m nenge a mi sha gambe wam la, yô, nenge, icighanor, ka orkuran je la, sen Sha.

Daniel 4:5

Mnyam ciem, ma cier mo iyol; mhen wam u sha gambe, man mbampase mba sha mnenge mba m nenge a mi la tam mciem iyol.

Daniel 5:1

Tor Beleshasar er zegeiniongo sha ci u mbatarev nav dubu môm, a ma wain sha ishigh ki ior mba ve lu dubu la.

Daniel 5:22

Man we wan na, Beleshasar, u hide a ishima you ijime ga, shin er u fe akaa ne nahan kpaa.

Daniel 5:30

Hen tugh mbula je, i wua Beleshasar tor u Mbakaldi. Dariu or u Media gema ngohol

Daniel 7:13

M nenge ken mbampase mba utuuv, yô, nenge Or gba van sha abeen a sha aôndo, lu er ka wan u or nahan, A va zan zan A va ar hen Or u tsan sha won la, i va a Na sha ishigh Nagh.

Daniel 7:15

Mo Daniel yô, jijingi wam a ure ken atô u iyol yam, mbampase mba m nenge a mi tam mciem iyol.

Daniel 7:7

Ken masejime ne shi m nenge ken mbampase mba utuuv, yô, nenge, inyam i sha unyiin, i cier iyol, ta ihindi, man i taver iyol kpishi kpaa; lu a uzegembaanyiiv mba iyôôv; i ya kwagh i hembe avur avur, kwagh u a shi la i shoghol angahar a i sha mi; i lu kposo a inyam igen i i vande a i cii; man i lu a akor pue.

Daniel 8:1

Sha inyom i sha utar i mtemtor u Beleshasar la, mpase u sha mnenge ugen ande her a mo, mo Daniel, er ugen vande anden her a mo kera la.

Yoel 2:28

Tsô sha ayange a masetyô la, Me haa Jijingi Wam sha uumace cii; ônov enev mba nomso man mba kasev vea ôron kwaghôron u profeti, mnyam maa cie mbatamen enev, ikaior yen ia nenge mbampase mba sha mnenge;

Amoshi 3:7

Mimi je TER Una gba eren ma kwagh môm ga saa Una vande pasen kwaghmyer Na la hen mbatomov Nav, uprofeti ve.

Habaku 2:2

TER gema kaa a mo er: Nger mpase la a̱ due wanger wanger, sha i kpande, sha er or nana karen kpaa, nana ôr yô.

Numeri 12:6

A kaa er: Ungwa nen imo Yam yôô; aluer profeti a lu ken a ven yô, Mo TER Me pase iyol Yam her a na sha mpase u nengen a nenge a mi, Me ôr kwagh a na ken mnyam ma cien.

Mbaromanu 15:4

Gadia akaa a i vande ngeren la cii ka sha ci u ityesen yase lu i nger a ye, lu sha u se̱ lu a ishimaverenkeghen sha ishimawan man ishimasurun i ken icighanruamabera la.

2 Mbakorinte 12:1

Ka u tan ihagh keng, nahan kpaa ka a inja ga, kpa me za ar sha akaa a nengen a mi sha ashe kua mbampase mba Ter kpaa.

Mpase U Yohane 1:19

Nahan nger akaa a u nenge a mi yô, a a lu hegen man a aa va er ken hemen la kpaa.

Mpase U Yohane 10:4

Er idyuran i itiankarihiar la dura yô, m wa iyol u ngeren, kpa m ungwa imo due Sha kaa er: Cir kwagh u idyuran i itiankarihiar la i kaa la, ver ikav sha mi, de ngeren ga.