Daniel 6:8 - ICIGHAN BIBILO

⁸ Hegen yô, tor, yange kwagh ne taveraa, man wa uwegh sha u i̱ de gem un ga, a̱ lu sha inja i tindi u Mbamedia man Mbapershia u a gem mayange ga la nahan.

Daniel 6:8 Iomraidhean Croise

Eseter 1:19

Aluer tor a nenge a doo un nahan yô, tindi a̱ due hen tor, man i̱ nger un ken atindi a Mbapershia man Mbamedia, sha u i̱ de gem un ga, er Vaseti a̱ de kera shi ve sha ishigh ki tor Ahasueru mayange ga; man shi tor a̱ gema icivir na la, a̱ na kwase ugen u nan hembe un yô.

Eseter 3:12

Nahan i yila mbangeren mba tor sha uwer u hiihii ayange a u pue kar utar la, nahan i nger akaa a Haman kaa la cii, i tindi hen mbatarev mba tor, man hen ungomna mba ve lu sha hanma ipaven kua hen atiator a hanma ikurior kpaa, hen hanma ipaven sha mnger na, man hen hanma ikurior kpaa sha zwa u i; ka ken iti i tor Ahasueru i nger a ye, shi i ver ikav sha mi, sha kunya u tor kpaa.

Eseter 8:10

Tsô a nger ken iti i tor Ahasueru, a ver ikav sha mi sha kunya u tor, a tindi uwashika sha ikev i mbatyomov mba hendan anyinya a tor a yevese tsung, a i mar a hen ya u tor la;

Eseter 8:3

Tsô Eseter shi ôr kwagh a tor, a gba un hen angahar, a zamber a na a mliam ashe je, er, a̱ bunde kwaghbo u Haman, Oragagu la, man kwagh u a hen sha Mbayuda la.

Eseter 8:8

Yô, gba ngeren nen Mbayuda kwagh u a doo ne ken iti i tor tsô, ver nen ikav i tor sha mi; gadia kwaghngeren u i nger ken iti i tor man i ver un ikav sha kunya u tor yô, ma or nana fatyô u bunden un ga.

Upasalmi 94:21

Ve zua sha u tan num sha uma u orperapera, ve na orishôôgh ibo.

Yesaia 10:1

Kwagh á tser mba ve we atindi a ifer, kua mbangeren mba ve nger akaavihin,

Daniel 5:28

PERESE: I pav tartor wou i na Mbamedia man Mbapershia.

Daniel 6:12

Nahan ve va, ve ôr kwagh a tor sha kwagh u icin i tan i tor la er: U wa uwegh sha icintan ne wer: Hanma or u nana sôn kwagh hen ma aôndo shin ma or ken ayange a ikundugber ne, á kera lu hen we ga yô, á gbihi nan shin ihungwa i ubegha gaa? Tor gema kaa er: Ka kwagh u bunden ga, sha inja i tindi u Mbamedia man Mbapershia, u a gem mayange ga yô.

Daniel 6:15

Nahan ior mbala va zua hen tor, ve kaa a tor er: Fa, tor, ka tindi u Mbamedia man Mbapershia er ma icin i tan shin tindi u tor a we yô, á kera gema un mayange ga.

Mateu 24:35

Sha man tar vea kar kera, kpa akaaôron Am yô, aa kar kera mayange ga.