Daniel 6:4 - ICIGHAN BIBILO

⁴ Tsô mbahemenev man mbatarev lu keren u zuan a ityôkwagh i bo sha Daniel sha kwagh u tartor la, kpaa ve zua a ityôikaa i bo shin ifer kpaa ga; gadia a lu ormimi je, man i zua a ma mtsum shin ifer ken a na kpaa ga.

Daniel 6:4 Iomraidhean Croise

Genese 41:38

Farao kaa a mbatomov nav er: Se fatyô u zuan a or u Jijingi u Aôndo A lu ken a nan er or ne nahan kpa?

Genese 43:18

Ior mbala gba cian sha er i nyer a ve ken ya u Yosev yô; ve kaa er: Ka sha ci u inyaregh ki iyange i hide se a mi ken aba ase la je, i nyer a vese sha u una wa ile sha a vese, una ta num, sha a vese, una gema se, se̱ hingir ikpan a ujaki asev cii.

Anzaakaa 29:27

Or u nan lu a mimi ga yô, nan ngu mbaperapera kwagh u ndôhôrshima, or u nan zenden jighilaa di kpaa nan ngu aferaior kwagh u ndôhôrshima.

Orpasenkwagh 4:4

Tsô m gema m nenge tom u ican cii, man hanma tom u i er u u hembe doon yô, i lu sha iwuhe i lu eren u ye. Kwagh ne kpaa ka gbilinkwagh man ka u zendan di ahumbe ityô tsô.

Yeremia 18:18

Tsô ve kaa er: Va, sé hen nen kwagh u sé er Yeremia yô; gadia atindiakaa aa bee hen pristi ga, mhen kpaa una bee hen orfankwagh ga, kwaghôron kpaa una bee hen profeti ga. Va, sé za vihi nen un sha nombor; sé kera ver nen ishima sha ma kwaghôron na môm môm ga.

Yeremia 18:23

Nahan kpaa, We, TERE, U fa mhen ve u ve hen sha u wuan mo la cii; de deen iferkwagh ve ga, man shi de esen isholibo ve kera sha ishigh You kpaa ga, ve gba sha ishigh You; er a ve sha ishima You, sha shighe u Ú yugh yô.

Yeremia 20:10

Gadia m ungwa mkese u ior kpishi, mcieryol kase tser! Wa un akaa iyol, se kpaa sé wa un akaa iyol. Ior mba m lu a ve doo doo cii mba veren ashe er m̱ nôngo gbev; Adooga una tumbul, nahan sé hemba un, sé or un iyev.

Yeremia 29:7

Ker nen bem u gar u M ne i yem a ven uikangen ker la, sôn nen TER sha ci na; gadia ka sha bem na, ne kpaa né zua a bem ye.

Daniel 3:8

Tsô, hen shighe la je, Mbakaldi mbagenev va, va yila Mbayuda ijir.

Daniel 5:12

Gadia i zua a jijingi u hemban, man mfe man mkav, man u fan u pasen mnyam, man u pasen ukyikya, man u been akpelan, ken Daniel u tor ii un iti er Belete-shasar la. Yô, i̱ yila Daniel, tsô una pase inja i i.

Daniel 6:22

Aôndo wam tindi ortyom Na, va cir ubegha ijô, ve erem ma kwagh u vihin ga; gadia i zuam a ibo sha ishigh Nagh ga; sha ishigh you kpaa, tor, m er ma kwaghbo ga.

Mateu 26:4

Ve hen er vea er man vea kôr Yesu sha ayom, vea wua yô.

Mateu 27:18

Gadia a fa er i lu sha iwuhe man ve lu yilan Un ijir yô.

Luka 20:20

Ve gba kuran Un, ve shi ve tindi mbamkerev mba ve er inja er ve mba ior mba mimi yô, sha u vea zua a ityôkwagh sha kwaghôron Na, sha u vea na Un sha ikev i gomna kua ijirôron i gomna kpaa.

Luka 20:26

Nahan ve fatyô u zuan a kwagh u vea kôr Un a ikaazwa sha kwaghôron sha ishigh ki iorough ga. Kpiligh ve iyol a kwaghôron Na, tsô ve huan ving.

Luka 22:2

Tsô upristi mbatamen man mbangeren gba keren ian i vea wua Un yô; gadia ve lu cian ikpelaior.

YOHANE 19:4

Pilatu shi due ken won, za kaa a ve er: Nenge nen, m ngu duen a Na ken won her a ven sha er ne fa er m zough Un a kwaghbo ga yô.

2 Mbakorinte 11:12

Kwagh u m lu eren yô, me eren her, sha u me bunde ian i mba ve keren ian sha u vea lu er se nahan vough sha kwagh u ve lu tan ihagh sha mi la.

Mbafilipi 2:15

sha er né lu a acôghol a wan iyol ga, né lu wang, né lu ônov mba Aôndo mba ve lu a ahuar iyol ga yô, ker atô u kov u lun kpe u geseghee ne,

1 Timoteu 5:14

Nahan yô, sarem pe kasev mba côgholov mba ve lu a mhem iyol yô, ve̱ er noov, ve̱ mar ônov, ve̱ nengen sha uya vev, ve̱ de ne orihom ian i lamen dang ga.

Titu 2:8

man sha kwaghôron u a lu vough, a gande u nyiman kpaa, sha u or u nan mough ahendan nana̱ va ahenge nana̱ de fetyô u teren se sha kwaghbo ga yô.

1 Peteru 2:12

Zende wen u hen atôatyev u̱ lu wanger wanger, sha u aluer mba lamen sha a ven er ka mbaaferev yô, ve̱ nengen aeren a en a dedoo man ve̱ civir Aôndo sha iyange i Una va sôron ne la.

1 Peteru 3:16

Shi lu nen a imo i wang ken ishima sha er kwagh u i lu lamen sha a ven dang dang la je kpaa, ve̱ va ahenge yô, ka ve mba ve lu teren mlu wen u dedoo u ken Kristu sha dang la.

Mbaajiriv 14:4

Kpa ter na kua ngô na ve fa er i lu hen TER je, kwagh ne a dugh ga; gadia lu keren ityôikaa a Mbafiliti. Shighe la, Mbafiliti tema tor sha Iserael.

1 Samuel 12:4

Tsô ve kaa er: U kighir se a ican ga, u ngohol se kwagh sha icugh ga, u ngohol kwagh sha ikev i ma or kpaa ga.

1 Samuel 18:14

Davidi yô, eren akaa a na cii luun sha mi vough; TER kpa lu a na.

1 Samuel 22:14

Tsô Ahimeleki gema kaa a tor er: Ka hanma wanye wou je nan kom u veren ishima sha a nan er Davidi nahana, u a lu wankem u tor, man orhemen u mbakurantor, u a lu a icivir hen ya wou kpaa?