Daniel 6:27 - ICIGHAN BIBILO

²⁷ Ka A yima man shi a war, man A er akav man akaa a kpilighyol sha kwavaôndo kua shin tar kpaa, Wen u A yima Daniel ken agee a ubegha la.

Daniel 6:27 Iomraidhean Croise

Yobu 36:15

Ka A yima or u yan ican sha ican i nan la, A bugh ve ato sha zayol.

Upasalmi 145:13

Tartor Wou ka icôrontartor je, Ú tema tor Wou sha ikov ikov cii.

Upasalmi 18:48

A yimam sha ikev i mbaihomov av; een, U kendem sha hen mba ve hendan a mo, U yimam sha ikev i ipilaor.

Upasalmi 18:50

Ngu nan tor Na myom u vesen; ngu tesen erdoo a u A shigh un mkurem la, a Davidi kua tsombor na gbem.

Upasalmi 32:7

Ka We, U lu ijiir yam i yeren ye, U kuram sha mzeyol, U kasem a atsam a myom. Sela.

Upasalmi 35:17

TERE, shi nan man Ú de u kenger ving ase? Yima uma wam ken mbamtim vev, ka u a lum môm tsô la, sha ikev i agumabegha.

Upasalmi 97:10

Ne mba TER A doo ne ishima yô, kôr nen kwaghbo ihom. Un koson uuma mba mba i doo Un a ve la, A yima ve sha ikev i mbaaferev.

Yeremia 10:10

Kpa TER yô, ka Aôndo u mimi je; Un ka Aôndo u uma je man shi ka Tor u tsôron gbem sha won; sha iyugh Na yô, tar tenger, man akuraior fatyô u kundun ishima sha ishimavihin Na la ga.

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Daniel 4:31

Er tor lu ôron kwagh ave la je, tsô, imo due Sha, kaa er: We, tor Nebukadinesar, ka we i ôr kwagh ne a we er: I dugh u tor ve.

Daniel 4:34

Tsô er ayange kar kera yô, mo Nebukadinesar m kende ashe am Sha, tsô mfe wam hide her a mo, m wuese Uhembansha, m sugh Un, shi m civir Un u A lu uma gbem sha won yô; mtemtor Na ka u tsôron gbem man tartor Na kpaa ka u sha ikov ikov cii;

Daniel 4:35

mba ve tem sha won cii mba er ka ma kwagh ga nahan; ka A er sha awashima Na a akum a Sha man a mba ve tem shin tar kpaa; ma or fatyô u yangen uwegh Nagh ga, shin u pinen Un er: Ka nyi U eren nahan, kpaa ga.

Daniel 6:20

Za ar hen ihungwa la yô, a yila Daniel sha imo i mlia; tor ôr kwagh, kaa a Daniel er: We, Daniel, wanakiriki u Aôndo u uma, Aôndo wou u u civir Un gbem la, A fatyô u yiman we sha ikev i ubegha kpa?

YOHANE 4:48

Tsô Yesu kaa a na er: Ka nea nenge uivande man akaa a kpilighyol ga yô, mayange ne na jighjigh ga.

Aerenakaa A Mbaapostoli 4:30

er U naregh uwegh Ough sha u been angev, man er á er uivande man akaa a kpilighyol ken iti i Icighan Wanakiriki Wou, Yesu.

Mbaheberu 2:4

Aôndo kpaa lu eren shiada a ve imôngo sha uivande man sha akaa a kpilighyol man akaa a ageegh atô kposo kposo man shi sha ikwar i karen i Icighan Jijingi sha ishima Na kpaa.

1 Samuel 17:26

Tsô Davidi ôr kwagh a ior mba ve tile a na la, a kaa er: Á er a or u nana wua Orfiliti ne, man nana tôô iheen i Iserael kera la nana? Orfiliti oripusu ne ngu nyi je, man a bamen akumautya a Aôndo u uma?