Daniel 6:26 - ICIGHAN BIBILO

²⁶ M ngu wan tindi mer: Sha ajiir a i lu tartor wam cii, ior ve̱ gbidye ikarikase iyol, ve̱ cia sha ishigh ki Aôndo u Daniel; gadia ka Un A lu Aôndo u uma, u lun gbem sha won ye, tartor Na kpaa ka u timin ga, man tahav Nav mbua lu zan zan mkur je.

Daniel 6:26 Iomraidhean Croise

Esera 1:3

Yô, hanmô wen u nan lu u ken ior Nav cii yô, Aôndo u nan A̱ lu a nan; yô, nana̱ yem ken Yerusalem, u a lu ken Yuda la, nana̱ za maa iyou i TER, Aôndo u Iserael, ka Un A lu Aôndo u A lu ken Yerusalem la ye.

Esera 7:21

Man mo, tor Artashaseta kpaa, m ngu nan mbakosoninyaregh mba ve lu yande Ifi cii zwa mer, hanma kwagh u pristi Esera, orngeren, u fan atindi a Aôndo u Sha, a pin ne yô, i̱ na un sha gbashima je,

Upasalmi 119:120

Ikarikase gbidyem iyol sha mciem ma m cie U la, m ngu cian ajiraôron a Ou kpaa.

Upasalmi 146:10

TER Una tema tor gbem sha won. Shion, Aôndo wou ngu sha ikov ikov je. Haleluya.

Upasalmi 2:11

Civir nen TER a mciem, ember nen a akarkase iyol.

Upasalmi 29:10

TER tema sha mngerem ma deemee; een, TER tema tor gbem.

Upasalmi 42:2

Aôndo, Aôndo u uma la, sarem er imurakôron yô; shi nan je me va, me va tile sha ishigh ki Aôndo?

Yesaia 66:2

Gadia akaa angan cii ka uwegh Agh ku er a ye, ka nahan man akaa angan cii a va lu ye, kape TER A kaa la; imbaor i Me ver ishima sha a nan yô, ka u nan hide a iyol i nan ijime man nan lu a jijingi u vaan afanyô, shi nan gbidye ikarikase iyol sha kwaghôron Wam yô.

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Yeremia 10:10

Kpa TER yô, ka Aôndo u mimi je; Un ka Aôndo u uma je man shi ka Tor u tsôron gbem sha won; sha iyugh Na yô, tar tenger, man akuraior fatyô u kundun ishima sha ishimavihin Na la ga.

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Daniel 3:29

Nahan yô, m wa hanma ior man ikurior man zwa tindi mer, or u nana ôr kwagh dang sha Aôndo u Saderaki man Meshaki man Abedi-nego ne yô, á paa nan avur avur, á gema ya u nan á hingir tihi u ihôgh; gadia ma aôndo ugen ngu u una fatyô u yiman or sha imbakwagh ne nahan ga.

Daniel 4:3

Uivande Nav vese je! Akaakpilighyol a Na kpaa cier iyol; tartor Na ka tartor u tsôron gbem, tahav Nav kpaa mbu sha ikov ikov!

Daniel 4:34

Tsô er ayange kar kera yô, mo Nebukadinesar m kende ashe am Sha, tsô mfe wam hide her a mo, m wuese Uhembansha, m sugh Un, shi m civir Un u A lu uma gbem sha won yô; mtemtor Na ka u tsôron gbem man tartor Na kpaa ka u sha ikov ikov cii;

Daniel 6:20

Za ar hen ihungwa la yô, a yila Daniel sha imo i mlia; tor ôr kwagh, kaa a Daniel er: We, Daniel, wanakiriki u Aôndo u uma, Aôndo wou u u civir Un gbem la, A fatyô u yiman we sha ikev i ubegha kpa?

Daniel 7:14

I na Un tor sha won cii man icivir man tartor, sha u ior man akuraior man ijô cii ve̱ er Un tom; mtemtor Na ka mtemtor u tsôron, u una kar kera mayange ga, man tartor Na kpaa ka u timin kera mayange ga.

Daniel 7:27

Á gema tartor man mtemtor man ivesen i ityartor i sha won cii, á na nongo u icighanmbaiorov mba Uhembansha; tartor ve ka tartor u tsôron, man ityahav cii mbia er ve tom, mbia ungwa ve.

Hosea 1:10

Nahan kpaa iyenge i ônov mba Iserael ia lu er waarawa u shin zegemnger, u i fetyô u karen u ga, shin u ôron u kpaa ga yô, tsô hen ijiir i i lu kaan a ve er: Ne mba nongoior Wam ga la, á gema á yila ve er: Ne mba ônov mba Aôndo u uma.

Malaki 3:6

Gadia Mo TER M gem kposo ga, ka nahan man ne ônov mba Yakob kpaa, i tim ne ga ye.

Mateu 6:13

man shi de ze a vese hen ape imeen i lu ga, kpa yima se sha ifer. (Gadia tartor ka u Wou kua agee man icivir kpaa, gbem sha won. Amen)

Luka 1:33

Una lu tor ken ya u Yakob gbem sha won; tartor Na kpaa ua bee mayange ga.

Luka 12:5

Kpa Mo Me kaa ne u a lu u ne cia Un yô; cia nen Un u Una wua man shi Una fatyô u gbihin ken gehena kpaa la; M ngu kaan ne, ka Wen cia nen ye.

Aerenakaa A Mbaapostoli 17:25

Man kera ka sha ave a ior kpaa i eren Un tom er kwagh gba Un sha ma kwagh ga, gadia ka Un je A ne uumace cii uma man iôôn kua akaa cii ye.

Mbaromanu 9:26

Man ka ken ijiir i i kaa a ve er: Ne mba nongoior Wam ga, la je á yila ve er: Ônov mba Aôndo u uma, ye.

Duteronomi 5:26

Gadia uumace cii, ka an je nan vande ungwan imo i Aôndo u uma lu ôron kwagh ken atô u usu, er se nahan, man shi nan lu uma heree?

1 Mbatesalonika 1:9

Gadia ve ayol a ve je kpaa mba ôron kwagh wase sha injamnyer i se nyôr her a ven, man er ne gema her Aôndo, ne undu akombo, sha u né eren Aôndo u uma man u mimi la tom,

Mbaheberu 12:29

Gadia Aôndo wase ka usu u hian kwagh kera.

Yakobu 1:17

Hanma nagh ku dedoo man hanma iwua i vough kpaa ka Sha hen Ter u iwanger ve dugh, ve senen ye. Un yô, ma mgem ngu ken a Na ga, shin mure u mgem tsô kpaa ga.

Mpase U Yohane 11:15

Ortyom u Sha u sha utaankaruhar kpaa tôngo, tsô i ungwa uzegembaamoov Sha, ve kaa er: Tartor u shin tar hingir u Ter wase man u Kristu Na ve, Una tema tor gbem sha won.

Mpase U Yohane 4:10

mbatamen mba ikundu kar unyiin la ve gba inya sha ishigh ki Un u A tem sha ikônough ki torough la ve civir Un u A lu uma gbem sha won la. Ve haa atsar a ve sha ishigh ki Un u A tem sha ikônough ki torough la ve kaa er:

Mpase U Yohane 5:14

Akaauma a anyiin la kaa er: Amen; mbatamen kpaa gba inya civir.

1 Samuel 17:26

Tsô Davidi ôr kwagh a ior mba ve tile a na la, a kaa er: Á er a or u nana wua Orfiliti ne, man nana tôô iheen i Iserael kera la nana? Orfiliti oripusu ne ngu nyi je, man a bamen akumautya a Aôndo u uma?

1 Samuel 17:36

Wanye wou hemba begha kua dwem kpaa; nahan oripusu Orfiliti ne una hingir er mô ve nahan, sha ci u a bamen akumautya a Aôndo u uma yô.