Daniel 6:24 - ICIGHAN BIBILO

²⁴ Tor shi kaa er, i̱ va a ior mba ve sende Daniel mbala, i̱ gbihi ve shin ihungwa i ubegha, ve man ônov vev man kasev vev; er ve lu a mande shin mkur u ihungwa la ga je tsô ubegha ve va hemba ve, ve hembe akuhe a ve avur avur cii.

Daniel 6:24 Iomraidhean Croise

2 Utor 14:6

kpa a wua ônov mba mbawuanior mbala ga; er i nger ken ruamabera u atindigh u Mose nahan, er TER kaa yô, er: De woo uter sha ci u ônov vev ga, man shi de woo ônov sha ci u uter vev ga; kpa hanma or nana̱ kpe sha ci u kwaghbo u nan iyol i nan.

Eseter 7:10

Nahan ve za sende Haman sha kon u a tim sha ci u Mordekai la. Tsô ishima yôhôl tor.

Eseter 9:10

ka ônov mba nomso pue mba Haman wan u Hamedata, orihom u Mbayuda la; kpa akaa ve yô, ve bende ave sha mi ga.

Eseter 9:25

kpa er kwagh la za va hen tor yô, a kaa ken uwashika er, mhen u bo, u a hen sha Mbayuda la, a̱ hide sha ityough nagh; un a ônov nav kpaa i sende ve sha kon.

Upasalmi 54:5

Una or mbaihomov av iyev i sha ifer ve; tim ve kera sha mimi Wou.

Anzaakaa 11:8

Ka i dugh orperapera ken ican kera, iferor a gema a tema sha ityough ki nan.

Anzaakaa 19:9

Orshiada u aiegh nan war mtsaha ga, or u ôron kwagh sha aie kpaa nana tim.

Yesaia 38:13

M nôngo u huan ving zan zan sev av; er begha nahan, kape A kever akuhe am cii la; hii pepe zan zan tugh U beem kwagh wam kera.

Yeremia 34:17

Nahan yô, TER ngu kaan nahan er: Mayange ne ver ato her a Mo ne yôô ner, i̱ pase ikpan i̱ tuhwa ga, hanma or a anngô u nan, man hanma or a or wan ndor a nan; nenge, M ngu yôôn Mer, i̱ pase ne i̱ tuhwa, hingir nen sha ikev i sanker man i bouange kua i ijen, kape TER A kaa ne; Me gema ne né hingir ityartor i sha won cii kwagh u tumbul a min ave.

Daniel 3:22

Nahan er imo i tor taver yum, man atse kpaa tsee tsung yô, nomborusu gema wua ior mba ve tôô Saderaki man Meshaki man Abedi-nego la.

Duteronomi 24:16

De woo uter sha ci u isholibo i uôn ga; man shi de woo ônov sha ci u isholibo i uter ga; hanma or ka sha ci u isholibo i nan iyol i nan á wua nan ye.