Daniel 6:22 - ICIGHAN BIBILO

²² Aôndo wam tindi ortyom Na, va cir ubegha ijô, ve erem ma kwagh u vihin ga; gadia i zuam a ibo sha ishigh Nagh ga; sha ishigh you kpaa, tor, m er ma kwaghbo ga.

Daniel 6:22 Iomraidhean Croise

Genese 40:15

gadia mimi je i iim a ii ken tar u Mbaheberu; heen kpaa, m er ma kwagh man ve va wuhem ken gaadi ga.

2 Samuel 22:7

Ken mkighir u i kighir mo ne, m yila TER; een, m yila Aôndo wam, A ungwa imo yam, ken tempel Na, mliam am nyôr Un ken ato.

1 Utor 13:28

Tsô a za a za kohol ikom na, i i gbihi sha gbenda la, jaki kua begha ve tile hen ikom la; begha ya ikom la ga, man ande jaki kpaa ga.

2 Kroniku 32:21

Nahan TER tindi ortyom, va tim anomaior a ageegh man mbahemenev mba ukurmbautyav ken afo a tor u Ashiria. Tsô a hide hen ya na a kunya. Zum u a nyôr ken iyou i aôndo na yô, mba a mar ve iyol na je, ve wua un ker, sha sanker.

Upasalmi 118:28

We U ngu Aôndo wam, me wuese We, We Aôndo wam me civir We.

Upasalmi 26:6

Me nyian ishô iyol; ka nahan man me ningir sha atse a Ou a nanden nagh sha mi ye, TERE;

Upasalmi 31:14

Kpa mo yô, m suur sha a We, TERE; m kaa mer: Ka We, U lu Aôndo wam ye.

Upasalmi 34:7

Ortyom u TER ka a haa afo a wa mbacian Un atô, a yima ve kpaa.

Upasalmi 38:21

De undun mo ga, TERE; Aôndo wam, de gbe ca a mo ga.

Upasalmi 84:11

Gadia TER Aôndo ka iyange man perutya kpaa; TER Una na mrumun u sha mhôôn man icivir; Una nyume mbazan jighilii la ma kwagh u dedoo ga.

Yesaia 3:10

Ter nen orperapera, kaa nen ner, á kpe nan iyol, gadia nana ya atam a aeren a nan.

Yesaia 63:9

Sha ican ve i yan la cii, Un kpaa lu yan ican, man Ortyom u sha ishigh Nagh la kpaa yima ve; sha dooshima Na man mhôônom Nam ma kôron A paa ve, A tôô ve, A yese ve sha ayange a tsuaa la cii.

Yeremia 37:18

Shi Yeremia kaa a tor Sedekia, er: M er u nyi, shin mbatomov ou, shin ior mban, man ne wuhum ken gaadii?

Daniel 3:28

Nebukadinesar ôr kwagh, kaa er: I̱ wuese Aôndo u Saderaki man Meshaki man Abedi-nego, u A tindi ortyom Na, a va yem mbayev Nav, mba ve suur sha a Na, ve we tindi u tor iko ga, ve na ayol a ve sha u civir ma aôndo ugen sughun un ga, saa Aôndo ve tseegh yô.

Daniel 6:20

Za ar hen ihungwa la yô, a yila Daniel sha imo i mlia; tor ôr kwagh, kaa a Daniel er: We, Daniel, wanakiriki u Aôndo u uma, Aôndo wou u u civir Un gbem la, A fatyô u yiman we sha ikev i ubegha kpa?

Daniel 6:23

Nahan tor ember tsung, a kaa er, i̱ dugh Daniel shin ihungwa kera. Nahan i dugh Daniel shin ihungwa, ve zua un a iyolvihin mape je ga, sha ci u a suur sha Aôndo na yô.

Daniel 6:4

Tsô mbahemenev man mbatarev lu keren u zuan a ityôkwagh i bo sha Daniel sha kwagh u tartor la, kpaa ve zua a ityôikaa i bo shin ifer kpaa ga; gadia a lu ormimi je, man i zua a ma mtsum shin ifer ken a na kpaa ga.

Daniel 6:7

Mbahemenev mba ken tartor ne cii; uityombaiorov man mbatarev man mbawasenmhen man ugomna ve hen imôngo er, tor a̱ wa tindi, a̱ ta icin taveraa zan zan ayange ikundugber, er hanma or u nana sôn kwagh hen ma aôndo shin ma or, á kera lu her a we ga yô, tor a̱ gbihi nan shin ihungwa i ubegha.

Mika 7:7

Kpa mo yô, me ver ashe hen TER, me kegh Aôndo u myom wam; Aôndo wam kpaa Una ungwam.

Numeri 20:16

zum u se vaa a TER yô, A ungwa imo yase, A tindi Ortyom, va due a vese ken tar u Igipiti; se mban heen hen Kadeshi gar u hen ikighirtar you ne;

Mateu 27:46

Tsô ka kom er ahwa atar nahan, Yesu yila sha imo i taver genger genger er: Eli! Eli! Lama Sabatani! Inja na yô, Aôndo Wam, Aôndo Wam, ka nyi U undumu?

Aerenakaa A Mbaapostoli 12:11

Tsô ka tende Peteru ashe yô, a kaa er: Hegen yô, m fa ka mimi je, Ter tindi ortyom Na, va warem sha ikev i Herode man awashima u nongoior u Mbayuda cii.

Aerenakaa A Mbaapostoli 24:16

Sha kwagh ne yô, m ngu nôngon u lun a imo i dedoo ken ishima gbem her Aôndo kua hen ior kpaa.

Aerenakaa A Mbaapostoli 27:23

Gadia hen tugh mbun je ortyom u Aôndo u m lu u Na, m civir Un kpaa la, a va tile a mo.

2 Mbakorinte 1:12

Gadia ihagh yase yô, ka i ne, ka shiada u imo i ken ishima yase, er se lu zenden ken tar, jim je yô lu hen a ven, lu sha icighanmlu man mimi u Aôndo lu sha mfe u iyolough ga, kpa lu sha mrumun u sha mhôôn u Aôndo je.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:17

Nahan kpaa Ter yô tile a mo her, A nam agee sha u m̱ ôr kwaghaôndo m̱ kure, atôatyev cii a̱ ungwa. Kape i yiman ken zwa u begha kera ne.

Mbaheberu 1:14

Ve cii, kera ka ujijingi mba eren tom mba ka i tindin ve u za wasen mba vea ya dyako u myom la gaa?

Mbaheberu 11:33

Mban yô, ve hemba ityartor ityav sha jighjigh u nan, ve er perapera, ve ngohol uityendezwa, ve cir ubegha ijô,

1 Samuel 17:37

Davidi shi kaa er: TER u lu yimam sha ikev i begha man sha ikev i dwem la, shi Una yimam sha ikev i Orfiliti ne kpaa, Nahan Saulu kaa a Davidi er: Yô, za, TER A̱ lu a we.

1 Samuel 26:18

Shi a kaa er: Ka nyi terem a zende wanye na ityô? Ka nyi m ere? Man ka nyi ibo m lu a mini?