Daniel 6:20 - ICIGHAN BIBILO

²⁰ Za ar hen ihungwa la yô, a yila Daniel sha imo i mlia; tor ôr kwagh, kaa a Daniel er: We, Daniel, wanakiriki u Aôndo u uma, Aôndo wou u u civir Un gbem la, A fatyô u yiman we sha ikev i ubegha kpa?

Daniel 6:20 Iomraidhean Croise

Genese 18:14

Ma kwagh u kpilighyol u hemban TER ngu jee? Me hide hen a we sha shighe u i ver la, hen shighe ne nahan, Sara una lu a wan ave.

1 Kroniku 16:11

Ker nen TER kua agee a Na kpaa, keren nen ishigh Nagh gbem!

Upasalmi 119:112

M ver ishima sha u eren akaawan a Ou gbem zan zan mkur je.

Upasalmi 146:2

Me wuese TER, sha ayange a m lu uma ne, me wa atsam me wuese Aôndo wam, sha ayange a m hile lu her ne.

Upasalmi 73:23

Nahan kpaa m ngu a We gbem, U kôrom sha uwegh agh ku yanegh.

Yeremia 32:17

Ahi! Tere, AÔNDO. Nenge, We, U er Sha man tar sha agee a Ou a vesen man sha uwegh Ough ku naregh; ma kwagh u hemban we ngu ga;

Daniel 3:15

Hegen yô, aluer né wa ago iyol sha shighe u né ungwa imo i kor man imar man molo man gbange man adiguve man ikpaimar man hanma inja i ityougholough cii yô, man né gure inya, né sugh eev mbu m er la yô, doo; kpaa aluer né sugh mbu ga yô, á gbihi ne ken atô u atse a usu u yeghen ker la, hen shighe la je: ka hanma aôndo je una yima ne sha ikev yama?

Daniel 3:17

Aluer Aôndo wase u se civir Un la Una fatyô u yiman se yô, Una yima se ken atse a usu u yeghen ker la kua sha ave ou kpaa, tor.

Daniel 6:16

Nahan tor na zwa, i va a Daniel, i gbihi un shin ihungwa i ubegha. Kpa tor ôr kwagh a Daniel kaa er: Aôndo wou u u civir Un gbem la, A̱ yima u.

Daniel 6:19

Tsô tor mough pepe dindee, a za hen ihungwa i ubegha la ayem.

Daniel 6:26

M ngu wan tindi mer: Sha ajiir a i lu tartor wam cii, ior ve̱ gbidye ikarikase iyol, ve̱ cia sha ishigh ki Aôndo u Daniel; gadia ka Un A lu Aôndo u uma, u lun gbem sha won ye, tartor Na kpaa ka u timin ga, man tahav Nav mbua lu zan zan mkur je.

Daniel 6:27

Ka A yima man shi a war, man A er akav man akaa a kpilighyol sha kwavaôndo kua shin tar kpaa, Wen u A yima Daniel ken agee a ubegha la.

Hosea 12:6

Nahan we yô, hire hen Aôndo wou, lu a dooshima man perapera, ver ishima kegh Aôndo wou gbem.

Numeri 11:23

TER kaa a Mose er: Nahan uwegh ku TER yina zee? Hegen ú nenge kwaghôron Wam, shin una kure u sha mi vough, shin una kure ga kpaa.

Luka 1:37

Gadia ma kwagh môm u a hembe Aôndo u eren un yô, ngu ga.

Luka 18:1

A shi A ôr ve injakwagh sha u tesen er doo u taver ishima u eren msen zumbee, gban uwer ga.

Aerenakaa A Mbaapostoli 6:4

Kpa se yô, sé taver ishima sha msen u eren man sha tom u kwaghôron ne.

Mbaromanu 2:7

Mba ve lu keren iengem man icivir man mtsôr sha u eren kwagh u dedoo sha ishima i wan yô, Una na ve uma u tsôron.

2 Mbakorinte 1:10

Un u A yima se sha imbaku i vesen ne shi Una yima se kpaa la, ka sha a Na je se veren ishima se lu keghen ser, shi Una yima se kpaa ye.

Mbakolose 4:2

Taver nen asema sha msen u eren, lu nen per sha mi sha ishughun.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:12

ka sha ci u kwagh ne man m lu yan atsan ne nahan ye, kpa kunya kôrom sha mi ga. Gadia m fa Un u m na Un jighjigh la man m fa dedoo mer Una fatyô u kuran kwagh u i wem sha ikev la zan zan iyange la.

Mbaheberu 7:25

Nahan yô, mba ve lu van hen Aôndo ve karen hen Na yô, Un fatyô u yiman ve been cii, gadia ngu lun uma gbem sha u Una er msen sha ci ve yô.

Yakobu 1:25

Kpa or u nan kenger sha tindi u vough u a pasen se a toho la shi nan veren ishima yô, á saan nan iyol ken aeren a nan cii, gadia u ungwan kwagh yô, nan ngu or u kwagh hungul nan fefa ga, kpa nan ngu or u eren tom je.

Yuda 1:24

Un u A lu a agee a Una kura ne sha u né kera nôngo gbev ga shi Una ver ne né lu a acôghol iyol ga sha ishigh ki iengem Na a iember tsung je,